السلام عليكم ورحمة الله وبركاته

في موضوع يقهرني واااااااااااااااايد في بلادي صراحه .. اخخخخخ بس لو اكتب كيف مقهوره ما راح اخلص وتوني قبل شوي بعد قريت قصه خلتني انقهر .. معاناه اماراتيه تشرح معاناه الكثييييييييييير من المواطنين .. وانا واهلي منهم .. بخليكم مع القصه .. علشان شوي تسخنون ..

السلام عليكم و رحمة الله و بركاته

إخواني و أخواتي أنا اشتركت اليوم في المنتدى و هاذي أول مشاركة لي اليوم بس حبيت أبين لكم السبب الرئيسي الذي دفعني للاشتراك في المنتدى ألا و هو أني مواطنة من دولة الإمارات دار زايد الله يرحمه و خليفه الله يعطيه طولت العمر وصلني عرض عمل من خارج الدولة في دولة خليجية على وجه التحديد حيث كان يتضمن العرض بدلات و أرقام مغرية حيث تترك الفرد يفكر ملياً بقبول الوظيفة بدون تردد ولكن هل تعتقدون إني وافقت ؟.............

لا..... طبعاً رفضت و انا الدمعة تنزل من عيني و قلبي يحترق ليس على أني رفضت الوظيفة ولكن أنا بنت الإمارات هل يعقل أن أتغرب لكي اكسب عيشي و اعمل في بلدٍ غريب حتى أعيل عائلتي بعدما كان أفراد الدول الأخرى يموتون و يتوقون للحصول على عقد عمل في دولة الإمارات أصبح أنا التي تريد أن تخرج للعمل خارج الدولة ,,,هل تعلمون ما صدمني ؟
إن ما صدمني و أدهشني بأنه الكثير من زملائي قالوا لي بأنني لن أكون المواطنة الوحيدة التي إذا ذهبت للعمل خارج البلاد بل هنالك آخرون !!!:ho00ob: بصراحة لما سمعت الموضوع أخذتني الحمية و اغتظت كثيراً.






المشكلة أنني انا و زملائي نعمل في _____لأنه ممنوع اقول اسم المكان هذا قانون المنتدى____و التي كانت سابقاً ------------------- حيث كنا ننتظر زيادة الرواتب التي ستشملنا مثل ما شملت جميع دوائر و مؤسستا أبوظبي المحلية و لكن للأسف ما إن انتهت هيكلتنا و دخلنا على السنة الجديدة اكتشفنا بأن كل شيء يدافع عنه المرء في حياته من مبادئ و قيم بدء يكتشف انها غير موجودة لدى بعض الناس ضعاف النفوس الذين يأتون إلى بلادي و يأكلون خيرها أكثر مني أنا المواطنة .........

تخيلوا معايه انته تعمل لتنتظر الزيادة و الترقية لتستلم عقد جديد تجبر على توقيعه و ذلك لأن العقد يتضمن فقرة تقول انه مدة التوقيع عليه 3أيام و منم بعدها يعتبر الموظف إذا ما وقع مفنش و هم سلمونا عقودنا المنكوبة يوم الخميس الساعة 3 ظهراً و تتضمن بعض العقود نقص في الراتب و الأدهى من ذلك لا ترقية و لا بطيخ بل ينزلون من درجتك و يأتون إليك بمدير وافد يتحكم في مصيرك الوظيفي و طبعاً انتوا ادرى المثل يقول أنا و أخويه على ولد عمي و أنا و ولد عمي على الغريب ... الوافد صار يستلم راتب 150.000درهم بالإضافة إلى سيارة بورش كارييرا و فيلا قيمتها الإيجارية السنوية 450.000الف درهم و أنا بدل السكن عندي 40.000درهم فقط و المواطن حدث و لا حرج و الله العظيم لقد ظلمنا في هذا المكان و لا نعرف إلى من نشتكي غير الله لذلك قررت أن اشترك في كل منتدى إماراتي و اكتب الموضوع نفسه عل و عسى أن يصل إلى الجهات المطلوبة .....


هام جداً:
يا جماعة للمعلومة فقط انا ليس لدي أي شيء ضد أي جنسية أخرى بهذا الموضوع فإن رب العالمين يكتب الرزق لمن يشاء من عبادة انا فقط أريد أن أوضح وجهة نظري و هو إننا أولى بخير بلادنا .

تعرفون شو سويت رحت حق مدير شؤون الموظفين عندنا طبعاً المواطن مب الوافد لأنه عندنا وافد و المواطن حاطينة تحته و حطيت العرض جدامه و قلتله هاذي آخرتنا نحن نطلع برع و هم يدشون بصراحة.......كنت وايد معصبة و حسيت انه من القهر دمعة عيني بتنزل


اللهم إليك أشكو ضعفي و هواني
اللهم لا تكلني إلى نفسي طرفة عين

شو رايكم بالوضع الي وصل له المواطنين .. صراحه شيء ما ينسكت عنه ((((.. تخيلوا اني احيانا اقول شو فايده الشهاده الجامعه دام انه الشغل ما بيي الا بالواسطه او لاني ما بشتغل بالاساس لانه اصحاب الشهادات العاليه منبوذين هني وبصراحه .. تعرفون ليش ؟؟ لانه الي يوظفون اغلبهم وافدين وهم يخافون من اصحاب الشهادات العاليه لانهم خطر عليهم مثل ما يقولون فيقومون يشجعون ع الشهادات الثانويه ويرفضون الشهادات الجامعيه الي تعبوا عليها سنوات علشان يفرحون اهلهم ويرفعون اسم بلادهم .. بقولكم عن قصه صارت مع اختي الي متخرجه من الجامعه من فتره طويله وقاعده بالبيت ..

اختي قدمت على وظيفه اقل من مستواها ومن خبرتها بس شو تسوي اذا كانت تعبانه من يلسة البيت وتبا تشتغل وتنازلت عن بعض حقوقها والمدير الي سوالها مقابله قبلها لانه مستواها عالي بس القهر انه مديره هالمدير اجنبيه رفضت اختي عصبت قالت لها ليش ترفضين ؟؟ قالت اونه انتي مستواج احسن عن هالوظيفه بس اختي قالت عادي انا موافقه لاني احتاج هالشغل .. راحت رفضت ال***** .. >< .. شيء يقهر صراحه يذلونا على الوظايف مع انا نتنازل عن حقوقنا واايد وبعد مافي فايده وااايد ناس اعرفهم اتخرجوا وقعدوا بالبيت لانه ما شيء وظايف واغلب الي يوظفون للاسف غير مواطنين 7 .. مب شيء يقهر ..

حتى صارت لاخوي سالفه مت قهر عليها .. اخوي متزوج وعنده عيال بالمدارس .. تخيلوا انه يسهر ويدرس دووم وما يقبل الا بالافضل ماشاء الله عليه وحصل على شهاده الماجستير الي قبل الدكتوراه وكان فرحان حليله بس تخيلوا انه الشغل الي عنده ما عبروه ولا كانه خذ شهاده وما حطوه حقوقه فراح يطالب بحقوقه والمدير تضايق وطرده من الشغل والقهر طرده بشكل يبين انه مسوي شيء مب زين للشركه حتى انه ظل شهوررررر يدور على شغل ويرفضونه وانا كنت اصيح بقلبي عليه من القهر .. هو الي تعب ودرس وخذ هالشهاده اخر شيء جيه يصير له >< .. كان خاطري اساعده بس ما اعرف كيف ((... وبعد ما تنازل عن حقوقه المسكين قبلوه بشغل اقل عن مستواه بواايد .. يعني بدال ما تشجعون ولد البلاد يكمل ويدرس تروحون تعاملونه جيه >< .. حتى انه كان يفكر ياخذ دكتوراه بس بعد هالسالفه غير رايه +___+ .. يااااه كيف تنغاظ لما يعاملك الشخص الغير مواطن معامله *** بس لانه اعلى عن مستواك وفي بلادك بعد .. لين متى بنتم جيه ؟؟

الله يهدي الناس الي ما عندها شخصيه وتسير ورا شورة الاجانب الي يستقلون ويسرقون بلادنا وما يستاهلون ولا فلس منها ..

اتخيلوا قبل سمعت من اختي شيء وضحكت عليه من القهر .. تقول جافت فيديو بيوتبوب هندي يتكلم عن الامارات وتخيلوا شو يقول ؟؟

يقول هذي بلاد مال انا

عندي واااااااااااااايد قصص تقطع القلب بس بكتفي ... بس حبيت افضفض شوي

اسمحولي اذا هالكلام ضايق الناس الغير مواطنين بس حتى انتوا لو صار هالشيء في بلادكم بتنقهرون منه

ما اقول بس غير الله يرحم الشيخ زايد .. من بعده الامارات راحت في الباي باي

هي والله قهررررررر

تعرفين حتى الموظفين الأجانب اللي يايبينهم حق ______ قايلين لي إن راتبهم أعلى من راتب الموظفين المواطنين و كل شي عندهم من لاب و سيايير و بيت و غيره

و واااااااااايد يعطونهم سالفة

و الحين وين ما تروحين كله يبون الواسطات

و على طاري الفيديو

أمسات ربعتي تخبرني تقول لي إن الهندي راعي الدكان اللي حذال بيتهم يقول ( هذي إمارات مال هند بعدين أنتوا كلكم بتشتغلون عندنا ... و نحن أكثر عنكم )

ياما ناس يتشكون بس لا حياة لمن تنادي

خليها على الله

و تسلمين يالغاليهـ على كتابة هذا الموضوع الصريح

اللهـ يعطيج مليووووووون عافية

و الحمدلله على كل شي

المشاركة الأصلية كتبت بواسطة DaNgEr GiRl

هي والله قهررررررر

تعرفين حتى الموظفين الأجانب اللي يايبينهم حق ______ قايلين لي إن راتبهم أعلى من راتب الموظفين المواطنين و كل شي عندهم من لاب و سيايير و بيت و غيره

و واااااااااايد يعطونهم سالفة

و الحين وين ما تروحين كله يبون الواسطات

و على طاري الفيديو

أمسات ربعتي تخبرني تقول لي إن الهندي راعي الدكان اللي حذال بيتهم يقول ( هذي إمارات مال هند بعدين أنتوا كلكم بتشتغلون عندنا ... و نحن أكثر عنكم )

ياما ناس يتشكون بس لا حياة لمن تنادي

خليها على الله

و تسلمين يالغاليهـ على كتابة هذا الموضوع الصريح

اللهـ يعطيج مليووووووون عافية

و الحمدلله على كل شي

هيه نفس الحال عندنا اييبون حفارين قبور ويشغلونهم مدرسين تخيلي ههههههههههه

ضحكتيني .. صدق هالهندي ماخذ مقلب بنفسه بس صراحه ماالومهم اطلعي يوم الجمعه وجوفي العالم بتجوفين انها صدق بلاد الهند D:

ههههههههههه اتخيل بس نشتغل عندهم ونسوي افلام هنديه خخخخخخخ .. بس سمعت في قانون عند الامم المتحده اظن انه الاغلبيه هي الي تحكم البلد .. ما يندرى صح والا

مشكوووووووووووره اختي ع المرور والرد الرووووووووعه ^^

المشاركة الأصلية كتبت بواسطة | نغمـة وتـر |

صدقتي والله ،،
احس الأجانب خاصة ،، الأوروبيين ،، ماخذين كل شيء في الشغل والترقيات
تلاقونهم متنعمين ومرتاحين في حياتهم ،، هذا بس لانو بريطاني او فرنسي الخ
اما الهنود فحدث ولاحرج ،، من كثرتهم تحسين حالك بنيودلهي خخخخخـ
وبعد مصايبهم الله لايبلانا كثييرة ،،

والله قهررررر ،،

يسلمووووو والله على الموضوع اللي يعبر عن الأغلبية ان لم تكن الجميع

لك مودتي00

الله يهدي اللي كان السبب يارب .. صدق معطينهم اكثر من حقهم وهم ما يفرقون عنا ناس مثلنا مثلهم .. ولا القهر كفار .. لو مسلمين اهون بعد

هههههههه حلوه نيودلهي .. يعني حتى السعوديه تعاني منهم xD .. بس انتوا اهون طبعا نحن يوم ايون بلادنا الاجانب يقولون بالبدايهظنينا انه الهنود هم الناس المحليين من كثرهم D:

يالله الله بياخذ حق كل شخص مظلوم ان شاء الله

مشكووووووووره ع الرد الرووووووووعه .. ;)

هلا والله شوشو تشااان ^^

كيفك ياا قميلة ؟؟

يوووووه فتحتي الجرح لوووول ما ادري من وين ابدا ...

والله شي يرفع الضغط بس تدرين حتى احنا عندنا نفس الشي الدنيا حولنا ما تمشي الا بالواسطات صدق يحز بخاطري اذا دخلت كليه او جامعة وشفت ان كل الموجهات والاداريات يقربون لبعض سبحان الله كل وحده تحجز للي تقرب لها

والله ما اكذب عليك اختي مرة قدمت على وظيفة تقول حتى ما شافت شهادتي او شي على طول قالت ما عندنا وظايف تقول اللي وراي كانت بنت عندها واسطة .. صدقيني تقول من اول ما دخلت البنت الا والمديرة ترحب فيها و طبعا الوظيفة كانت من نصيب البنت لكن احنا شنو بيدنا ولا شي >.<

اختي نفس حالة اختك جالسة بالبيت بدون شغل والمشكلة ان قسمها مرره حلوو على قولتهم مطلوب
بس سبحان الله ربي ما كتب لها الى الان

ههههههههههه تدرين بس عندنا بنات بالمدرسة ما يذاكرون ابدا واذا سألتيهم كيف بتدخلين الجامعة تقول لك هييييه سهلة ابوي عنده واسطة ههههههههه

لانه الي يوظفون اغلبهم وافدين وهم يخافون من اصحاب الشهادات العاليه لانهم خطر عليهم مثل ما يقولون فيقومون يشجعون ع الشهادات الثانويه ويرفضون الشهادات الجامعيه

اذا هم تفكيرهم كيذا كيف يبون البلد يتطور ؟؟

بس القهر انه مديره هالمدير اجنبيه رفضت اختي عصبت قالت لها ليش ترفضين ؟؟ قالت اونه انتي مستواج احسن عن هالوظيفه بس اختي قالت عادي انا موافقه لاني احتاج هالشغل

يالله صدق قهر والله

اذا اختك عاجبها الوضع ذي شنو دخلها ؟؟ صدق مصخرة

لووووووووووول ضحكت على سالفة الهنود هههههههههه

عندنا وعندكم خير لووول والله هالعمالة احسهم ماسكين الدنيا بقووة

بس بيني وبينك اذا جينا للحق احنا نحتاجهم مررره بصراحة فيه وظايف ماسكينها الهنود ما اتوقع اي مواطن يرضى يشتغل فيها صحيح انا ادعم الناس اللي تطمح وتشتغل وكيذا بس ولو صعب مره << طبعا قصدي عمال النظافة وما الى ذلك ...

حتى صارت لاخوي سالفه مت قهر عليها .. اخوي متزوج وعنده عيال بالمدارس .. تخيلوا انه يسهر ويدرس دووم وما يقبل الا بالافضل ماشاء الله عليه وحصل على شهاده الماجستير الي قبل الدكتوراه وكان فرحان حليله بس تخيلوا انه الشغل الي عنده ما عبروه ولا كانه خذ شهاده وما حطوه حقوقه فراح يطالب بحقوقه والمدير تضايق وطرده من الشغل والقهر طرده بشكل يبين انه مسوي شيء مب زين للشركه حتى انه ظل شهوررررر يدور على شغل ويرفضونه وانا كنت اصيح بقلبي عليه من القهر .. هو الي تعب ودرس وخذ هالشهاده اخر شيء جيه يصير له >< .. كان خاطري اساعده بس ما اعرف كيف ((... وبعد ما تنازل عن حقوقه المسكين قبلوه بشغل اقل عن مستواه بواايد .. يعني بدال ما تشجعون ولد البلاد يكمل ويدرس تروحون تعاملونه جيه >< .. حتى انه كان يفكر ياخذ دكتوراه بس بعد هالسالفه غير رايه +___+ .. يااااه كيف تنغاظ لما يعاملك الشخص الغير مواطن معامله *** بس لانه اعلى عن مستواك وفي بلادك بعد .. لين متى بنتم جيه ؟؟

صدق صدق اثرت فيني سالفة اخوك

الحين اذا الواحد طلب بحقة هذا اللي يصر ؟؟

شنو بيدك تسوين غير تدعين له ... سبحان الله شي يعور القلب

يااااه بس يااربي توفق اخوك ان شا الله و يرزقه بالوظيفة اللي يطمح لها ... وبعد ياربي ترزق اختك ان شا الله ^^

<< و ترزقنا بعد لوووول << اول ادخل الجامعة ههههههه

يسلموو قلبوو ع الموضوع 0

صدق ودي اطلع اللي بقلبي

السلام عليكم ورحمة الله وبركاته

مشكوره شوشو عالموضوع

والله إني تفاعلت معاك وهذا الشئ موبس عندكم حتى عندنا تلقين المسؤول والآمر
والناهي أجنبي والمسكين المواطن عليه يطيع والله شئ يحرق الاعصاب
كل الشركات والمحلات حتى البقالات ماسكينها أجانب
وإذا صار وتوظف السعودي تعالي شوفي الفرق في الراتب بين المواطن والأجنبي

ياأختي خليها على ربك والله مافي زي الدعاء

آسفه على الإطاله حبيت أفضفض اللي بقلبي
أعانكم الله وأعاننا

أنت أمريكي .. بريطاني.. كندي..إذن أنت تاج رأسنا وملك ونحن الخدم والعبيد....

بلادنا ونحن الغرباء فيها ...

لي عودة بإذن الله ..

أنتم يقهركم شيء واحد فقط في بلادكم ؟!
تعالوا هنا لتروا حاملي الدكتورات يضربون أمام البرلمان من طرف قوات التدخل السريع
تعالوا لتروا ...
دعوني ساكتاً فقط ، و احمدوا الله على بلادكم

moo .. شكرا على المداخله الراااائعه اختي .. زعلتني قصة اختج .. الله يسامح ويهدي هالناس تراها دنيا بس وبيتحاسبون ع الي يسوونه وقطع الارزاق .. هو معاج حق من ناحيه انه ما نقدر نستغنى عنهم بس يحاولون يدربون المواطنين على هذي الوظايف اكيد مع الوقت الناس بتقبل بهالوظايف .. بالعكس افضل لبلده انه الفلوس ما تروح لدول ثانيه .. مثلا عمان ماشاء الله صارت معتمده على نفسها .. ياريت بس لو نتخذها قدوه من هالناحيه .. امييييييين يارب مشكووووووره على هالدعاوي الرووعه وانا وياكم ان شاء الله خخخخ .. بس على فكره هاي السالفه قديمه واخوي يشتغل مثل ما قلت بعد ما اتنازل عن واايد حقوق .. مشكووووووووووووره ع المرور الروووووووووووووووعه .. الله يوفقج ويرزقج من حلاله ^^..

كل الحلا .. اووه حتى عندكم يصير جيه .. ياااه كيف الظلم منتشر .. +__+ .. الله يسامحهم بس .. صحيح معاج حق في كل الي قلتيه .. الله يعينا بس .. اخاف عقب كم سنه ننطرد ^^" .. مشكوووووووووره اختي ع المرور المميز ..

HaJoUnI .. اهلين اخوي المختفي الحاجوني ^^.. معاك حق والله .. بانتظار عودتك .. مشكووور ع الرد الجميل ..

Jigsaw .. هو ليس شيء واحد فقط ولكني عبرت عن هذا الموضوع وكتبت شيء اي شيء من الاشياء التي تغيظني .. ولكن غريبه كيف يقام كل هذا ببلادك بدون تدخل الحكومه و اين الشرطه؟؟ وما هي الاسباب؟؟ .. الحمدلله على كل شيء .. شكرا جزيلا على النصيحه الراائعه ونحن نشكر الله دائما ولكن لما لا نتحرك ونقول لا ؟؟ هل سنظل نسكت والى متى ؟؟

شكرا جزيلا لكم على الحماس ..

المشاركة الأصلية كتبت بواسطة Mr.Japan

هموم المواطن اليومية اكبر من ان يحصرها مقال للأسف الشديد.... بيئات العمل اصبحت طاردة للمواطنين وجاذبة للوافدين و الاجانب برواتب خيالية احيانا, اصبح المواطن لايقدر على توفير سكن لائق لعائلته و هو مضطر للسكن مع الوالد في منزل شعبي متهالك إلا من رحم ربي, نضطر لاستهلاك ساعات من اعمارنا على الطريق لأن هناك الآلاف من الجانب الذين يزاحمونك على الطريق نفسه, لا يوجد لدينا الوقت الكافي او النفسية المستعدة لتربية ابنائنا و توجيههم دينيا و اخلاقيا لأن القلب مثقل بالهموم و التزامات الحياة تكسر اشياء كبيرة و كثيرة في النفس.. و النتيجة المتوقعة جيل بلا هوية يربه الشارع و الانترنت و المقاهي ! يبقى السؤال هل نحن نحتاج *فعلا* الى كل هذه الاعداد المخيفة من الاجانب في الامارات ؟؟ وعلى الرغم من كل الهموم و (عوار) القلب اليومي فإني افتخر والحمدلله بأني إماراتي و التغيير للأفضل ممكن ...

معك حق بكل شيء .. والله يعينك ويعين الجميع .. لم اعمل بعد حتى ارى الهموم الحقيقيه ولكني اسمع الكثير من القصص وكلها تؤكد هذه الحقائق .. للاسف المسلمين تغيروا وكل هذا التغيير يبين مدى قرب الساعه .. وان شاء الله يارب الامارات تتغير من افضل لافضل .. شكرا على الرد المليء بالحقائق المؤلمة .. بالتوفيق لك اخي وان شاء الله نودع هذه الهموم قريبا ..

بسم الله الرحمن الرحيم
انا وافدة للأمارات يا اختي
انا بعرف اللي انتي حاسة بي لأني بسبب البطالة عشت ثلاثة ارباع عمري خارج بلدي
والله اني اكتب وانا حاسة اني عايزة ابكي
اختي واخوي بمصر عشان الحامعة
تخيلي كيف هيكون احساسك لما تظلي شهرين ما تشوفي اختك الوحيدة
وتظلي طول حياتك متنقلة
لا تكاد تستقر في بلد الا تذهب الى بلد اخرى
ليس هذا هو حال الامارات وحدها بل هو حال البلاد العربية جميعها
وفي مصر يتكلمون عن الذاهبين الى الدول الخليجية كأنهم يحصدون ذهباً
وهم لا يعلمون اننا نتعذب في الخارج اكتر من ما اذا بقينا في مصر
ومتل ما انتي قلتي بعد الشيخ زايد انهارت الدولة
وزادت الاسعار بشكل غير قابل للتكيف معه
نصف دخل البيت بيروح في السكن والنصف الثاني ما يكفي بقية الشهر
الله يعينا ويعينكم بكل الاحوال
والسلام عليكم ورحمة الله وبركاته

عليكم السلام ورحمه الله وبركاته

يبتيهاا عالجرح 7
والله الواحد ما يعرف شو يقول من هالغزو الاجنبي اللي فبلادنا .. قبل كم من يوم يالسه اقرى فجريده الامارات
عن سالفه الاجنبي اللي هجم على المواطن وتم يسبه ويسب البلاد !! شي يرفع الضغط الصراحه .. فوق انه ياكل من خيرات بلادنا يقعد يتلفظ بألفاظ قبيحه
وين كنا نشوف هالاشكال على ايام بابا زايد الله يرحمه ="( .. الله المستعان !!

يعطيج العافيه على الموضوع

kit kat

والله ياأختي حتى إحنا نعاني من هذا الشيء تخيلي أختي مجتهدة وجايبة مجموع في الثانوية العامة عشان تدخل الجامعة وبالرغم من كذا خلوها على جنب ودخلوا اللي بالواسطات .. في بعض الأحيان أختي تروح الجامعة وترجع مقهووورة ليش؟
أسألها تقولي لقيت بنات والله نسبهم ماتجي نص نسبتي وداخلين الجامعة وأنا راميني في كلية الله لا يوريكِ
شيء يغم النفس وأخوي إلى الآن يدور وظيفة ماهو لاقي وويظفون بداله أجانب
شيء يعور الراس
ولا البنغالة اللي تشوفيهم تحسبي نفسك ببنغلاديش ما كأنك بالسعودية .. بسم الله
لا وتروحي السوق تلاقي البنغالي بياع يبيع لجماعته رخيص واحنا يشحطلنا بالسعر وان قولتيلوا ليش؟
يقولك أنت سعودي انت في فلوس كتييير.. والله مادري ايش أقول
قولوا الله يعين

وشكراًأختي لطرح الموضوع الحساس

و أنا أحوط في النت حصلت فيديو يناسب الموضوع فحبيت إنكم تسمعونه

هو من البرنامج الإذاعي البث المباشر <<<<<< على أيام المقدم بوعمر

http://www.youtube.com/watch?v=FJphWLnqGvY

و على طاري الأمم المتحدة ما يندرى عاد إذا كان صح و لا لا <<<<<<< إن شاء الله لا خخخخخخخخ

الله المستعان

أحم أحم

و لا تنسون الأجانب الي في المدارس

رواتبهم عالية وقاعدين طول الوقت قدام لابتوباتهم

و جعلو المناهج أنجليزية <<<غايتهم الأسمى" تدمير اللغة العربية"


و لا تنسون الأيرانيين و هنود


و أحنا في الأمارات ما عنا هيئة


الأجانب يمشون و ثيابهم بالكاد تستر

و ماحد يسويلهم شيئ

rule of rose .. الله يكون بعونج اختي وكل من يعاني مثلج .. صدق الواحد ما يقدر يعيش بعيد عن بلاده .. ان شاء الله يارب ترجعين لبلادج قريب معززه مكرمه .. وان شاء الله تعوضين كل الايام الي فقدتيها ^^.. مشكووره ع المرور الرووعه ..

kit kat .. ههه اسمج يفتح النفس .. هيه صدقج والله سمعت عن هالاجنبي .. قالوا بيسجنونه لفتره بالسجن مع انه يستاهل الاعدام xD .. الله يرحمه يارب ويجزيه كل خير ع الي سوالنا اياه عيشنا احلى ايامنا .. مشكوووره ع المرور المميز ..

Nihon .. اوووه وحليلها اختج ان شاء الله الله بيعوضها وياخذ حقها من الي ظلمها .. صدق شيء يموت قهر انا يبت نسبه بالثمانينات وانقهر من سوالف التمييز كيف لو يبت نسبه اختج @__@!! (ماشاء الله عليها).. ههههههه بنغاليين اخر زمن .. بعد لو انا منكم بقهره ولا بشتري منه لين يتادب .. خليه عبه لغيره .. مشكووووووووووره ع المرور الجميل ..

S-K-C .. صحيح ان الدوله لم تقصر معنا بكثير من النواحي ولكن ايضا هنالك الكثير من النواحي التي غفلت عنها او لا يوجد شخص يرى هذا الظلم الموجود بشكل مخيف .. صحيح ان الناس الفوق وطبعا ليس كلهم بل الذين يعمون الحاكم او يخدعونه ويبينون له ان الشعب يعيش بخير وزياده وهم ياكلون اموالهم ظلم ويمنعونهم من زياره هؤلاء الناس حتى لا تكشف حقيقتهم .. معك حق فيما قلته .. مصيرنا صار مؤلم.. اتمنى ان يستيقظوا العرب والمسلمين من غفلتهم و يخافون من الله قبل اي احد .. شكرا جزييييلا لك على مرورك الراائع ..

DaNgEr GiRl .. هلا فيج مره ثانيه ^^.. نورتي .. صراحه الفيديو يقطع القلب .. مسكين كسر خاطري بس كلامه يوصف الواقع المرير .. صح لسانه والله .. ماشاء الله اللحن الي ورا واايد يحزن @.@ .. مشكوووووووووووووره واااااااااااايد ع الفيديو المميز .. يبالنا ننشره ^^.. صراحه ذكرني بايام اول .. مشكوووره عليه مره ثانيه .. الله يصلح بحالنا يارب ..

سيحون وجيحون .. صحيح اختي كل الي تقولينه الله يكون بالعون .. شيء يقهر صراحه يوم فلوسنا تروح لناس ما تستاهل S: .. ان شاء الله نسمع قريب عن خبر الزياده عندكم واكثر من 70 % .. تخيلي بس شيخكم يقرا الموضوع ويغير رايه >>هاي تحلم واايد خخخ .. بس صدق غريبه كيف نييب 95 وفوق بنموت ع الكتب وما بنيبها @__________@!! الله يعين بس .. ادعوا والله الموفق .. مشكوووووووووره ع المرور الروووووووووعه ^^..

كونان___أديجاوا .. هيه والله صدق ماخذين راحتهم الاجانب في الامارات .. حتى ربيعاتي راحوا لمطعم وقالوا جافوا مسبح فيه مناظر فظييييييعه @_____________@!! كيف مخلينهم .. ليكون بس ع بالهم هاي ديموقراطيه >< .. الله يهديهم بس .. لو انا بروح اييبلهم العقال وخليهم يتادبون .. مشكووووووووووور ع المرور الحلو ..

حطيتي يدج ع الجرح ختيه شوشو-سان ..
فعلاً هالموضوع واااااااااااااايد يقهـــــر ومتعبني نفسياً ..
اللي أباا اعرفه .. كبار الدولة ويييييييييين عن هالأوضااع اللي تصير؟!

والله كل يوم والثاني نسمع عن جرايم تستوي في دبي..
والضحايا هنود وعماله وافدة مثل الفلبينيين يتذابحون ويسببون الرعب في نفوس الأهاالي..
لاااا وازيدج من الشعر بييييييت ..
مسكنينهم في عمارات وااااااااااايد قريبة من المساكن الشعبية للعوائل ..

الحينه تخبرني الوالده أن وزير الخارجية الهندي ولا ما اعرف منو يطالب في حقوق للعمالة الهندية ..
اون هم بنوا هالعماير اللي عندكم في بوظبي ودبي.. ونحن نطالب أنكم تملكون أراضي وشقق للهنود !!!

ويا خوفي يوصلونها للأمم المتحدة .. بيسوون فلم هندي أن الأماراتيين اييبون هالمساكين يشتغلون أصعب الأشغال ويتعورون وهم يشتغلون وآخر شي لا لهم حقوق ولا رواتب تكفي لشغلهم !!

ولا عن الوظايف.. حدث ولا حرج
من سنتين وأناا أقول بكمل دراستي وآخذ ماستر وأطمح للدكتوراه ..
وها كان حلمي من يوم ما كنت صغيرة إني أكون حاملة للدكتوراة .
بس أهلي وربيعاتي بالذات اللي يشتغلون قالوا لي احسن لج دوري شغل قبل ولا بعدين ما بيقبلونج ف ولا مكااان ..
قلت لهم لاااا بتكون شهادتي عاليه ليييييييش ما بيقبلوني؟!؟ فـ قالوا لي ان اصلاً الدولة تتهرب من توظيف اصحاب الشهادات العليااا عشان ما يدفعون لهم رواتب أعلى عن غيرهم!!!!!!

يعني بالله عليكم .. الحينه أحسن اييبون اجانب "لو فيهم خير ما تاحهم الطير" خمّارين سكّارين ويصرفون عليهم دم عروقهم .. واذا مواطن حب يرتقي ويشرف أهله ويرفع راس بلاده .. جي يقولوا له؟! ما نبا ندفع لك راتب اكثر عن البقية؟!؟!

ما نقول غير الله يعين من اليااي..
ماات زايد ومااتت الإمارات وياااااااااااه !!!!

الله يرحمك ويغفرلك ويرحمنا من عقبك ..

T^T