شكرا أختي على الموضوع ، لكن بصراحة أنا أخالفك فيه إلا في نقطة
عدم تضييع كل الوقت في مشاهدة الرياضة

يعني ما أعتقدش في شيء يمنع إني أشوف مباراة مثلا في اليوم ؟؟
تقدري تعتبريه بدل ما أقعد على الكومبيوتر أو وقت للترفيه عن النفس
يعني أنا شخصيا مش شايفة إن في مانع من إني أتفرج على الرياضة
طالما إن مافيش فيها حاجة ممنوعة والرياضة دي حاجة مش سلبية
بالعكس الرياضة تقريبا هيه اللي بتجمع الناس وبتدعو للسلام مش للحرب

وكذلك التعميم اللي اتكلمتي فيه .. أنا لما أشوف مباراة وأشجع فريق
أجنبي فهل لازم إن اللي بيلعبوا في الفريق ده ناس بيكرهونا وعايزين يقتلونا وخلاص؟؟
في ملايين الأجانب اللي بيحبوا العرب وبيتعاملوا معاهم يوميا بشكل طبيعي
أنا مش بدافع عن الأجانب كده وخلاص انبهار بيهم ، أنا بقول كده لإني أعرف ناس
أجانب في معاملتهم معايا أحسن بكتير من معاملة ---بعض--- العرب

في النهاية اللي قلته ده مايمنعش إني أكون حزينة على وضع المسلمين وأحاول
إني أساعد ولو بشيء بسيط ، لكن متابعة الرياضة مش معناها إني معرفش
إيه حال المسلمين ولا مش فارق معايا أوضاعهم ...