اول ايام العيد غير

[IbRaHiM.N]

مساء الخير
كل عام وانت بخير
عيدكم مبارك
شلونكم شخباركم؟؟
اليوم كان يوم حافل من اول ماقعدت الساعه 4.30 الفجر واهو حافل

كل المعتاد مرام وحسون نايمين معاي والحمدلله طاب ظهري وصرت عال العال
وقعدني اخوي يبي فلوس وانا نفسي مفلس الحين هذا يبي فلوس خبري الكبير يعطي الصغير
وانا بجيبي عشر دنانير قلت ابي اطلع فيهم

وقلت له يالله انقلع ماعندي فلوس << يكبرني بسبع سنوات

وراح عن بعد ماشغل اللمبه وطفا المكيف لعانه فيني لاني ماعطيته المهم حاولت انام ماقدرت هذاحسون يبوس برقبتي
والثاني مسويه اشتراك برجلي مو راضيه تهدها وانا استغفرت الله وقمت اغسل ورحت اركض اشرب ماي قبل لا يأذن الا طلع اليوم العيد
لووووول ايه دوم جذي بس بالعاده اكون سهران المهم
قعدت وصليت ورديت للفراش احاول انام ولا قدرت المهم
رحت للدوانيه اقعد فيها واقعد على التي في اشوف اي فلم يطلع وكله ملل واقوم افتر بالشارع ولا في شي بعد
رديت البيت على الساعه سته الا ثلث
رحت لبست وتوضيت ورحت للمسجد اصلي
عاد اول مادخلت المسجد الكل قاعد يخ فيني منصدمين مني << قاص شعره مثل عبيد امريكا لووول
المهم هم يخزون وانا مطنش فيهم واروح اصلي ونفس امس بس اليوم عندي جهال
وربك سترها كل الشوي الصبي يطالع فيني بالركوع ويسلم وانا ابي اسد حلقي لا اضحك وهذا يطالع لي
واسد حلقي واسلم وانحاش لبيتنا نسيت بقيت ارد نفس طريق بس تذكرت ورديت بطريق ثاني << عندنا بابين حره لووول
المهم رديت للبيت وتكشخت وصرت سكبه(يعني كشخه بالكويتي) وتكرمون نعالي العيد كل فرد حجم اليمنه44 واليسره45
ويعني الفرق صغير ولبست النعال (تكرمون) واطلع من البيت واجوب شوارع المنطقه
واول ماطلع من البيت هذا واحد من جيرانا غلطني عنده بالديوان والساعه سبعه الا ربع قلت الدوانيه فاضيه الا القاها متروسه
واقعد واسلم عليهم واستقبل 30 بوسه وارسل 25 بوسه << في خمسه سلمت عليهم سلام ولا بستهم
ويصب لي الهندي مالهم قهوه والقهوه كانت جنوبيه عاد انا الجنوبيه ماحبه واشرب فنجان واقوله بس والخبل صب لي مره ثانيه واقول انت مصرقع بس
الجار يقول
الجار: افا ابراهيم هذي بحق تشرب فنجان واحد بس
ابراهيم: ابوعلي شربت فنجانين << مستحي لا اقول له ماحب الجنوبيه
ابوعلي : راجو صب له قهوه
وراجو الغبي ترس الفنجان لي وانا قعدت دقيقتين اشرب فيه ويالله خلصته
ويروح راجو المصرقع بعد ماطفحني من القهوه ويجبون لي الحلويات واقول لهم ماحبه ويطلع لي مره ثانيه يقول عليك حق وانا ساكت واكل من الحلويات
الا يصبون لي شاي وانا ابي انحاش منهم وراي ثلاثين دوانيه امرهم ويشربوني الشاي غصب
وانا حلفت اني بالعيد ماطلع من الباب الخلفي كله اطلع من قدام المهم شربوني كاستين شاي و6 فناجين قهوة
واول مابو علي طلع انا نحشت قبل لا يقعدني واطلع من الدوانيه ، وادش بدوانيه ثانيه ونفس الشي
اسلم عليهم بس هذي دوانيه واحد مشهور بالمنطقه واستقبل 40 بوسه وارسل 40 وعاد هذا الرجل كويس مو مثل بو علي يشربني غصب
بس هذا قهوته حلوه كانت شمالي بس مب السوده الي تكون حامضه لا الثانيه والله واشرب فنجانين قهوة واشرب كاستين شاي
وانحاش الا هذا الجار ابو صالح يمسكني بر قلت لا يكون نفس سالفت بوعلي ويشربني غصب
ابوصالح: ابراهيم تعال ابيك
ابراهيم : هلا ابو صالح امر
ويحط ابو صالح ايده بجيبه قلت الحين عيديه واسوي نفسي مابي العيديه المهم
ابوصالح: ابراهيم هاك العيديه عاد طلع الحمره (خمس دنانير)
ابراهيم: لا ابو صالح لا ماخذها << يعني صاير فيها كبير
ابوصالح: لا منو قال لك <<< هني انصدمت و وقلب وجهي احمر من الفشله
ابوصالح: هذي عطها العيال وزعها عليهم .
ابراهيم حط الخمسه بجيبه وكانت معاي خرده بس هذي المره طلعت رحت عند رفيجي اسلم عليه
ابراهيم: كل عام وانت بخير حجي
محمد : وانت بصحه وسلامه حياك بالديوان
عاد الصبي يبيني اقول لا ابد عاد قلت له
ابراهيم: منو عندكم بالدوانيه ؟ << رزت ويه
محمد :حياك عندنا فطور تفطر عندنا
ابراهيم: اوكي مو مشكله
وادش الدوانيه واسلم عليهم وكالمعتاد استقبل وارسل بوسات بس هذي المره قعدت بالمقلط علشان مارسل بوسات
عاد لما حطوا الفطور وانا جوعان مافي احد قاعد بالبيت الا اخوي الي يطر فلوس مني
اخوي: ابراهيم اسمع روح البقاله وتجيب لي كرت رصيد مع **** وجيب لنفسك رد بول
ابراهيم : ايه وعلى حساب منو ؟
اخوي: على حساب جدي بعد منو انت
ابراهيم: وادك وناسيك انا كل شوي تطلب مني فلوس << دوم ياخذ فلوسي
اخوي: شوف اذا ماجيت وجبت الي قلت لك عليه مايصير لك شي زين .
وابراهيم يخاف ويقول
ابراهيم : خلاص عمي تبي شي بعد
اخوي : لا ماب... << سديت الخط بويه لووووووووووووول
عاد رد دق علي وقال
اخوي: لا مابي شي ... <<< سده بويهي
المهم اروح للبقاله اشتري له و واعطي راعي البقاله فلوس ومايرد لي شي وانا معطيه عشره
ابراهيم : انت هي وين الباقي ؟
راعي البقاله: بابا انت عليك ثمانيه دينار انت دوم يقول ماعندك فلوس وهذا فلوس منو؟ فلوسك انتا
وانا هني بقيت اكفخه بس مابي اخرب السكبه مالتي واقول له
ابراهيم: هذي فلوس اخوي مو فلوسي يالله رد الباقي
ويخاف راعي البقاله ويرد لي الباقي ولا فوقه سلام لاخوي << اخوي مرعب المنطقه لووووول
المهم اروح للبيت والقى ربع اخوي عندنا
وعاد كان في برشلونين (يشجعون برشلونه ) وانا ادخل بابتسام شاقه حلقي لوووول
ابراهيم : السلام عليكم
وابدأ بارسال البوسات وكل ماقرب لبرشلوني
امد له اصبعي والصغير واقول
ابراهيم: كل عام واثنين صفر بخير << لان فريقي العزيز ريال مدريد فازوا 2-0 على فريقهم
المهم قعدت بالدوانيه مالتنا الساعه سبع او سبعه ونص واكيد عاد حاطين حلويات على كيف كيفكم ماذكر شنو كانت بس حطيت الصحن عندي وانا ورفيجي المدريدي ناكل
ويدق التلفون عاد حاط نغمه هادي << اغنيه راب لووووووووول
بلال: كل عام وانت بخير ابراهيم
انا هني ماعرفت منو هذا ؟
ابراهيم : وانت بخير وصحه وسلامه
بلال: لك ماعرفتني << الولد سوري
عاد عرفته من صوته
ابراهيم : اهلا خاله شلوند شخبارج؟ وين الغيبه ماتمرين وتسلمين على ولد اختج
بلال: لك ابراهيم انا بلال ولد صفك
ابراهيم : اي بلال الهندي الي يوصل طلبات؟
بلال: لك العمى انا بلال السوري ولد صف
عاد ضيعت رصيده شوي
ابراهيم: هلا شنو تبي ؟ الواجب ولا حليته تبي شي؟
بلال : ابي اسلم عليك انا الواجب باجر ادق عليك
ابراهيم:الله يسلمك اخبارك انت ؟ وشلون حبيبك عبدالرحمن
بلال: الله ياخذه امس يسوي صوت بنت يعني يبي يقص علي
ابراهيم: اكيد قص عليك واعرفك انت مقصه الكل يضحك عليك
بلال: لك ضيعت رصيدي تريد شي
ابراهيم : اربعه مشكل واثنين ببسي يالله سلام بعد جلوتي اليمنه << كلمه ماقولها الا للعزيزين علي لووووول
المهم مايمدي سكر الا رفيجه عبد الرحمن دق
عبدالرحمن : كل عام وانت بخير ابو خلي.
ابراهيم: ابو خلي؟ داق على مطعم شاورما ابو خلي ؟ وانت بخير وصحه وسلامه
عبدالرحمن : شفت شنو سويت ببلال؟
ابراهيم: يخرب بيتك حتى بالعيد ماسلم منك الولد
عبدالرحمن: هاهاهاها لا كنت امزح معاه
ابراهيم: تجي المدرسه وانا اعلمك شلون المزح... << سديت الخط بوجهه
ونسوي مقلب ولد خالتي المطوع يعني ندق عليه وكاننا بنات
عاد رفيجي راشد يعرف يقلد الاصوات وعاد قلد صوت البنت
راشد: الووو كل عام وانتي بخير اماني
المطوع: وعليكم السلام << منو سلم ؟
اختي انتي غلطانه بالرقم
راشد: لا اماني يعني تسوين مقلب فيني مسويه صوت رجال
المطوع : اختي منو اماني ؟
راشد: انتي اماني مو امس انا وياج طالعين للصالون ولا نسيتي ؟
المطوع: اختي انتي غلطانه بالرقم.
راشد:لا انتي تمزحين اماني
المطوع: اختي عيب عليج هذا الكلام انا قاعداقول هذا مو رقم اماني .
راشد : زين انت اخوها؟
المطوع:لا وهذا رقمي
راشد : زين ممكن نتعرف؟
المطوع: استغفر الله عيب عليج ياختي هذا الكلام استغفر الله
راشد: ليه شنو فيها؟
المطوع: اختي مع السلامه.
وسد التلفون ونطرش له مسجات كله تهديد ونقول له الثار ولا العار<< مسلسل مصري صار لووول
ونرد ندق عليه
راشد: ليه تسد التلفون بوجهي؟
المطوع : نعم شنو تبين داقه مره ثانيه؟
راشد: ابي اعرف انت قليل الادب ماتستحي تدق علي تلفون وتاغزلني انا الحي قلت لابوي واخواني
المطوع: قولي بعد لاعيال عمج
وانا يعني مادري شنو السالفه ادق علي
انا : اهلا مطوعنا شلونك شخبارك؟ كل عام وانت بخير .
المطوع : وعليكم السلام ، وانت بصحه وسلامه
انا : عسى ماشر شنو فيك مالك خلق تتكلم ؟
المطوع: والله يابراهيم قبل شوي دقت علي بنت تقول هذا تلفون اماني وتقول تبي تتعرف علي
انا :<< يعني مادري شنو صاير )) شنو افا والله طلعت لك سوالف من تحت لتحت تغازل بس اذا شفتني قاعد على التي في تقول حرام وانت تغازل
والله انك ماتستحي و مسوي فيها شريف روما ومطوع وكل ماذن تروح اول واحد واخرتها طلعت جذي خلاص يصير خير
واسد التلفون بوجهه واقول ولد عمي يدق عيه ونفس السالفه اخر شي كسر خاطرنا ونخلي راشد يدق عليه
راشد: الووو
المطوع: نعم هذا مو رقم اماني
راشد: منو قال اماني مو انت (***) الحلوو ولد خال ابراهيم
المطوع: ايه ليه شنو فيه؟
راشد : كنت في برنامج صادوه خمسه ههههههههههههههههههههههههه هه
المطوع : ليش هذي الضحكه مو انتي تبين اماني الحين شنو دخل ابراهيم بالسالفه
عاد انا تدخلت
انا : انت هي الخبل هذا مقلب فيك .
المطوع: اياالــ**** << الرقابه حاذفتها
المطوع : وانا على بالي بنت صج
انا : ليه واذا بنت صج شنو تبي فيها تبي تتعرف هههههههه
المطوع : ابراهيم عيب عليك هذا الكلام
انا : اقول اسكت لا اسد الخط بوجهك تعال قاعدين بالدوانيه
والمسكين ردت له الروح صج دوم يكون الضحيه في المقالب بس عادي يكبر وينسى
لووووووووووووووول
وقعدت ببيتنا ربع ساعه ورى المكالمات واطلع واروح لجارنا الخامس ابوخالد
ابراهيم: السلام عليكم
ابوخالد: وعليكم السلام ، حياك ابراهيم
<< جاري ارسال البوسه <<< التقرير تم استقبال البوسه
ابراهيم: كل عام وانت بخير ابوخالد
ابوخالد: وانت بصحه وسلامه
واروح لصدر الديوان اقعد فيه ويجبون لي الحلويات واقوله
ابراهيم: والله ابوخالد توني ماكل حلويات
ابوخالد: لا تاكل يابو خليل
عاد احرجني << جذاب الحلويات كان شكلها جذاب يم يم
والله اكل من الحلويات وويجي كومار يصب القهوه
واشرب الفنجان الاول واهزه له << يعني بس
والخبل يصب لي مره ثانيه واهز الفنجان بعد
والخبل يصب مره الثالثه واهز الفنجان عاد زهقت
ابراهيم: ابو خالد انتم تشربون القهوه غصب ؟
ابوخالد: عسى ماشر ابراهيم شنو فيه؟
ابراهيم: ياخي هذا كومار كل شوي اهز الفنجان يصب لي
ابوخالد: لا توه جديد يابراهيم<< كذاب ابو خالد صار له فوق الخمس سنوات يشتغل عندهم
ويجب لي شاي مر بدون سكر ونفس الشي اقول له ويهز براسه واقوله له
ابراهيم: شنو فيك تهز راسك؟ انت تفهم؟
كومار: لا بابا مافي شي<< ويهز راسه
ويجب السكر واحط لنفسي سكر واشرب الشاي الي كان لونه نفطي(اسود) ويالله بطلعت الروح شربته
ويجيب الدله ويصب قهوة
وماهزيت الفنجان ويروح واناديه
ابراهيم: تعال تعال انا هزيت الفنجان علشان تروح؟
كومار: اها باب انا يسوي ينسى<< حرفوا اللغه
ويروح كومار وانا اطلع من الدوانيه
واروح للدوانيه الثانيه ونفس الشي ثلاث فناجين قهوة و4كاسات شاي
واطلع ونفس الطبخه يعني فريت كل مجالس المنطقه
واروح لبيت واحد شمري من جماعتنا واقعد الا تقريبا خمسين رجال شوي وانا ولد عمي عمر
ومن اول خربنا السالفه سلمنا من جهة اليسار مو اليمين العالم الي توها داشه الدوانيه تقابلنا بالسلام يعني نمشي عكس السير
وابوي وعمي كانو موجودين المهم بعد ما ارسل واستقبلت فوق 60 بوسه << قعدت فوق الساعه ونص
وكل عشر دقايق يصبون لي شاي وقهوة
خبركم انا عضو فعال بالجماعه :$ عاد كل شوي المعزب
ابوطلال: يالله حي ابراهيم توها نورت الدوانيه
وانا اكسر فيه
ابراهيم: الله يحيك ويخليك اكيد بنوري يابوطلال
وابوي مات من الضحك على سالفتي وصارت فصله بالدوانيه من سالفتي العوجه هذي
وابوي كل شوي يطالع لي ويضحك وانا ماسك نفس
عاد انا ولد عمي قاعدين يم بعض عاد في المركه(التكايه) فاضيه عاد فشله اخذه عاد كل واحد يجي انا اقرب له علشان اغير مكاني
وتفشل المحاوله عاد الا اخر شي خربتها ورحت للرجال الي جاء واقعد عند المركه
وانا ولد عمي سوالف وتعليقات على المباراة << عكس العالم
عاد واحد يبي يحرجنا بالدوانيه
الخبيث: اشلون الدراسه معاكم مو انتم اخر سنه ووبصف واحد؟
عمر: ايه اخر سنه وبصف واحد.
الخبيث: وليش ماتذاكرون تروحون للعالم تسلمون روحوا ذاكروا صيروا نفس عيال
عاد صار سكوت بالدوانيه وانا وبكل فخر وتعالي وهيبه لوووووول
ابراهيم: اها ايه نفس عيالك ، عاد ولدك نجح بالدور الثاني ولا رسب؟ سمعت انه رسب صج؟
عمر : ايه اشوف ولدك يعيد رابعه مرتين هذا لو واحد فاهم كان يحفظ المنهج
عاد ضحكوا الي بالدوانيه عاد ابوي قام يتفاخر
ابوي: ايه هذا ابو خليل مايجيب اقل من 75 %
وعمي : وايه هم عمر يجب مثل ابراهيم
عاد انا وعمر مفخرة الجماعه << السنه الي طافت محد طلع من الاوائل الا انا وعمر احم احم :$
عاد بدت تجيني المكالمات ويدق ولد صفي يبي ياخذني عند دوانية واحد من عيال صفنا
ونروح عنده ونفس الشي ويشربوني قهوة وشاي وبطني فولت من الشاي والقهوة والحلويات عاد انا ماتريقت يعني على لحم بطني
وكل ماابي اقول يشوف درب للدورة المياه(تكرمون) استحي واظل ماسك نفسي واكلم رفيجي يقطني على البيت
والله وواحنا بالطريق يبنجر التاير علينا وانا مافيني شده اساعده الي فيني كافيني
المهم الا واحد من ربعي بالمنطقه يوقف
مشعل: السلام عليكم
مليت واكتب اسمي احولها الى انا احست
انا : وعليكم السلام
يجي مشعل ويرسل ثلاث بوسات واردها له بثلاثه
مشعل: عسى ماشر شنو صار؟
ناصر : بس التاير بنجر وهذا ابي اسويه
مشعل: قفل سيارم وانا اوصلكم لبيوتكم
ناصر: لا ابد ماابي اتعبك معاي
مشعل:لا ابد تعبك راحه انت رفيج برهوم
انا: ماعليك زود
ونودي ناصر لبيتهم واول مانزل
انا : مشعل يرحم امك اسرع مافيني حيل امسك نفسي ودني البيت ابي دورة المياة(تكرمون)
ومشعل ماصدق اقول له هذا الكلام
وقام ياخذ فينا دروب بالشارع وصلنا للبيت وانا اركض ابي دورة المياه
الا هذا شعب التتار عندنا بالبيت وانا ادخل عليهم واركض ابي دورة المياة
واوصل الا القى الماي مقطوع
واروح لدورة المياة الخارجيه القى فيها رجال واطلع برا ابي دورة مياه
واروح عند بيت جارنا وعلى طول للدورة المياه لا سلام ولا بطيخ والله زين عاد دورة المياه مالتهم صالحه
عاد اطلع من دورة المياه
وادخل في شعور غير طبيعي والله الحمدلله ماصار فيني شي انا قلت لازم سكري يصيبني من الي شربته اليوم واروح للدوانيه مالتنا الا ربع ابو حسون موجودين عندنا واروح اسلم عليهم وحسون داق السبعه مثل عمه السكبه الي هو انا عاد جيبه كان ثيل من العيادي << بديت افتر على عياديه لوول
واروح للصاله اسلم على عماتي وخالاتي << شكثرهم لووول
وانا طالع يمسكني الجهال يبون عيادي عاد بجيبي خرده ( يعني فلوس حديد =100 فلس) عاد اوزعها على الجهال
الا حسون ومرام وابوصالح معطيني خمس دنانير عيادي لمرام وحسون
وعطيتهم دينار لك واحد منهم وثلاث دنانير بجبي عاد
وامسك حسون عندي بالغرف
انا : حسون تبدل بالعيادي ؟
حسون: امي انت تم معات؟ انا مااي فلوث وانت؟ الترجمه
عمي انا كم معاك؟ انا معاي فلوس وانت؟
انا : معاي فلوس اكثر منك شوف << واكلع له الخرده اخضه علشان يطلع صوت
حسون: الله لها ثوت خلاث تبدل ؟ الترجمه
الله لها صوت خلاص تبدل؟
انا : ايه ابدل << مو مصدق لوووول
والله تتم الصفقه بسلام وكانت ناجحه للطرفين لوووووووول
عاد معاه فوق العشرين مو انا انا ولا عيديه حصلت
ويجني ابو حسون
ابوحسون: تعال انت قاص على حسين معطيه خرده وتقول ان فلوسك اكثر منه انت خردتك ماتتعدى النص دينار يالله رد فلوسه
انا: انا ماسويت شي هو الي يبي يبدلني بالعيادي مالي شغل
ابوحسون: هههههه يعني تبي تعلمني فيك رد الفلوس ولا ماتحصل طلعه باجر
انا خفت على عمري وبعدين اقعد بالبيت تقول ويه مطلقه ورديت لحسون فلوسه
وتجيني مكالمه بعد من واحد من الجماعه مسوي غدا واروح له بعد مارحنا للمسجد وصلينا
وانا عنده الا تلفوني يرن
ارد عليه الا هذا اخوي
اخوي :انت هي اسمع ترا طالبين مندي تجي تاكل ولا لا؟
انا: شنو من صجك ياالله جايكم واسد التلفون
انا : يالله اكرمكم الله
واركض للبيت علشان احصل شي الا توهم ماطلبوا من المطعم واطلع برا بالشارع
الا هذولا ربعي يقولون تعال نلعب بليستيشن بالدوانيه وانا بعد مره وحده اقزر وقتي عندهم على مايجي المطعم
والله واكسر روسهم بالدوري الياباني وامصخرهم ويمسكوني مايخلوني اطلع الا واحد منهم يفوز وانا اظل افوز عليهم
لما اخوي دق وقال ان المطعم جاء
طلعت والا هم صاروا مثل حسون مايبوني اطلع والله اتعذر لهم وانا طالع
انا : يالله كل يوم تعالوا امصخركم وامشي
وانحاش من الداونيه واروح للبيت
واكل من المندي واكل حسون من ايدي << يتمصلح معاه احم احم
بعد ماترست بطني من الاكل واروح للغرفه واقعد على التي في
الا نمت والله اقعد المغرب الساعه6.30 الا لقيت نفسي بغرفة حسون << لحد الحين يتمصلح
واقعد ويرن تلفوني الا هذا ابوي
ابوي: ابو خلي توك قاعد يالله علشان نروح لبيت عمك
انا : اوكي الحين اغسل وانزل لك تحت << عاد صوتي كان متغير
وانزل تحت عند امي واكلمها وعندنا عماتي
انا : يما شنو مصعديني لغرفه حسون؟
امي :ههههههههههه شنو فيه صوتك شنو تقول انت؟
انا : ؟؟؟؟؟ << مستغرب
وتصير فصله علي بالصاله وانا لحد الحين منصدم شلون صوتي يروح
واروح لاخوي ابي اشوف صج ولا لا؟
ويطلع صج صوتي رايح
وانا واتفشل وقلت مابي اروح
عاد فكرت الاعتزال لعب البليستيشن لان صوتي راح <<< شكووووو
البس دشداشتي وغترتي وادق السبعه لي ولحسون
وننزل ونروح عاد اول مادخلنا خليت ابوي يسلم وانا ساكت طول اليوم
عاد استغربوا ليش ساكت
ويسألون ابوي:ابو فيصل ابراهيم شفيه ساكت؟
ابوي ضحك على طول: ههههههههه صوته رايح وكان مايبي يجي
الا صار هوء الي يسبق العاصفه
الا الكل : ههههههههههههههههههههههههه ههههههههههههههههههههههههه ههههههه
وانا شنو انحرجت واخز ابوي واتهدد ابي اروح للبيت
وعيال عمي ينكتون علي وانا ساكت مابي ارد عليهم
واضل ساكت لما تعشينا ونروح انا وحسون مشي للبيت
واروح اقعد على النت
وتبدأ رنات التطنز علي وكل شوي واحد راد
عاد شوي سكت التلفن الا رفيجي داق
وارد عليه
عبدالله: الو قوه ابراهيم شلونك شخبارك ؟ وينك؟
ابراهيم:هلا عبدالله انا بالبيت << يعني تخيلوها بصوت رايح
عبدالله: ههههههههههههههههههههههههه طلع صج صوتك رايح هههههههه
ابراهيم: العن ابو شكلك داق تتطنز واسد الخط بوجهه
واكمل قعدتي على النت
الا هذولا هم عيال عمي دخلوا المسنجر ويتطنزوا
وانا طالعه روحي منهم واعطيهم بلوك على خشومهم
وضليت ساكت طول اليوم يمكن يرد صوتي ولا رد لحد الحين
الظاهر ابوه يبيه بشغل يمكن لووووووووووووول
ولحد هذه الساعه ‏08:28 ص ‏24/‏10/‏2006
ولم يرد صوتي
ادري اكسر الخاطر ومسكين ولا عندي عيادي
مو مشكله اتقبل العيادي منكم لووووووووووووول
تحياتي لكم
IbRaHiM.N

[القلب الطائر]

مشكور اخوي لكن العيد عندكم اليوم ولا امس

تحيااااااااااااااتي

القلب الطائر

[PASTEL*]

ههههههههههههههههههههههههههههههههههههههههههههه ههه

امبيه لا ماشاءالله كل هالديوانيات والمجالس ماشاءالله تبارك الرحمن ما خليت ديوانية في الديرة الا

وبسطت فيها يا اخوووي

ويا حلاتة حسون بسم الله عليه ينقص عليه بسررعة صج ياهل والله يعينة عليك والله ودي اشوف شكلة بالسبعة

بس صج صج انت استمتعت في هذا اليوم مافي فراغة ابد من مكان لمكان سبحانةالله

والقصة كالعادة بيرفكت واكثر

والله يوفقك يا رب ومعقول ما حصلت عيدية حتى من ابوك او امك ؟؟

وسلامي لك مع احترامي المتواضع :

سنجوبة

[IbRaHiM.N]

ههههههههههههههههههههههههه ههههههههههههههههههههههه

امبيه لا ماشاءالله كل هالديوانيات والمجالس ماشاءالله تبارك الرحمن ما خليت ديوانية في الديرة الا

وبسطت فيها يا اخوووي

ويا حلاتة حسون بسم الله عليه ينقص عليه بسررعة صج ياهل والله يعينة عليك والله ودي اشوف شكلة بالسبعة

بس صج صج انت استمتعت في هذا اليوم مافي فراغة ابد من مكان لمكان سبحانةالله

والقصة كالعادة بيرفكت واكثر

والله يوفقك يا رب ومعقول ما حصلت عيدية حتى من ابوك او امك ؟؟

وسلامي لك مع احترامي المتواضع :

سنجوبة

يسلموو خيتو سنجوبه

لوووووول حسون على السبعه تقول شيخ بمسلسل بدوي
لوووووووووول

اوه فريت كل الديوانيات كلهم ولا مشي بعد
ابوي وامي اخذا مني فلوس ويقول ماعندهم خرده شفتي
بس امس وناسه الى لما راح صوتي انقلب العيد الى ملل

يسلموو على المرور خيتو سنجوبه الفاضلة باخلاقها

[R0BERT*]

هههههههههه اااااي

ماشاء الله عليك فار دواوين الديرة كلها ... عاد وصلت جنوب السرة ولا بعدك ؟؟

إذا وصلت عطني خبر

بس عاد أحنا مو شاي وحلاو وقهوة نضيفك ... فلووس فلوووووس ...

وعلى ولد خالتك المطوع ما صدقنا على الله في ناس مطوعين في الديرة تيي وتخربه ...

وإلا على صوتك .. أنا أتمنى صوتي ينبح حححححح

ومعلومة كل ما أخلص من قراءة مواضيعك أشرب جيك ماي كااااااامل ..

فليش ما تسويلك كتاب يكون عن سيرة أبراهيم الذاتية فيه كل خططك وتكتيكاتك ومقالبك ويومياتك ..( لا تصدق ) هههههههههه ااااااي ..

وسلامتي ..

[IbRaHiM.N]

ايه والله فريت كل الدواوين
ام لا لحد الحين ماوصلت بس وصلت لضاحيه عبدالله السالم

فلوس؟ اوكي من باجر عندك

لا ان شاء الله اسوي كتاب عن يوميات بس لحد الحين مالقيت محرر للكتاب << صدق نفسه

يسلموو خيو روبرت* على المرور

[المدمرة]

لوووووووووووووول والنجمه بعد

لاحقته لاحقته

خخخخخخخخخخخخخخخخخ

بالشنا فيها هالروبرتوو *

المهم هذا مو مهم

ماشاءالله عليك اكيد ريولك (رجولك ) عليهم السلام ما تقدر تتحرك الله يعينك

<< لوول ليش لابس كعب

لا بعد 75% من الاوائل

ماشاءالله وعلمي بعد ؟!؟!

اهاا يعني لو انا متخرجه بهالمعدل اكون متوفقه ولا بعد بدرجه الشرف

لاا عيل 93% شنو يطلع مقبول

هههههههههههههه

نصيحه مني من الحين رفع معدلك ولا صج ما بتقدر تدخل تخصصك نصيحه

وانا منصدمه الحين معقوله حسون اللزقه ما عرف سوايا عمه ؟؟؟

ولا يدري انك تقص عليه وماكل بعقله حلاوه

والله كاسر خاطري

ترا هذا مال الفقير بعدين ربك يحاسبك عليه

<< حشى مطوعه خخخ ما ادري منو ناصحكم :>

يسلمووو على الموضوع الي نشفلي ريجي :>

ويحليله هالعمر بكل مكان معاك الله لا يفرقكم عن بعض بس بفعل الخير مو

بالي تسونه بالناس وخاصه هالمطوع كاسر خاطري خخخخ

[IbRaHiM.N]

لوووووووووووووووووووووووووووووووووووووول
ايه مال فقراء قالت
اهو على باله ناصب علي بس انا نصبت عليه
لوووووووووووووووووول
ايه شنو نسوي بكل مكان لازم واحد يكون الضحيه والمطوع هو الضحيه لوووول
يسلموو خيتو المدمره على المرور

[سينشي]

هههههههههههههه
لوووووووووووووووووووووووول
يسلموووو ابراهيم
زين سويت كل الجيران زرتهم حتى الشاي والقهوه حلوووووووه
لا والمندي ما اطيبه لذيذ
هههههه
راح صوتك وكل ابناء عمك يطنزون عليك

سلامات ابراهيم وما تشوف شر

اخوك
سينشي

[Neji]

:p
تسلم

[Sakura-Chan]

اهلين اخوي ابراهيموعيدك مبارك
وانشاء الله يتعدل صوتك؟؟ ويرجع طبيعي

[MoOn WolF]

السلام
عيل تعبناك في كتابة كل يومك بالتفصيل في اول ايام العيد
لووووووووووووووووووول
يعني اللمبة والمكيف شكووووووووووووو بالتفصيل الممل يعني
ترى أتغشمر معاك مو تاخذ بخاطرك
بصراحة موضوعك مميز واااااااااايد حلوووووووووو
واتعيدة مرة ثانية بعيد الاضحى ان شاء الله .
ملاااااااااااااااااااااااحظ:
عطنااااااااااا عيدية(عيدك مباااااااااااااارك)
حمصتنييي.
باي

[IbRaHiM.N]

هههههههههههههه
لوووووووووووووووووووووووو ل
يسلموووو ابراهيم
زين سويت كل الجيران زرتهم حتى الشاي والقهوه حلوووووووه
لا والمندي ما اطيبه لذيذ
هههههه
راح صوتك وكل ابناء عمك يطنزون عليك

سلامات ابراهيم وما تشوف شر

اخوك
سينشي

لوووووووول ايه والله شفت هذا اول ايام العيد
يسلموو خيو سينشي على المرور

[IbRaHiM.N]

مشكورين اخواني على المرور
ويسلموو

[ka!to fan]

السلام عليكم و الرحمة ,,

أوهااااااايوووو جوزايماااااااااااااس ^^

ياخسارة في الصفحة الثانية ><"

بس يلا معليش خيرها في غيرها ^^"

ماشاء الله عليك قصة خطيرة ^^
و
مخلص نص ديوانيات الكويت ,, و مخلص البن و الليبتون ^^ و الحلاو ^^

خخخخخخخخخخخخخخخخخخخخخخخخخخخخخخخخخخخخخ

و المطوع كسر خاطري حرام عليكم ^^" و الله إنه مسيكين ^^

لا و كله وحسووون تقص عليه ^^" خخخخخخخخخخخخخخخخخخخخخخخ

تخيلوا بس 20 دينار مقابل نص دينار ^^ و الله و ربحت فيها بس انقلب السحر على الساحر مثل مايقولون ^^

و تعوضها بعيد الأضحى إن شاء الله ^^

هاه رجع صوتك و لا لسه ^^؟؟

و للمعلومية فقط ,, باقي يومين و ترد لنا وجه الفقر المدرسة <<--- تنكد عليكم ^^"

و بانتظار جديدك دوم ^^

[kaka show time]

لوووووووووووووووول

برهومه

ما شاء الله عليك كل هذي السوالف بيوم العيد

لا و الله تفشل الرجال اللي كان معكم بالديوانية و يقول لكم روحوا ذاكروا

لووووووووووووووووول

شكراااااااااااااااااااااااااااااا

[IbRaHiM.N]

السلام عليكم و الرحمة ,,

أوهااااااايوووو جوزايماااااااااااااس ^^

ياخسارة في الصفحة الثانية ><"

بس يلا معليش خيرها في غيرها ^^"

ماشاء الله عليك قصة خطيرة ^^
و
مخلص نص ديوانيات الكويت ,, و مخلص البن و الليبتون ^^ و الحلاو ^^

خخخخخخخخخخخخخخخخخخخخخخخخخ خخخخخخخخخخخخ

و المطوع كسر خاطري حرام عليكم ^^" و الله إنه مسيكين ^^

لا و كله وحسووون تقص عليه ^^" خخخخخخخخخخخخخخخخخخخخخخخ

تخيلوا بس 20 دينار مقابل نص دينار ^^ و الله و ربحت فيها بس انقلب السحر على الساحر مثل مايقولون ^^

و تعوضها بعيد الأضحى إن شاء الله ^^

هاه رجع صوتك و لا لسه ^^؟؟

و للمعلومية فقط ,, باقي يومين و ترد لنا وجه الفقر المدرسة <<--- تنكد عليكم ^^"

و بانتظار جديدك دوم ^^

لوووووووووووووووووووووووو وووووووووووووووووووول
ايه والله وجه الفقر والفلس المدرسه
قولوا امني ان شاء الله تنهدم مدرستي بس

لوووووووووووووووول
يسلموو خيتو عاشقة على المرور

[كـراش]

بسم الله الرحمن الرحيم

ههههههههههههههههه

أو رد الصوت ؟؟!!
هو في سوري يدرس في مدرسة في الكويت ؟1!!
أقصد الجنسية ...


ياسلاام حلويات ولا شكلك زرت ديوينيات الكويت كلها ... (( أي .. كل الديوانيات زرتهم كلهم )) هذا ما أقصد

في تفحيط ههه الله يلعن التفحيط يموتون الناس!!!!!!

الحمد لله السنة قل التفحيط ؟؟؟؟؟

أكره التفحيط

مسكين المطوع
تكذبون عليه ....... > تقصون عليه

سينقلب عليك المقلب يوماً ما هههههههه
مع السلامة

[IbRaHiM.N]

لوووووووووووووووول

برهومه

ما شاء الله عليك كل هذي السوالف بيوم العيد

لا و الله تفشل الرجال اللي كان معكم بالديوانية و يقول لكم روحوا ذاكروا

لووووووووووووووووول

شكراااااااااااااااااااااا اااااااا

العفوووا

ايه والله في ناس جذي ويههم عريضه لا حي ولا مستحى

يسلمووو الفيروزي على المرور

[H7o]

الله يقطع سوالف أبليسك

يوم حافل

وسلامات على صوتك

يمكن حسون داعي عليك عشان قصيت عليه ههههههه

المهم
سلامات

ومشكور على السوالف الحلوه يا IbRaHiM.N
ضحت في وقت قل فيه الضحك