بسم الله الرحمن الرحيم
سهرة جديدة مع شباب المنتدى وموضوع جديد يارب يعجبكم ..

قلت قبل كده إني هختار أحسن حد ناقش أو اتكلم ، بس بصراحة لو اخترت حد في الموضوع
اللي قبل ده هظلم التانيين ، كلهم ردودهم وآراءهم كانت مميزة بجد ..


-[ طب مافيش حتى بصة ولا نمرة تليفون؟ ]-

في البداية ياريت تقرؤوا القصة دي أو حتى تاخدوا فكرة عنها لإنها متعلقة بالموضوع
شباب ولابزنس ... قصة قصيرة ..


ظاهرة مش جديدة اوي لكنها انتشرت بشكل رهيب في الفترة الأخيرة في كل مكان في العالم ، كام
مرة مشيتي فيها في مكان عام وحد عاكسك بالكلام أو مد إيده؟؟
وكام مرة سمعت من صاحبك إنه عاكس كذا بنت النهاردة في المول؟؟

أكيد كتيييير جداااااا !!

في البداية المعاكسة كانت --> ممكن نمرة تليفونك؟ أخبار الجميل إيه؟ ماشية لوحدك ليه؟
اتطورت وبقت --> أنا نمرة تليفوني كذا كذا
اتطورت أكتر --> دي مش هقدر أقول أمثلة لإنها بقت كلمات جارحة جدا خصوصا للبنت
التطور الأخير --> يمد إيده ويمسك البنت !!!

أعتقد وصلنا لمرحلة خطرة جدا إن الشباب بقوا يتعبروا أي بنت ماشية لوحدها مثلا دي لو اتعاكست
هترد وهتتبسط ، خصوصا لو واحد واخد مقلب في نفسه (( شايف إنه حلو وأمور يعني ))

والبنات اللي بقوا بيتنافسوا على إنهم يخلوا شباب كتير يعاكسوهم ويشوفوا مين أكتر واحدة
اتعاكست ولا جابت أرقام شباب؟؟

وكل وحدة من النوع ده تتعرف على تانية وتجرها لسكتها وهكذا ...

فياترى للدرجة دي الشباب فاضيين وعندهم فراغ كبير إنهم يعاكسوا؟؟
ومين برأيكوا السبب في حكاية المعاكسات (( لو هتقولوا البنت هقولكوا في كتير بنات محترمة بتتعاكس وأنا شايفاهم))


مستنية آراءكم في الموضوع