السلام عليكم ورحمه الله وبركاتـه
اخباركم..؟؟ مع الاختبارات..؟؟
المنتدى فاضي هالايام..
طبعا موضوعي واضح من عنوانه..
وتراني فكرت مليـون مـره قبل ماحطه..
كل واحد يرد يقول اول قصه او خاطرة او شعر كتبه في حياته..ويحطها في هذا الموضوع..
<<تبي تطلع الفضايح..!
طيب..انا ببدا اول شي..
احم احم..
طبعا اول قصه كتبتها..الصراحه..لااحسد عليها..يعني ابداع حقيقي..(العكس طبعا)..
جبت فكرتها يوم كنت بسادس ابتدائي..وبديت اكتبها وانا باولى متوسط..
اتذكر كل شي زين..
كنت اكتب اجزاء منها في حصص الفراغ..
واوريها صديقتي..وهي تقول حلوة..
الصراحه..جاني غرور مهوب طبيعي..
حسيت اني سويت قصه بتكسر العالم ..قصه معجزة..محد يقدر يسويها..ياشيني وانا بزر بس<من كبرك اللحين عاد!
المهم..قلت لصديقتي تاخذ الدفتر و توريه اختها الكبيرة..وقالت اختها:حلوة..
طبعا انا ..تحطمت ذيك اللحظه..قصتي الاولى..الروعه ..الابداع..اخرتها..حلوة!!..
ويوم خلصت حطيتها في قلم الاعضاء الخاص..
هههههههههه يافشيله اذا كان احد يذكرها الى الان..!
امممممم ..وجا واحد من المشرفين..بكون صريحه..الاداره..
وارسلي على الخاص..وهزئني على القصه..
واقوله..الله يعطيك الف الف عافيه..من جد استفدت من كلامك..والى الان وانا اتذكره واسويه قبل ماكتب اي قصه..ممكن تكون هذي اغلى نصيحه جتني في حياتي..(طبعا كانت في المنتدى القديم)..
واللحين اذا قريت قصتي..احس ان خدودي محمره مثل الانمي..ولا بالله هذي قصه؟!!
بعدين..بعد فتره ..كتبت اول قصه محترمه اسمها(بيت جدي)..موجوده هنا..
هذي هي..:
ياه..! بالفعل مااروعه من مكان!نعم..مكان رائع بالفعل..حيث تجد كل سبل السعاده هناك..هناك اعني بها:بيت جدي العزيز
ولكن لحظه ارجوك!انا لااعني كل سبل السعاده المترفه بل اعني كل سبل السعاده البسيطه نعم صدقني عندما يكون لك مثل ذاكراتي وتتذكر كل تلك الاحداث الجميله والذكريات المعبره .....ستبكي.. اانا لااعرف لماذا ولكن صدقني مايفرحنا ويسعدنا قديما يبكينا ويحززنا الان... ولان سادخل في احداث القصه او لنقل واقع مر منذ زمن..ولكن مهما كانت مده الزمن تبقى الذكريات الجميله عاله في رؤسنا مدى الايام..خصوصا ذكريات ذلك الجدار!نعم انه جدار {وش سوينا اليوم} مثل يقول عبودي الصغير ... لا لاتقلقوا ساحكي لكم قصته بالتفصيل..ذلك الجدار كان مثل مذاكرات كل واحد منا.. اعرف ستستغربون لاانه ومن المستحيل ان تكون مذاكرات اي انسان معروضه ويقراها الكل..ولكن هناك حيث كلمه الاسرار لاتجد طريقا لها بين قواميسنا.. لهذا وضع ذلك الجدار..اتذكر جيدا يوم كتب احمد ابن عمي{اليوم رحت للبقاله واخذت علكه والهندي ماشافني}عندها كنت انا في العاشره من العمر واتذكر جيدا ماقلت له حينها:{حمود ..ياويلك من عمي امسحها ولايطقك!}واتذكر رده حين قال:{عاادي ياحصوص اصلا ابوي مايقرا ذا الجدار} ولكن حصل مالم يتوقعه احمد حين راى عمي ماكتبه وضربه بقسوة واخذه الى المحل الذي سرق منه العلكه ودفع نقودها ..حينها قلت له:{احسن تستاهل مين قالك تسرق؟متدري ان السرقه حرام}وحينها اخذ يبكي بشده بصراحه منظره وهو يبكي يهز الحجر ..واخذت ابكي معه انا ايضا!وعندها ولاادري كيف..ابتسم ابتسامه وسط الدموع وكم بدا وسيم جدا وقتها! واخذ قلم الطباشير الاحمر وكتب:{اليوم صحت انا وحصوص الخبله!}وعندما قرات ماكتبه اطلقت ضحكه عفويه فاحمد معروف في العائله بخفه ظله جدا..لا لم تتوقف ذكرياتي عند الجدار وحسب بل هناك الكثير مثل..مكتب جدي.. وليس مجرد مكتب..انه اروع مكتب رايته على الاطلاق..بلونه البني..وطرازه العتيق..وبقايا حبر اقلام التلوين خاصتنا..تذكر جيدا حين يغلبنا الملل..ناخذ اقلام التلوين وبعض من الاوراق البيضاء الفارغه ونذهب الى المكتب..حين يضع كل منا ورقته واقلامه في جهه ..وحينها يقول فهد:{ اليوم كل واحد منا بيرسم ابوه وبنشوف مين احلى رسمه وبنعطيه حلوة مصاص!}ربما لم اخبركم ولكن بالنسبه لنا سابقا كان الفوز بحلوة مصاص كنز عظيم!ولكن وكالعاده لم نبدا بالرسم الا وجدي ياتي وهو{معصب وعقاله في يده}مثل مايقول عبودي ايضا وقال:{انتوا وش اسوي فيكم؟يلا اطلعوا بسرعه ولا بتصير يدينكم حمر!ونهرب نحن بسرعه خارج الغرفه وننسى رسومتنا واتذكر حين اطل عليه بعد هربونا:كان ينظر الى مكتبه ويقول:{اه منكم بس!خربتوا مكتبي..الله لايحرمني منكم ..}لهذا ومع قسوته علينا او لنقل امامنا كان له قلبا حنونا ..طيبا..يحب احفاده اكثر من نفسه ..واتذكر حين اشترى لنا طاوله زرقاء وقال:{شوفوا هذي طاولتكم ترسمون فيها ياويلكم ياسواد ليلكم ان شفت واحد منكم على مكتبي}واتذكر ايضا حين ياخذ فهد وعبدالله ملاعق جدتي ويلعبون بها{على بالهم سيوف}مثلما كنت اقول واتذكر عبدالله حين يقول وهو يتكلم بالفصحه مقلدا شخصيه من الرسوم المتحركه{يااااا سوف اهزمك ايها الشرير!}واتذكر فهد حين يرد عليه:{اقوول!ضف وجهك بس!مسوي لي فيها غرينديزار يعني؟} وعندها تاتي جدتي بـ{شيلتها} السواداء وهي تقول{انتم ياقرود!والله ان ماتركتوا الملاعق بقول لعبد العزيز يطقكم}وعبد العزيز هو خالي الكبير توفي قبل عام في حادث سيارة..والان اسمع صوت زوجي ماجد وهويقول لي:حصه الله يهديك بس انتي ماتدرين كم قاعده من ساعه وانتي تناظرين ذي الملاعق ياشيخه كان قلتي لي ان ماعندنا ملاعق بالبيت وانا اجيب لك!والان تذكرت اني في زيارة الى بيت جدي وجدتي رحمهما الله وكنت استرجع تلك الذكريات وانتبهت على قول ماجد:{ان قلتي لي ان ماعندنا ملاعق بالبيت وانا اجيب لك!}وارد عليه:لا ياماجد مهما دورت ماراح تلقى ملاعق بريحه عبدالله وفهد... والان عندما انظر الى ذلك الجدار لا ارى منه شي فالزمن قد تكفل بمسح الكلمات ولكن بقيت بقايا الطباشير الاحمر..ولكن ملاعق جدتي رحمها الله لازلت متحديه الزمن وباقيه على حاله الا من بعد كريات الغبار عليها...
هذي اتذكر اني كتبتها ..اممم وانا عمري:13 سنه..
وبعدها بدت القصص الثانيه..وبعدها بديت ادخل منتديات القصص ..و..(الخواطر)..ويالتني ماعرفت الخواطر..ويوم عرفتها..بديت اكتبها..عموما..محد يعرف اني اكتب..ماعدا اختي..يعني بس انتوا..
ويالله..لاتنسون الردود..
اجراس الشتاء
المفضلات