السلام عليكم ورحمة الله وبركاتة

ماشاء الله تبارك الرحمن مجهودات جميلة وموضوع رائع استفدت منه شكرا لك اخلى اسلام ولكل الاعضاء الذين شاركو به انا لدى مشكلة تعبتنى جدا والله واتمنى منكم تساعدونى فيها

اولا انا الان فى الصف الثالث الثانوى مصرية واعيش فى قطر منذ ثلاث سنوات عايزين الاسم كمان 8

المهم اننى السنة القادمة ان شاء الله ساكون فى الجامعة وعايزة ادخل هندسة كمبيوتر ولكن المشكلة هى ان والدى لا يريدنى ان انزل مصر ادرس هناك لانه خايف على على الرغم من انه كل عائلتى تعيش هناك وجدتى ام ماما عايشة وكمان ام بابا قلت له اقعد مع واحدة منهم يقول لى لا ام مامتك بيجو اولاد خالاتك وخالك وهما شباب كبار وبيت امى عايشين فية اولاد عمى وهما كمان شباب اخاف عليكى وطبعا مينفعش حد ينزل معاى وقال لى قدامك حل من اتنين يا تدخلى جامعة قطر هنا وطبعا جامعة قطر لازم مجموع محدد وتوفل وسات و cdl واشياء كتيييييييرة معقدة مستحيل مليون بالمية هاقدر عليها كمان انا مش عايزة اقعد فى قطر تعبت وعايزة ارجع بلدى والحل التانى اما تقعدى فى البيت ويكفيكى حفظ القرأن وهذا مستحيييييييييل انى اقعد بالبيت انا باموووت فى الدراسة وكمان الحمد لله انا خاتمة القرأن اعمل اية بالله عليكم علشان اقنع بابا انى اقدر احافظ على نفسى خصوصا انه انا مش دلوعة او من النوع اللى مش واخد على مصر ولما كنت فى مصر كنت باروح المدرسة وكل مكان لوحدى انا عشت فيها لحد ما كان عمرى 15 سنة ارجوكم ساعدونى كل ما افتكر انى ممكن اقعد فى البيت احس انى مش عايزة اذاكر ابدا واقعد اعيط 7

اسفة انى طولت عليكم

فى امان الله ورعايتة

اختكم ران