السلام عليكم
عدنا والعود أحمد>>كلامها وايد ومايخلص

الموضوع تعرض لهجوم نووي من قبل البنات ...>< .


مايصير موضوع منحصر على جنس واحد..
لازم يكون هناك تبادل آراء
وبعدين الفضول ذبحنا بسبة العنوان
والعناوين هذي هي الأكثر جذباً للأعضاء



كان ودي أقرأ ردود الأعضاء..لكن هبابي أرد ماعندي وقت

المهم
إلي بغيت أقوله..معرفة الريال لهذي الأشياء مثل الطبخ والغسيل وحتى العنايه بالأطفال هذي نوع من السؤوليه لا نقص في الرجوله(والبعض المتكبر يفهمها جيه)
فلنفرض أنه واحد حرمته في المستشفى مرقده لسبب من الاسباب وماعنده خدامه
وناش الصبح يبى يتريق وهو مايعرف حتى يسوي كوب جاي..شو يسوي هذا
وواحد مب معرس نش الصبح ومحد في البيت مالقى أمه وولاحد في البيت..ومن زين حظه ذاك اليوم الخدامه اشردت ويبى يتريق
كيف بيتريق وهو مايعرف حتى يقلى له بيضه
والمفروض على الأم اتعلم ولدها مثل هذي الأشياء من صغره على الأقل بعد مايخطي الـ10 سنوات
لأنه هذي تعتبر من المسؤوليه والإعتماد على النفس..وهي أفضل طبعاً من الإتكاليه

مره أخوي بعد ماخلص الأول ثانوي(الكليه الجويه) شلوهم يدرسون برى
فيوم كنت اكلمه أحياناً اسمعه يشتغل في شي
ويوم سألته يا فلان شو تسوي قال لي أغسل ثيابي..ورد وقال والله مستعد أعطي معاش الخدامات سنه كامله ولاأشتغل شغلهن
..
وهو صح إلي يشتغل شغل الخدامه لو لأسبوع واحد بيعرف قدرهن وقيمتهن ومابيهونن حتى يتنازعن وهذا عن تجربه شخصيه ^_^!