شرايكم كل واحد يقول موقف مظحك معاة

انا ببدأ أول كنت قمت الساعة ثلاثة بالليل كنت عطشان رحت شربت مويه ولعت اللمبة مرت 10 او 5 دقائق جاني نور على عيوني قلت يووه طلعت الشمس بن روح المدرسة وانا ما شبعت نوم يوم التفت لقيتها مو الشمس صارت اللمبة






يالله كل واحد يقولة كم موقف مظحك معاة

يوووم كامل محدرد

المشاركة الأصلية كتبت بواسطة المحقق ناروتو9

شرايكم كل واحد يقول موقف مظحك معاة

انا ببدأ أول كنت قمت الساعة ثلاثة بالليل كنت عطشان رحت شربت مويه ولعت اللمبة ونمت مرت 10 او 5 دقائق جاني نور على عيوني قلت يووه طلعت الشمس بن روح المدرسة وانا ما شبعت نوم يوم التفت لقيتها مو الشمس صارت اللمبة






يالله كل واحد يقولة كم موقف مظحك معاة

اسف غلطت اتاسف

مرة وحدة كانت معي غرشة مال ماي وكنت في المدرسة وكانت الحصة السابعة قلت في نفسي ليش ما أسوي مقلب " شفت زميلي إلي يجلس وراي قايم من مكانه وباغي يجلس في مكاني وكنت أنا على الباب مال الصف فأسرعت وحطيتله ماي واجد في الكرسي والرجال مامعاه خبر إلي صاير ويا حليله جلس على الماي بعد دقيقة قام يشوف إيش في الكرس وفجأة شاف الطلاب يضحكون عليه وحس بالماي في ذاك المكان المسكيييييييين زعل وطلع من الصف وأنا أشرب الماي تشرقت وأنا من كثر ماأضحك تقيأت قدام الطلاب على باب الصف ويا الفضيحه إلي صارت" " يوم لك ويوم عليك"


تسلم أخي على الموضوع الرائع

شكرا لك على الموضوع الحلو
كنت مرة في المدرسة برا الصف ولما دخلت على الفصل ضربت الباب بأيدي وحيكيت بصوت عالي ومضحك (السلام عليكم) واتفاجأت انو المدرس كان موجود والكل ساكت فأنا اتمنيت الارض تنشق وتبلعني وتعال شوف وجهي كيف صار
تقبل مروري

الله يعافيكم تسلم ايديكم يا احلى اعضاء

السلام عليكم

بصراحه ما اذكر انه صار لي موقف مضحك بس .. صار مع أختي
في يوم كانت نايمه من العصر وصحيت فجر اليوم الثاني والمسكينه على بالها ان الدنيا لسا مغرب بس كانت مستغربه اننا كلنا نايميين في هذا الوقت والراديو فيه قران ..

بعدين مسكت التلفون تدق على صحبتها ومحد يرد ورجعت دقت ثاني وثالث آخر شي ردت عليها ام صحبتها وقالتلها ان البنت نايمه

وفجأه تشرق الشمس ..

طبعًا موقف ماتحسد عليه ،، اعتذرت لصحبتها ولأمها المفجوعه من الاتصال اللي في هذا الوقت .. وتقبل مروري ..

الله يعافيكم صراحة مواقفكم خطييييييرة

السلام عليكم ورحمه الله وبركاته

عندي وايد مواقف مضحكه صارت معايه

بس بذكرهم موقف عن بنت عمي الله يسلمكم كنا رايحين العمره وكنا ما نعرف شي بحكم ان كنا صغار يعني فالابتدائيه
كنا ورا اهلنا يعني اي شي يقولوللنا نسوي كنا نسويه .. المهم بعد ما ردينا من العمره .. الكل قام يقول شو كان يسوي
جان تقول بنت عمي الا يوم نوصل صوب الحجر الاسود نرفع ايدنا شو نقول .. جان اقوللهاا نقول الله أكبر
جان تقولي احلفي انا كنت أقول السلام عليك يا أيهاا الحجر !!! =/
هني صدق نقعت من الضحك مادري من وين يابت هالجمله استغفر الله صدق كنا جهل=S

يعطيك العافيه اخويه على الموضوع =)

kit kat

أنــاا صار لي موقف سخييييييييف ..
كنت سايرة كارفور ويا الأهل !
فـ لما وصلنا لمنطقه كانت نظييييييفه بشكل فضيع..
وانا اتكلم في الفوون ما ادري الا وانا يالسه ع الأرض "طحت!!"
مر الموقف على خير وكان المول فاااضي تقريباً ومحد انتبه لي لأني طحت ورا وحده من الحواجز فـ ما بيّنت طيحتي ..
المهم اختي الكبيرة ما سكتت!
جان تزقر امايه بصوت عااالي .. ماااا شفتي بنتج طااااااحت هههههههههههههه
الحريم اللي ما شافوا سمعوا وكلهم ألتفتوا يطالعون منو هاي اللي طاااحت؟!
وانا عااد ذيج السااع اباا الأرض تنشق وتبلعني

..

بعد كمن يوم .. اتصلت لي بنت اختي "بنت هاي اللي فضحتني"
جان تقولي خاالوووه ما خبرتج!!
استوا لي موقف سخييييييييف ف كارفووور!!
قلت لها لا يكون طحتي؟
قالت هيييييييييه طحت
ووصفت لي المكان.. طلع نفس المكان اللي طحت فيه بالضبط!!
خخخخخخخخخخ
جان افطس عليهااا من الضحك.. قلت لهاا هاي يزاات امج اللي فضحتني ذاك اليووووم ..
بس يحليلها بنت اختي رحمتهااا ..

^.^

حقيقة موضوع جمييييييييل
بالنسبة للمواقف المضحكة التي حصلت معي
أمممم لا أفتكر منها الا القليل
لكن سوف اشارككم بها
احم احم
كان يوم عيد ميلادي <<< ترى ما نعترف بهذه الأعياد أبدا , لكن لمجرد الضحك والتسلية
المهم أنا رحت لإخواتي وأخواني وقلت أبا كيك أسكريم من باسكن روبنز
طبعا الكل رفض الفكرة والسبب الكيك مره غاااااااااالي >_<
المهم بعد النقاش الحاد بين الأخوة >>> وافقوا
هههههههه
المهم رحت أشتريت الكيكه وحقيقة كانت مره غالية وكمان شكلها صغير
طبعا الموضوع كله في الخفاء ابي وأمي ما يعرفون ابدا
المهم يوم دخلت بالكيكه في البيت دخلت زي <<< الحرامية علشان أبوي لا يشوفها
المهم أجتمعت العصابة << أخواني وأخواتي ^^
وطبعا كلهم صدموا لما شافوا الكيكه
المهم قطعناها وبدأنا في الأكل <<< وأبي أمي لا يعرفون
المهم فجأة ما ألاقي إلا ابوي وأمي طابين علينا في الغرفة
وشافوا الكيكه وهات عاد أسئلة <<< بكم ومن وين لك فلوس
المهم صرفتهم بأكذوبه << هههه
وبعد ما أكلنا جاء أخوي الصغير <<< ربنا يحفظه
وقال كل السالفة لأبوي
وكانت ردت فعلت أبوي <<< ضحك
وجاء شاركنا هو وأمي في الكيكه الضغير
بس أقلكم شيء ما حد قدر يكمل القطعة حقته
والسبب الكيكه مرررررره مركزة وثقية على المعدة
تحياتي ^^
وعذا على الإطالة
Jumper

الله يعافيك على الرد

موضوع جميل
افتكرولداختي يوم يسجلونه بالمدرسه يسمعوله الفاتحه في البيت
وهوسكت فجاه ساله ابوه ايش فيك قال ماحفظت سورة البقره
واللي اكبرمنه بسنه يحكي لابوه عن طموحاته يقول امنيته لمايكبر
يشرب ديومثل امه وابوه
وافتكربنات عمي يوم ينامون عندالتلفزيون واحده منهم تتقلب كثير
ورفست اختهاوهي نايمه في وجههافالثانيه راحت عضتهابكل قوتها
خلتهاتفز مصروعه
ومن مواقفي يوم تطلب امي انظف الثلاجه اشيل كيس اسود
وارمي كل شي واقولها
خرباااااااااااااااااااااان
تحياتي لك اخي

الله يعافيكم على ردودكم

اشكرك عالموضوع

ولد اختي كنا نسأله إذا كبرت وش تصير
قال: بأصير هندي

تصدقوا ما ألومه الهنود اساس الوطن كل الشغل عليهم


اختي الكبيرة كانت تدرس اختي الصغيرة وتقول زمان كفار قريش كانوا يعبدون الاصنام
قالت اختي الصغيرة :امي وابي كانوا يعبدون الاصنام!!!!؟
لا تسألوا عن حال ابي من الضحك


اختي الصغيرة نفسها كانت تفكر وسرحااااااااااااااااانة
سألتها اختي وش فيك سرحاااااااانة؟؟
قالت : افكر في كلمة ما فيها حروف هجائية كل الكلمات فيها حروف هجائية!!!!!!!

ترى اختي من الاوائل لكن الذكاء يهلوس بالانسان

والله المواقف كثير ........ ^^

بس بذكر واحد .. صار لي قبل سنه تقريبا ... ^^

دخلنا الفصل انا واخوياي بعد الفسحة واناظر مكان المدرس وما كان فيه احد ..

وعلطول بديت اغني بصوت قوي وارقص خخخخخخ لين رحت لمكاني والطلاب ماتووو ضحك ..

واناظر ورا بالخير وكان المرشد جالس .. صار وجهي توأم للطماط .. ^^

وشكرا اخوي ع الموضوع المضحك قصدي الروعه .. ^^

والله موقفك مظحك