-
شيء يقهرني في بلادي !!!!!!!!!!!!!
السلام عليكم ورحمة الله وبركاته
في موضوع يقهرني واااااااااااااااايد في بلادي صراحه .. اخخخخخ بس لو اكتب كيف مقهوره ما راح اخلص وتوني قبل شوي بعد قريت قصه خلتني انقهر .. معاناه اماراتيه تشرح معاناه الكثييييييييييير من المواطنين :( .. وانا واهلي منهم .. بخليكم مع القصه .. علشان شوي تسخنون ..
شو رايكم بالوضع الي وصل له المواطنين .. صراحه شيء ما ينسكت عنه :(((((.. تخيلوا اني احيانا اقول شو فايده الشهاده الجامعه دام انه الشغل ما بيي الا بالواسطه او لاني ما بشتغل بالاساس لانه اصحاب الشهادات العاليه منبوذين هني وبصراحه .. تعرفون ليش ؟؟ لانه الي يوظفون اغلبهم وافدين وهم يخافون من اصحاب الشهادات العاليه لانهم خطر عليهم مثل ما يقولون فيقومون يشجعون ع الشهادات الثانويه ويرفضون الشهادات الجامعيه الي تعبوا عليها سنوات علشان يفرحون اهلهم ويرفعون اسم بلادهم .. بقولكم عن قصه صارت مع اختي الي متخرجه من الجامعه من فتره طويله وقاعده بالبيت ..
اختي قدمت على وظيفه اقل من مستواها ومن خبرتها بس شو تسوي اذا كانت تعبانه من يلسة البيت وتبا تشتغل وتنازلت عن بعض حقوقها والمدير الي سوالها مقابله قبلها لانه مستواها عالي بس القهر انه مديره هالمدير اجنبيه رفضت اختي عصبت قالت لها ليش ترفضين ؟؟ قالت اونه انتي مستواج احسن عن هالوظيفه بس اختي قالت عادي انا موافقه لاني احتاج هالشغل .. راحت رفضت ال***** .. >< .. شيء يقهر صراحه يذلونا على الوظايف مع انا نتنازل عن حقوقنا واايد وبعد مافي فايده وااايد ناس اعرفهم اتخرجوا وقعدوا بالبيت لانه ما شيء وظايف واغلب الي يوظفون للاسف غير مواطنين icon147 .. مب شيء يقهر ..
حتى صارت لاخوي سالفه مت قهر عليها .. اخوي متزوج وعنده عيال بالمدارس .. تخيلوا انه يسهر ويدرس دووم وما يقبل الا بالافضل ماشاء الله عليه وحصل على شهاده الماجستير الي قبل الدكتوراه وكان فرحان حليله بس تخيلوا انه الشغل الي عنده ما عبروه ولا كانه خذ شهاده وما حطوه حقوقه فراح يطالب بحقوقه والمدير تضايق وطرده من الشغل والقهر طرده بشكل يبين انه مسوي شيء مب زين للشركه حتى انه ظل شهوررررر يدور على شغل ويرفضونه وانا كنت اصيح بقلبي عليه من القهر .. هو الي تعب ودرس وخذ هالشهاده اخر شيء جيه يصير له >< .. كان خاطري اساعده بس ما اعرف كيف :(((... وبعد ما تنازل عن حقوقه المسكين قبلوه بشغل اقل عن مستواه بواايد .. يعني بدال ما تشجعون ولد البلاد يكمل ويدرس تروحون تعاملونه جيه >< .. حتى انه كان يفكر ياخذ دكتوراه بس بعد هالسالفه غير رايه +___+ .. يااااه كيف تنغاظ لما يعاملك الشخص الغير مواطن معامله *** بس لانه اعلى عن مستواك وفي بلادك بعد :( .. لين متى بنتم جيه ؟؟
الله يهدي الناس الي ما عندها شخصيه وتسير ورا شورة الاجانب الي يستقلون ويسرقون بلادنا وما يستاهلون ولا فلس منها ..
اتخيلوا قبل سمعت من اختي شيء وضحكت عليه من القهر .. تقول جافت فيديو بيوتبوب هندي يتكلم عن الامارات وتخيلوا شو يقول ؟؟
يقول هذي بلاد مال انا
عندي واااااااااااااايد قصص تقطع القلب بس بكتفي ... بس حبيت افضفض شوي :(
اسمحولي اذا هالكلام ضايق الناس الغير مواطنين بس حتى انتوا لو صار هالشيء في بلادكم بتنقهرون منه
ما اقول بس غير الله يرحم الشيخ زايد .. من بعده الامارات راحت في الباي باي :(
-
رد: شيء يقهرني في بلادي !!!!!!!!!!!!!
هي والله قهررررررر
تعرفين حتى الموظفين الأجانب اللي يايبينهم حق ______ قايلين لي إن راتبهم أعلى من راتب الموظفين المواطنين و كل شي عندهم من لاب و سيايير و بيت و غيره
و واااااااااايد يعطونهم سالفة
و الحين وين ما تروحين كله يبون الواسطات
و على طاري الفيديو
أمسات ربعتي تخبرني تقول لي إن الهندي راعي الدكان اللي حذال بيتهم يقول ( هذي إمارات مال هند بعدين أنتوا كلكم بتشتغلون عندنا ... و نحن أكثر عنكم )
ياما ناس يتشكون بس لا حياة لمن تنادي
خليها على الله
و تسلمين يالغاليهـ على كتابة هذا الموضوع الصريح
اللهـ يعطيج مليووووووون عافية
و الحمدلله على كل شي
-
رد: شيء يقهرني في بلادي !!!!!!!!!!!!!
اقتباس:
المشاركة الأصلية كتبت بواسطة DaNgEr GiRl
هي والله قهررررررر
تعرفين حتى الموظفين الأجانب اللي يايبينهم حق ______ قايلين لي إن راتبهم أعلى من راتب الموظفين المواطنين و كل شي عندهم من لاب و سيايير و بيت و غيره
و واااااااااايد يعطونهم سالفة
و الحين وين ما تروحين كله يبون الواسطات
و على طاري الفيديو
أمسات ربعتي تخبرني تقول لي إن الهندي راعي الدكان اللي حذال بيتهم يقول ( هذي إمارات مال هند بعدين أنتوا كلكم بتشتغلون عندنا ... و نحن أكثر عنكم )
ياما ناس يتشكون بس لا حياة لمن تنادي
خليها على الله
و تسلمين يالغاليهـ على كتابة هذا الموضوع الصريح
اللهـ يعطيج مليووووووون عافية
و الحمدلله على كل شي
هيه نفس الحال عندنا اييبون حفارين قبور ويشغلونهم مدرسين تخيلي ههههههههههه
ضحكتيني .. صدق هالهندي ماخذ مقلب بنفسه بس صراحه ماالومهم اطلعي يوم الجمعه وجوفي العالم بتجوفين انها صدق بلاد الهند D:
ههههههههههه اتخيل بس نشتغل عندهم ونسوي افلام هنديه خخخخخخخ .. بس سمعت في قانون عند الامم المتحده اظن انه الاغلبيه هي الي تحكم البلد :) .. ما يندرى صح والا icon170
مشكوووووووووووره اختي ع المرور والرد الرووووووووعه ^^
-
رد: شيء يقهرني في بلادي !!!!!!!!!!!!!
صدقتي والله ،،
احس الأجانب خاصة ،، الأوروبيين ،، ماخذين كل شيء في الشغل والترقيات
تلاقونهم متنعمين ومرتاحين في حياتهم ،، هذا بس لانو بريطاني او فرنسي الخ
اما الهنود فحدث ولاحرج ،، من كثرتهم تحسين حالك بنيودلهي خخخخخـ
وبعد مصايبهم الله لايبلانا كثييرة ،،
والله قهررررر ،،
يسلمووووو والله على الموضوع اللي يعبر عن الأغلبية ان لم تكن الجميع
لك مودتي00
-
رد: شيء يقهرني في بلادي !!!!!!!!!!!!!
اقتباس:
المشاركة الأصلية كتبت بواسطة | نغمـة وتـر |
صدقتي والله ،،
احس الأجانب خاصة ،، الأوروبيين ،، ماخذين كل شيء في الشغل والترقيات
تلاقونهم متنعمين ومرتاحين في حياتهم ،، هذا بس لانو بريطاني او فرنسي الخ
اما الهنود فحدث ولاحرج ،، من كثرتهم تحسين حالك بنيودلهي خخخخخـ
وبعد مصايبهم الله لايبلانا كثييرة ،،
والله قهررررر ،،
يسلمووووو والله على الموضوع اللي يعبر عن الأغلبية ان لم تكن الجميع
لك مودتي00
الله يهدي اللي كان السبب يارب :( .. صدق معطينهم اكثر من حقهم وهم ما يفرقون عنا ناس مثلنا مثلهم .. ولا القهر كفار .. لو مسلمين اهون بعد
هههههههه حلوه نيودلهي .. يعني حتى السعوديه تعاني منهم xD .. بس انتوا اهون طبعا نحن يوم ايون بلادنا الاجانب يقولون بالبدايهظنينا انه الهنود هم الناس المحليين من كثرهم D:
يالله الله بياخذ حق كل شخص مظلوم ان شاء الله :)
مشكووووووووره ع الرد الرووووووووعه .. ;)
-
رد: شيء يقهرني في بلادي !!!!!!!!!!!!!
هلا والله شوشو تشااان ^^
كيفك ياا قميلة ؟؟
يوووووه فتحتي الجرح لوووول ما ادري من وين ابدا ...
والله شي يرفع الضغط بس تدرين حتى احنا عندنا نفس الشي الدنيا حولنا ما تمشي الا بالواسطات صدق يحز بخاطري اذا دخلت كليه او جامعة وشفت ان كل الموجهات والاداريات يقربون لبعض سبحان الله كل وحده تحجز للي تقرب لها
والله ما اكذب عليك اختي مرة قدمت على وظيفة تقول حتى ما شافت شهادتي او شي على طول قالت ما عندنا وظايف تقول اللي وراي كانت بنت عندها واسطة .. صدقيني تقول من اول ما دخلت البنت الا والمديرة ترحب فيها و طبعا الوظيفة كانت من نصيب البنت لكن احنا شنو بيدنا ولا شي >.<
اختي نفس حالة اختك جالسة بالبيت بدون شغل والمشكلة ان قسمها مرره حلوو على قولتهم مطلوب
بس سبحان الله ربي ما كتب لها الى الان
ههههههههههه تدرين بس عندنا بنات بالمدرسة ما يذاكرون ابدا واذا سألتيهم كيف بتدخلين الجامعة تقول لك هييييه سهلة ابوي عنده واسطة ههههههههه
اقتباس:
لانه الي يوظفون اغلبهم وافدين وهم يخافون من اصحاب الشهادات العاليه لانهم خطر عليهم مثل ما يقولون فيقومون يشجعون ع الشهادات الثانويه ويرفضون الشهادات الجامعيه
اذا هم تفكيرهم كيذا كيف يبون البلد يتطور ؟؟
اقتباس:
بس القهر انه مديره هالمدير اجنبيه رفضت اختي عصبت قالت لها ليش ترفضين ؟؟ قالت اونه انتي مستواج احسن عن هالوظيفه بس اختي قالت عادي انا موافقه لاني احتاج هالشغل
يالله صدق قهر والله
اذا اختك عاجبها الوضع ذي شنو دخلها ؟؟ صدق مصخرة
لووووووووووول ضحكت على سالفة الهنود هههههههههه
عندنا وعندكم خير لووول والله هالعمالة احسهم ماسكين الدنيا بقووة
بس بيني وبينك اذا جينا للحق احنا نحتاجهم مررره بصراحة فيه وظايف ماسكينها الهنود ما اتوقع اي مواطن يرضى يشتغل فيها صحيح انا ادعم الناس اللي تطمح وتشتغل وكيذا بس ولو صعب مره << طبعا قصدي عمال النظافة وما الى ذلك ...
اقتباس:
حتى صارت لاخوي سالفه مت قهر عليها .. اخوي متزوج وعنده عيال بالمدارس .. تخيلوا انه يسهر ويدرس دووم وما يقبل الا بالافضل ماشاء الله عليه وحصل على شهاده الماجستير الي قبل الدكتوراه وكان فرحان حليله بس تخيلوا انه الشغل الي عنده ما عبروه ولا كانه خذ شهاده وما حطوه حقوقه فراح يطالب بحقوقه والمدير تضايق وطرده من الشغل والقهر طرده بشكل يبين انه مسوي شيء مب زين للشركه حتى انه ظل شهوررررر يدور على شغل ويرفضونه وانا كنت اصيح بقلبي عليه من القهر .. هو الي تعب ودرس وخذ هالشهاده اخر شيء جيه يصير له >< .. كان خاطري اساعده بس ما اعرف كيف :(((... وبعد ما تنازل عن حقوقه المسكين قبلوه بشغل اقل عن مستواه بواايد .. يعني بدال ما تشجعون ولد البلاد يكمل ويدرس تروحون تعاملونه جيه >< .. حتى انه كان يفكر ياخذ دكتوراه بس بعد هالسالفه غير رايه +___+ .. يااااه كيف تنغاظ لما يعاملك الشخص الغير مواطن معامله *** بس لانه اعلى عن مستواك وفي بلادك بعد :( .. لين متى بنتم جيه ؟؟
صدق صدق اثرت فيني سالفة اخوك
الحين اذا الواحد طلب بحقة هذا اللي يصر ؟؟
شنو بيدك تسوين غير تدعين له ... سبحان الله شي يعور القلب
يااااه بس يااربي توفق اخوك ان شا الله و يرزقه بالوظيفة اللي يطمح لها ... وبعد ياربي ترزق اختك ان شا الله ^^
<< و ترزقنا بعد لوووول << اول ادخل الجامعة ههههههه
يسلموو قلبوو ع الموضوع icon180
صدق ودي اطلع اللي بقلبي
-
رد: شيء يقهرني في بلادي !!!!!!!!!!!!!
السلام عليكم ورحمة الله وبركاته
مشكوره شوشو عالموضوع
والله إني تفاعلت معاك وهذا الشئ موبس عندكم حتى عندنا تلقين المسؤول والآمر
والناهي أجنبي والمسكين المواطن عليه يطيع والله شئ يحرق الاعصاب
كل الشركات والمحلات حتى البقالات ماسكينها أجانب
وإذا صار وتوظف السعودي تعالي شوفي الفرق في الراتب بين المواطن والأجنبي
ياأختي خليها على ربك والله مافي زي الدعاء
آسفه على الإطاله حبيت أفضفض اللي بقلبي
أعانكم الله وأعاننا
-
رد: شيء يقهرني في بلادي !!!!!!!!!!!!!
أنت أمريكي .. بريطاني.. كندي..إذن أنت تاج رأسنا وملك ونحن الخدم والعبيد....
بلادنا ونحن الغرباء فيها ...
لي عودة بإذن الله ..
-
رد: شيء يقهرني في بلادي !!!!!!!!!!!!!
أنتم يقهركم شيء واحد فقط في بلادكم ؟!
تعالوا هنا لتروا حاملي الدكتورات يضربون أمام البرلمان من طرف قوات التدخل السريع
تعالوا لتروا ...
دعوني ساكتاً فقط ، و احمدوا الله على بلادكم
-
رد: شيء يقهرني في بلادي !!!!!!!!!!!!!
moo .. شكرا على المداخله الراااائعه اختي .. زعلتني قصة اختج :( .. الله يسامح ويهدي هالناس تراها دنيا بس وبيتحاسبون ع الي يسوونه وقطع الارزاق .. هو معاج حق من ناحيه انه ما نقدر نستغنى عنهم بس يحاولون يدربون المواطنين على هذي الوظايف اكيد مع الوقت الناس بتقبل بهالوظايف .. بالعكس افضل لبلده انه الفلوس ما تروح لدول ثانيه .. مثلا عمان ماشاء الله صارت معتمده على نفسها .. ياريت بس لو نتخذها قدوه من هالناحيه :) .. امييييييين يارب مشكووووووره على هالدعاوي الرووعه وانا وياكم ان شاء الله خخخخ .. بس على فكره هاي السالفه قديمه واخوي يشتغل مثل ما قلت بعد ما اتنازل عن واايد حقوق .. مشكووووووووووووره ع المرور الروووووووووووووووعه .. الله يوفقج ويرزقج من حلاله ^^..
كل الحلا .. اووه حتى عندكم يصير جيه .. ياااه كيف الظلم منتشر .. +__+ .. الله يسامحهم بس .. صحيح معاج حق في كل الي قلتيه .. الله يعينا بس .. اخاف عقب كم سنه ننطرد ^^" .. مشكوووووووووره اختي ع المرور المميز .. :)
HaJoUnI .. اهلين اخوي المختفي الحاجوني ^^.. معاك حق والله .. بانتظار عودتك .. مشكووور ع الرد الجميل .. :)
Jigsaw .. هو ليس شيء واحد فقط ولكني عبرت عن هذا الموضوع وكتبت شيء اي شيء من الاشياء التي تغيظني .. ولكن غريبه كيف يقام كل هذا ببلادك بدون تدخل الحكومه و اين الشرطه؟؟ وما هي الاسباب؟؟ .. الحمدلله على كل شيء .. شكرا جزيلا على النصيحه الراائعه ونحن نشكر الله دائما ولكن لما لا نتحرك ونقول لا ؟؟ هل سنظل نسكت والى متى ؟؟
شكرا جزيلا لكم على الحماس :)..
-
رد: شيء يقهرني في بلادي !!!!!!!!!!!!!
اقتباس:
المشاركة الأصلية كتبت بواسطة Mr.Japan
هموم المواطن اليومية اكبر من ان يحصرها مقال للأسف الشديد.... بيئات العمل اصبحت طاردة للمواطنين وجاذبة للوافدين و الاجانب برواتب خيالية احيانا, اصبح المواطن لايقدر على توفير سكن لائق لعائلته و هو مضطر للسكن مع الوالد في منزل شعبي متهالك إلا من رحم ربي, نضطر لاستهلاك ساعات من اعمارنا على الطريق لأن هناك الآلاف من الجانب الذين يزاحمونك على الطريق نفسه, لا يوجد لدينا الوقت الكافي او النفسية المستعدة لتربية ابنائنا و توجيههم دينيا و اخلاقيا لأن القلب مثقل بالهموم و التزامات الحياة تكسر اشياء كبيرة و كثيرة في النفس.. و النتيجة المتوقعة جيل بلا هوية يربه الشارع و الانترنت و المقاهي ! يبقى السؤال هل نحن نحتاج *فعلا* الى كل هذه الاعداد المخيفة من الاجانب في الامارات ؟؟ وعلى الرغم من كل الهموم و (عوار) القلب اليومي فإني افتخر والحمدلله بأني إماراتي و التغيير للأفضل ممكن ...
معك حق بكل شيء .. والله يعينك ويعين الجميع .. لم اعمل بعد حتى ارى الهموم الحقيقيه ولكني اسمع الكثير من القصص وكلها تؤكد هذه الحقائق .. للاسف المسلمين تغيروا وكل هذا التغيير يبين مدى قرب الساعه .. وان شاء الله يارب الامارات تتغير من افضل لافضل :) .. شكرا على الرد المليء بالحقائق المؤلمة .. بالتوفيق لك اخي وان شاء الله نودع هذه الهموم قريبا ..
-
رد: شيء يقهرني في بلادي !!!!!!!!!!!!!
بسم الله الرحمن الرحيم
انا وافدة للأمارات يا اختي
انا بعرف اللي انتي حاسة بي لأني بسبب البطالة عشت ثلاثة ارباع عمري خارج بلدي
والله اني اكتب وانا حاسة اني عايزة ابكي
اختي واخوي بمصر عشان الحامعة
تخيلي كيف هيكون احساسك لما تظلي شهرين ما تشوفي اختك الوحيدة
وتظلي طول حياتك متنقلة
لا تكاد تستقر في بلد الا تذهب الى بلد اخرى
ليس هذا هو حال الامارات وحدها بل هو حال البلاد العربية جميعها
وفي مصر يتكلمون عن الذاهبين الى الدول الخليجية كأنهم يحصدون ذهباً
وهم لا يعلمون اننا نتعذب في الخارج اكتر من ما اذا بقينا في مصر
ومتل ما انتي قلتي بعد الشيخ زايد انهارت الدولة
وزادت الاسعار بشكل غير قابل للتكيف معه
نصف دخل البيت بيروح في السكن والنصف الثاني ما يكفي بقية الشهر
الله يعينا ويعينكم بكل الاحوال
والسلام عليكم ورحمة الله وبركاته
-
رد: شيء يقهرني في بلادي !!!!!!!!!!!!!
عليكم السلام ورحمه الله وبركاته
يبتيهاا عالجرح icon147
والله الواحد ما يعرف شو يقول من هالغزو الاجنبي اللي فبلادنا .. قبل كم من يوم يالسه اقرى فجريده الامارات
عن سالفه الاجنبي اللي هجم على المواطن وتم يسبه ويسب البلاد !! شي يرفع الضغط الصراحه .. فوق انه ياكل من خيرات بلادنا يقعد يتلفظ بألفاظ قبيحه
وين كنا نشوف هالاشكال على ايام بابا زايد الله يرحمه ="( .. الله المستعان !!
يعطيج العافيه على الموضوع
kit kat
-
رد: شيء يقهرني في بلادي !!!!!!!!!!!!!
والله ياأختي حتى إحنا نعاني من هذا الشيء تخيلي أختي مجتهدة وجايبة مجموع في الثانوية العامة عشان تدخل الجامعة وبالرغم من كذا خلوها على جنب ودخلوا اللي بالواسطات .. في بعض الأحيان أختي تروح الجامعة وترجع مقهووورة ليش؟
أسألها تقولي لقيت بنات والله نسبهم ماتجي نص نسبتي وداخلين الجامعة وأنا راميني في كلية الله لا يوريكِ
شيء يغم النفس وأخوي إلى الآن يدور وظيفة ماهو لاقي وويظفون بداله أجانب
شيء يعور الراس
ولا البنغالة اللي تشوفيهم تحسبي نفسك ببنغلاديش ما كأنك بالسعودية .. بسم الله
لا وتروحي السوق تلاقي البنغالي بياع يبيع لجماعته رخيص واحنا يشحطلنا بالسعر وان قولتيلوا ليش؟
يقولك أنت سعودي انت في فلوس كتييير.. والله مادري ايش أقول
قولوا الله يعين
وشكراًأختي لطرح الموضوع الحساس
-
رد: شيء يقهرني في بلادي !!!!!!!!!!!!!
و أنا أحوط في النت حصلت فيديو يناسب الموضوع فحبيت إنكم تسمعونه
هو من البرنامج الإذاعي البث المباشر <<<<<< على أيام المقدم بوعمر
http://www.youtube.com/watch?v=FJphWLnqGvY
و على طاري الأمم المتحدة ما يندرى عاد إذا كان صح و لا لا <<<<<<< إن شاء الله لا خخخخخخخخ
الله المستعان
-
رد: شيء يقهرني في بلادي !!!!!!!!!!!!!
والله حالتنا تضيق الصدر وش نتكلم وش نخلي ياكثر المشاكل اللي عندنا
الدنيا ماعاد تمشي الابواسطات والا اقعدي في بيتكم
قولي احنا اهون البنات بس الشباب اللي من جد ينرحمون
بكره وراه بيت واسره وكل شي فوق راسه ...
مره اختي كانت تتعشى بمطعم ولما خلصت مين جا ياخذ الاكل وينظف الطاوله !!؟؟
تخيلي واحد سعودي !! انا مااقول هذا الشي حرام ولا عيب بس احنا دوله اغنى من ان شعبنا يشتغل عالشغل !!
على قولتهم السعوديه اغنى دوله وافقر شعب .
يعني هالبترول ومشتقاته اللي كل ماله يزيد ويرتفع سعره ومعروف السعوديه انها اكبر احتياطي للنفط في العالم هذا غير الدخل اللي يجي من الحج والعمره وغير الموارد الثانيه الدوله غنيه الحمدلله بس احنا ماجانا شي منها وين يروح كل هذا!!
ولاايش !! قالو زدنا رواتبكم كم ؟؟
5 % !!!!
الناس تزيد اربعين سبعين واحنا يالله بس خمسه بالميه !! معقوله وش تسوي ذي
الحين الدنيا طااايره والاسعار مررتفعه وهم خمسه بالميه !! والله شي يقهرر خل
خمستهم لهم مانبيها ...
ولا عاد الجامعات اللي ماعاد تقبل الا من 95 وفوق هذا غير القوانين اللي حطوها بالدراسه
والاختبارات كنهم يقولون لك لاعاد تدرسين موب لازم ..
اقتباس:
ولا البنغالة اللي تشوفيهم تحسبي نفسك ببنغلاديش ما كأنك بالسعودية
واحنا وش حاسنا غير هالبنغاليه شعب فساااااد
كل الجرايم من وراهم
زين سوت فيهم الكويت ومنعت استقدام البنغاليين يالييت نسووي زيهم
يعني الى الا ماكفتنا الجرايم اللي جت منهم عشان نمنع استقدامهم !!
هذا وغير اشياا كثييره .
بس تبون الصدق الحمدلله حالتنا افضل من غيرناا
الحمدلله اهم شي نعمة الامن والله لما اشوف العراق وكيف صارت حالتهم احمد ربي ..
شوفوا كيف خفنا وتروعنا لما جت تفجيرات الرياض ووشلون صارت
حالة استنفار وهي تعتبر بسيطه بالنسبه للي يصير بالعراق ولبنان وغيره ..
الحمدلله الحمدلله على كل شي ..
مشكووره شوشو سان على هالطرح المميز
-
رد: شيء يقهرني في بلادي !!!!!!!!!!!!!
أحم أحم
و لا تنسون الأجانب الي في المدارس
رواتبهم عالية وقاعدين طول الوقت قدام لابتوباتهم
و جعلو المناهج أنجليزية <<<غايتهم الأسمى" تدمير اللغة العربية"
و لا تنسون الأيرانيين و هنود
و أحنا في الأمارات ما عنا هيئة
الأجانب يمشون و ثيابهم بالكاد تستر
و ماحد يسويلهم شيئ
-
رد: شيء يقهرني في بلادي !!!!!!!!!!!!!
rule of rose .. الله يكون بعونج اختي وكل من يعاني مثلج .. صدق الواحد ما يقدر يعيش بعيد عن بلاده .. ان شاء الله يارب ترجعين لبلادج قريب معززه مكرمه .. وان شاء الله تعوضين كل الايام الي فقدتيها ^^.. مشكووره ع المرور الرووعه ..
kit kat .. ههه اسمج يفتح النفس .. هيه صدقج والله سمعت عن هالاجنبي .. قالوا بيسجنونه لفتره بالسجن مع انه يستاهل الاعدام xD .. الله يرحمه يارب ويجزيه كل خير ع الي سوالنا اياه عيشنا احلى ايامنا :).. مشكوووره ع المرور المميز ..
Nihon .. اوووه وحليلها اختج ان شاء الله الله بيعوضها وياخذ حقها من الي ظلمها .. صدق شيء يموت قهر انا يبت نسبه بالثمانينات وانقهر من سوالف التمييز كيف لو يبت نسبه اختج @__@!! (ماشاء الله عليها).. ههههههه بنغاليين اخر زمن .. بعد لو انا منكم بقهره ولا بشتري منه لين يتادب .. خليه عبه لغيره .. مشكووووووووووره ع المرور الجميل .. :)
-
رد: شيء يقهرني في بلادي !!!!!!!!!!!!!
S-K-C .. صحيح ان الدوله لم تقصر معنا بكثير من النواحي ولكن ايضا هنالك الكثير من النواحي التي غفلت عنها او لا يوجد شخص يرى هذا الظلم الموجود بشكل مخيف .. صحيح ان الناس الفوق وطبعا ليس كلهم بل الذين يعمون الحاكم او يخدعونه ويبينون له ان الشعب يعيش بخير وزياده وهم ياكلون اموالهم ظلم ويمنعونهم من زياره هؤلاء الناس حتى لا تكشف حقيقتهم .. معك حق فيما قلته .. مصيرنا صار مؤلم.. اتمنى ان يستيقظوا العرب والمسلمين من غفلتهم و يخافون من الله قبل اي احد .. شكرا جزييييلا لك على مرورك الراائع :) ..
DaNgEr GiRl .. هلا فيج مره ثانيه ^^.. نورتي .. صراحه الفيديو يقطع القلب .. مسكين كسر خاطري بس كلامه يوصف الواقع المرير .. صح لسانه والله .. ماشاء الله اللحن الي ورا واايد يحزن @.@ .. مشكوووووووووووووره واااااااااااايد ع الفيديو المميز .. يبالنا ننشره ^^.. صراحه ذكرني بايام اول :) .. مشكوووره عليه مره ثانيه .. الله يصلح بحالنا يارب ..
سيحون وجيحون .. صحيح اختي كل الي تقولينه الله يكون بالعون .. شيء يقهر صراحه يوم فلوسنا تروح لناس ما تستاهل S: .. ان شاء الله نسمع قريب عن خبر الزياده عندكم واكثر من 70 % .. تخيلي بس شيخكم يقرا الموضوع ويغير رايه >>هاي تحلم واايد خخخ .. بس صدق غريبه كيف نييب 95 وفوق بنموت ع الكتب وما بنيبها @__________@!! الله يعين بس .. ادعوا والله الموفق .. مشكوووووووووره ع المرور الروووووووووعه ^^..
كونان___أديجاوا .. هيه والله صدق ماخذين راحتهم الاجانب في الامارات .. حتى ربيعاتي راحوا لمطعم وقالوا جافوا مسبح فيه مناظر فظييييييعه @_____________@!! كيف مخلينهم .. ليكون بس ع بالهم هاي ديموقراطيه >< .. الله يهديهم بس .. لو انا بروح اييبلهم العقال وخليهم يتادبون .. مشكووووووووووور ع المرور الحلو :)..
-
رد: شيء يقهرني في بلادي !!!!!!!!!!!!!
حطيتي يدج ع الجرح ختيه شوشو-سان ..
فعلاً هالموضوع واااااااااااااايد يقهـــــر ومتعبني نفسياً ..
اللي أباا اعرفه .. كبار الدولة ويييييييييين عن هالأوضااع اللي تصير؟!
والله كل يوم والثاني نسمع عن جرايم تستوي في دبي..
والضحايا هنود وعماله وافدة مثل الفلبينيين يتذابحون ويسببون الرعب في نفوس الأهاالي..
لاااا وازيدج من الشعر بييييييت ..
مسكنينهم في عمارات وااااااااااايد قريبة من المساكن الشعبية للعوائل ..
الحينه تخبرني الوالده أن وزير الخارجية الهندي ولا ما اعرف منو يطالب في حقوق للعمالة الهندية ..
اون هم بنوا هالعماير اللي عندكم في بوظبي ودبي.. ونحن نطالب أنكم تملكون أراضي وشقق للهنود !!!
ويا خوفي يوصلونها للأمم المتحدة .. بيسوون فلم هندي أن الأماراتيين اييبون هالمساكين يشتغلون أصعب الأشغال ويتعورون وهم يشتغلون وآخر شي لا لهم حقوق ولا رواتب تكفي لشغلهم !!
ولا عن الوظايف.. حدث ولا حرج
من سنتين وأناا أقول بكمل دراستي وآخذ ماستر وأطمح للدكتوراه ..
وها كان حلمي من يوم ما كنت صغيرة إني أكون حاملة للدكتوراة .
بس أهلي وربيعاتي بالذات اللي يشتغلون قالوا لي احسن لج دوري شغل قبل ولا بعدين ما بيقبلونج ف ولا مكااان ..
قلت لهم لاااا بتكون شهادتي عاليه ليييييييش ما بيقبلوني؟!؟ فـ قالوا لي ان اصلاً الدولة تتهرب من توظيف اصحاب الشهادات العليااا عشان ما يدفعون لهم رواتب أعلى عن غيرهم!!!!!!
يعني بالله عليكم .. الحينه أحسن اييبون اجانب "لو فيهم خير ما تاحهم الطير" خمّارين سكّارين ويصرفون عليهم دم عروقهم .. واذا مواطن حب يرتقي ويشرف أهله ويرفع راس بلاده .. جي يقولوا له؟! ما نبا ندفع لك راتب اكثر عن البقية؟!؟!
ما نقول غير الله يعين من اليااي..
ماات زايد ومااتت الإمارات وياااااااااااه !!!!
الله يرحمك ويغفرلك ويرحمنا من عقبك ..
T^T
-
رد: شيء يقهرني في بلادي !!!!!!!!!!!!!
أنا معاكم بكل شيء قلتوه، حتى كلابهم - أعزكم الله- تجري لها المعاشات مقارنة بأبنائناicon1366.... ولكن لنكن واقعيين.. و لنسأل أنفسنا لماذا صار حالنا كذلك؟.. هل العتاب على الغير "الآخر فعل كذا" و "والآخر سلبنا حقوقنا" و أنا من حقي وحقي وحقي وحقي..... لأني مواطن (هل هذا سبب كاف لكي ننحاز جميع المناصب العليا) لم لا نقبل منا من هو الخباز والنجار والزبال و بالمقابل المهندس والمدير والتاجر حتى مرة قال لي أخي أنه رأى رجلا يتقدم على صف طويل من الهنود في المسلخ لكي يذبح شاته وعندما طلب منه أخي الالتزام رد عليه "أنا مواطن".... للأسف أنا أرى الغرور " الخقة" سببا تفاقم مشكلة زيادة العوامل الوافدة ... فهذا الهندي المستحقر بدأ حياته في الشارع وذاق المر نعم .. المر الحقيقي حتى يصل إلى مرتبة الوسطية بينما نحن ولدنا في عز ورفاهية والحمدلله فالدولة لم تقصر معنا وما زالت ... نعم الأمور اختلفت بعد وفاة والدي زايد - رحمة الله عليه- " حتى كنا نفتخر بأن بلادنا لا يوجد بها حدود مع عمان وندخل ونطلع عالبريمي على راحتنا " البلاد الوحيد التي لا حدود لها مع الدولة المجاورة " لكن الأمر لم يطل بعد وفاته...
أخيرا أردت أن نوجه بعض العتب إلى أنفسنا وأن لا نتعالى على الآخرين ... حتى لو كنا نعيش تحت ظل " waw" فما زلت أؤمن بأن من جد وجد... ثقوا جميعا بأننا لو اجتهدنا اجتهادا حقيقيا وأوكد حقيقيا ورضينا بقضاء الله وقدره وكنا اليد اليمنى لحكامنا icon18... بسطت لنا السعادة فراشا ولكن قبل أن نأوي إلى ذلك الفراش علينا بالعمل الدؤوب والتعب والنية الخالصة لوجه الله وثم لإزدهار بلدنا حتى ننام قريري العيون...
.....
واسمحوا لي على الإطالة التي أرجو أن تكون نافعة..
أختكم... مــــــــــــــــــــــــ اتسودا
-
رد: شيء يقهرني في بلادي !!!!!!!!!!!!!
السلام عليكم والرحمة
موضوعج رااااائع طبعا اكيد شفت وسمعت من هالمواضيع الي تقهر وتبط الجبد
المشكلة انه احنا الي عطاينهم مب هم خذوا منا ..
احنا الي قلنا لهم تفضلوا ..واحنا الي قدمنا لهم كل شيء
وطبعا ان اكرمت الليئم تمرد ..
وبعض الاحيان مثل ما قال ماتسودا ..غرور المواطن الشاب .
بس المشكلة مب هني المشكلة انه الكل يعتقد انه الشاب بس يحب يجلس في مكتب مكيف وما يسوي شيء ويشرب الشاي ..
منو قال انه احنا ما نحب نشتغل ..
فينا المهندس والطبيب وووو وكلهم يبغون يعمرون الامارات ..
فينا من يقوم بهندسة افضل المباني لكنه مواطن علشان جذي يفضلون الاجنبي
مالت عليهم كلهم ..هم اذلة في بلادهم وهني يحصلون كل شيء
لكن الحقيقة ..اذا المواطن خرج للغربة تحصلينه هناك يحصل على كل شيء
طبعا مب الكل ..بعضهم يقدرون الشهادة والخبرات ..
عن نفسي يوم تخرجت وكنت بكمل تعليمي ..لكن فضلت اشتغل لاني اذا ما اشتغلت
محد بيشغلني بشهادة عالية وانا اعرف هالشيء ..قلت اثبت نفسي في الشغل
واقول للكل شوفوا المواطن شو يسوي ..وطبعا بكمل دراستي ووقتها وغصبا عنهم يوم احصل الشهادة العالية انهم يقبلون فيها
الحمدالله انا مرتاح في الشغل لكن والله اشوف غيري من المواطنين الي ينذلون
ويسكتون ..بس ما نقول الا الله يعينا ويرحمنا
ويرحم والدنا زاااااايد .. على ايامه كنا الحمدالله بس الحين كل شيء تغير
في تغيرات ممتازة وتغيرات ما نقول الا الله يصبرنا
-
رد: شيء يقهرني في بلادي !!!!!!!!!!!!!
صاراحة أشكرك على هذا الموضوع ومن يدري ربما تصل إلى الجهات المطلوبة
-
رد: شيء يقهرني في بلادي !!!!!!!!!!!!!
السلام عليكم ورحمة الله وبركاته
والله الدوله ما قصرت بشـيء عايشين بخير والحمدلله ما أقول ما شيء هفوات
إمبلا وهذا فـ كل بلاد الإمارات رغم اللي عندها بعد شويه تسوي شرات الدول الثانيه
ويا غلاتي ما أظن المنتدى مناسب لطرح هالشـيء !!
هذي مشاكل عائلية [ إماراتية ] هل حد يحكي عن مشاكل عايلته ويا حد مش منها ؟!!
ما ظن الموضوع صحيح ^^ الله يحفظ الإمارات ,, ويعطينا اللي فـ بالنا ، كلن برزقـه إن شاء الله ,,
والله يهديهم ، المشكلة والله اللي تخصص تدريس عندنا اكتفاء المعلمات ، وبيكون عندج طب .. الخ ,, هذا ما عندنا فـ الدولة ومطلوبات يعني تخصصي فـ تخصص مطلوب و ع طول بتوظفين بمعاش خيالي لأنه مطلوب ! بس المشكلة الكل يقلد بعض فـ نكتفي من المواطنين فـ نفس الأشياء !
ثانيا كيف البنت تطلع وتشتغل تعيل أهلها أصلا دينا حرام بلا محرم مسافرة والله تييب لأهلها ليش ؟! وعرفا بعد ! تراها بنت ! جان ولد هيه بس بنت !
الله يعين
ويبقى مجرد رأي
والسلام عليكم ورحمة الله وبركاته
-
رد: شيء يقهرني في بلادي !!!!!!!!!!!!!
Edward Elric .. صح والله ,, الله يهدي الجميع ان شاء الله .. اييبون عمال ويسكنونهم بمنطاق بدون رقيب .. و من ناحيه الدكتوراه للمواطنين شيء ثاني اما الاجانب غير .. شرف اذا كانت من اجنبي :) .. بس تقدرين تكملين الدراسه وانتي تشتغلين .. الله يوفق الجميع يارب .. مشكوووره ع المرور الرووعه :) ..
ماتسودا .. ان شاء الله نجوف مواطنين يحتلون اغلب الشغلات ونرتاح من الهنود وهمهم .. بس ترا عدد الاماراتيين مب لين هناك علشان نشتغل هالاشغال!؟؟؟ .. بس طبعا هالاشغال احسن من البطاله .. مشكووووور ع المروو :) ..
tamahome.. اكيد المواطنين مستعدين يقدمون الافضل علشان يثبتون انهم يستاهلون شغلهم .. حتى شغل المكتب اله خبرته ومتاعبه .. :) .. ان شاء الله نلقى الثمار الي تعبنا عليها ^^.. مشكووووور ع المرور الجميل .. :)
Zeddo95 .. شكرا على مرورك ^^.. فقط كنت احب ان افضفض .. :)
Miss.Holmes .. وعليكم السلام ورحمة الله وبركاته .. نحن ما قلنا الدوله قصرت بالعكس ما تقصر بس هالسوالف والظلم الي يصير ما يوصل للحكام والرؤساء بشكل صحيح وكله مخرف .. ليش مب مناسب لطرح هالشيء ؟؟ لانه يسيء النا ؟؟ بالعكس ما اجوف انه غلط الواحد يجوف مشاكله ويحاول يحلها مب يتناساها او ينكرها .. وانا هني بس حبيت افضفض لا غير .. >>قريت القصه وتاثرت مع المسكينه @.@ .. كيف تقصدين مب منها؟؟ المنتدى كله عايله وحده مافيها شيء .. وبعدين انا ضربت امثله من عايلتي علشان ما تقولون انه كل كلامي من قصص ناس .. يعني اثبت النظريات .. اختي شكلج فهمتي الموضوع غلط وخذتيه بحساسيه بزياده .. كل دوله وكل بقعه الها مشاكلها ومافيها شيء لو تشاركنا بمشاكلنا اظن انه الاعضاء يعتبرون نفسهم عايله وحده وما كتبت شيء غلط مجرد قصص عابره ما تعبر طبعا عن الامارات الا نسبه بسيطه بس ما ننكر انه الدوله ما قصرت ولا بتقصر معانا ان شاء الله بس الناس الي تسبب هالمشاكل لازم ننظر لها نظره جاده ونحاول نشيلهم .. وان شاء الله يارب الامارات تصير من احسن لاحسن وانا اتمنالها كل خير لانها افضل بلد في العالم برايي ^^.. وسبب هالموضوع لاني احبها وابالها الافضل وان شاء الله نخصل الافضل يارب .. وبالنسبه للتخصصات اصلا التخصصات الموجوده محدده واغلب الناس يدخلون التخصصات المطلوبه وبالنهايه يصير الي يصير .. الله يهدي الجميع ان شاء الله .. مشكوووره ع المرور الجميل .. بالتوفيق لج :)
-
رد: شيء يقهرني في بلادي !!!!!!!!!!!!!
بل حيل قصة تقهر مشكووووورة
-
رد: شيء يقهرني في بلادي !!!!!!!!!!!!!
السلام..
الاخت الكريمة :
ليس في بلداك فقط حتى في بلادنا ..
الهندي على مكتب ومكيف ،، والمواطن يشتغل في عمل شاق حتى مكتب مافي ..
