بسم الله الرحمن الرحيم

ممكن أتعرف على شاب جاد للصداقة؟ أنا نسخة عن نانسي عجرم !
.
.
.
ياترى كم نسخة شبه الرسالة دي بنشوفها كل يوم في قنوات الشات وقنوات الأغاني؟

البنات >> أنا دلوعة وشبه ... وعايزة أتعرف على واحد روش؟
ممكن للصداقة الجادة؟ أنا عمري 19 سنة

الشباب >> أنا رجل أعمال وعايز بنت دلوعة
ممكن أتعرف على بنت روشة وستايل؟أرجو الرد بسرررررعة

وغيرها من مسجات التعارف الغريبة ..
البنت تقول إنها شبه مغنية أو ممثلة ، والشاب يقول إنه رجل أعمال !!
وطبعا دلوقتي بقى في قنوات مخصصة للتعارف ، وتقريبا مابقاش في ولا قناة إلا وفيها
شريط المسجات !!

هل وصلنا إلى حالة إننا نملأ فراغنا برسائل لا تقدم ولا تأخر؟؟
ولما وحدة تشبه المغنية الفلانية وده رجل أعمال شبه الممثل اللي كل البنات هيجروا عليه
كده هيحصل التعارف وينتهي إنهم يتجوزوا أو حد ينتحر عشان التاني!!
وياترى إيه سبب الفراغ اللي بقى شبابنا يعيشوا فيه؟
وليه اتجهوا فقط لقنوات الشات ونسيوا القنوات الدينية والمفيدة؟


حاجات كتير اتغيرت في جيلنا ،، فهل هوه الجيل اللي هيكمل المعركة ضد أعداء الإسلام؟!


بانتظار رأيكوا ...