السلام عليكم و رحمة الله و بركاته

كيف حالكم كلهم جميعاً ؟

بمناسبة العودة لمقاعد الدراسة الي يحبها الكل

نبي كل واحد يقول موقف محرج حصل له أو مع أحد يعرفه

بس على شرط ان الموقف يكون مع المدرسين ( أو المدرسات بالنسبة للعضوات )

منها نضحك عليكم .. أقصد معاكم و منها نخفف ثقل اليوم الأول في الفصل الجديد

***

و علشان ما أحد يستحي أنا راح أبدأ ..

***

كانت أيام اختبارات << و الريح تدوي و الذئاب تعوي
كنت جالس مع الشباب نراجع بين الفترتين بالقرب من غرفة تصحيح أوراق الاختبار << يمكن نلقط سؤال ولا اثنين
ما أشوف الا واحد من المدرسين ماسك زعتر مدري جبن و يعطيه واحد من الشباب و يقول له خذ
الولد استحى و قال شكراً ما أبيها
الاستاذ حاول يعطيها للولد بس الرجال ما يبي ياخذها

و بعد شوي قال له الاستاذ وديها للاستاذ الي في الغرفة الثانية << طلع ما كان بيعطيها للولد أصلاً 3

طبعاً متنا عليه من الضحك و هو تفشل بشكل غير طبيعي 498

***


ننتظر ردودكم و مشاركاتكم

ههههههههههه

موقف مضحك ...

لا أتعرض للمواقف المحرجة ... لذلك ليس عندي ما أقوله ...

شكراً لك ...

Demor

والله ما عندي موقف محرج او مضحك

وشكراً على الموضوع


في امان الله

أذكر يوم كنت بثالث ثانوي القصل الثاني كانت الأسئلة تجي من الوزاة المهم ..
أذكر كان علينا فيزياء ( ياكرهي للمادة) أهم شي سلمت الورقة وطلعت ..بعد نص ساعة تقريبا ما أدري وش اللي خلاني أتذكر إني كاتب إسم ابوي غلط اهم شي رجعت للقاعة وانا داخل قالي المراقب وش عندك رجعت قلت أبعدل إسم أبوي كاتبة غلط قال وش؟ قلت أبعدل قيه غلط ويناظرني بإستغراب وقال تفضل رح عدل ..والمشكلة إن المراقب ماكان يدرس عندنا جاي من الوزارة يعني ما أعرفـة
الصدق ذاك اليوم والله ضاع وجهي ما أدري وش أقول..

شكرا لك أخوي MrGrafix

يا هلا والله مستر جرافيكس وبمواضيعك المتميزة ...

واللي نطمح بالمزيد مثلها .. ونتمنى أن تكثر من التميز في المنتدى ..

بالنسبة للموقف المحرج ...

انه في العام الماضي في ثاني ثانوي .. كنا في حصة الفقه .. وطبعا الأستاذ من النوع المتشدد شوي

المهم ان في هذا اليوم قررت أني اجيب جوالي .. ما أدري ليش .. وجبته ..

وأنا كنت حاطه صامت .. ومتأكد من هذا .... ولكن نسيت أني أخرجته قبل الطابور الصباحي .. لأتصل على صديق لي

واللي صار إنه واحنا في الحصة .. الا دق الجوال .. وكان من نوع سوني آريكسون ..

والمشكلة كان في هذه اللحظة الفصل ساكت .. والأستاذ ما وقف يشرح إلا عند راسي وانا باليسار ..

فظهرت النغمة الموسيقية .. من الجهاز مركبة .. وليست نغمة أغاني ...

الشاهد .. انه اول ما دق الاستاذ والطلاب يدورون نغمة مين .. انا من الاحراج قمت أتلفت مثلهم .. إلا وأشوف الطلاب يشوفوني أنا عااد أنا انكشفت ...

طبعا النغمة كانت مضحكة جدا جدا جداً .. فلذلك وبعد الحصة .. الأستاد اخذ الجوال مني .. قعدت ألحقه أقول انها نغمة جاهز و مو لأغنية .. فقال خلاص لا تعيدها مرة ثانية

ولا كان بيودي الجوال لمشرف المجمع .. وينسحب الجوال لآخر السنة ^__^

الله ستر .. وهذا ما لدي

مشكور اخوي ع الموضوع ,, وحلو موقفك ,, ^^

وانا عند موقف بسيط .. وابقولكم اياه ..

كان مدرس الكيمياء يشرح ويوم انتهاء جالس باخر الفصل وانا مادريت عنه ..

انا حسبته طلع برا الفصل .. وانا اقوم وافتح الباب مستعد للهروب واحرض الشباب

واقولهم وش قاعدين له قوموا ندور شوي ,, وهم متسدحين ضحك وانا فوق راسي

علامة تعجب كبيييرة مادرت عن المدرس الى يوم جاء وهو يضحك ويقولي رح اجلس مكانك ..

__________________

اتمناء يكون اعجبكم وننتظر باقي المواقف .. وشكرا ..