السلام عليكم ..
عندي مشكله , كانت بسيطه ..
بس كل شوي تزيد وتكبر وأخاف يجي اليوم اللي خلاص تستولي ع قلبي كله !
أنا من صغري إنسانه أجتماعيه .. تحب تتعرف عناس وتشوف ناس , لكن " دوام الحال من المحال ..
وقبل ثلاث أشهر تقريباً .. صرت ما أحب أشوف اعمامي وعماتي .. وكانو أهلي يغصبوني أروح أجتماعتهم الاسبوعيه ..
اللهم كنت على علاقه مع بنات عماتي وبنات أعمامي ..
وبعد مده صرت أكره خوالي وخلاتي .. ونفس الشي اروح بالغصب لأجتمعاتهم ..
بعدين صرت ما احب أقاربي كلهم ! وما أحب أطلع معهم وكانت أمي تحاول تغصبني أطلع بس كنت أرفض ! لكنها تغلبني وأذا مانفعت امي تنادني أبوي وعلى هالحاله ..
أتذكر مره أبوي كان مسافر .. وأستغليت الفرصه وما سمحت لهم يغصبوني أطلع !
لكن بالنهايه جاني أخوي و شالني ورماني بالسياره ورمى عباتي فوقي !! ماادري كيف أوصف شعوري ذاك الوقت ! كنت معصبه لأبعد الحدود !!
الحين .. أكره اطلع من البيت ! ما احب السوق ! ما أحب المدرسه ما أحب أي شي ! اللهم أطلع لجرير أشتري كتب أو أذا راحوا أهلي للبحر أطلع معاهم ..
غيره كنت أرفض !
كنت أحب عالم الانترنت والكتب وغيره كنت أكرهه وبشده !
وأحياناً أهددهم أني حقول قدام اللي حياخذوني عندهم أني مغصوبه أجي هنا مو بكيفي ..
والمشكله ! أمي !!!
صارت تدعي علي و هي تبكي !
وأحياناً تدعي عنفسها وتقول " يارب خذني وريحني " وأدعيه زي كذا !
والمشكله الاكبر ! صارت دموع الناس ما تهمني ! أختي تبكي أمي تبكي أخوي يبكي أو أي أحد ما أهتم !
لكن بعد يومين أو ثلاث أندم !

الله يخليكم عطوني حل بصراحه أخاف يجي اليوم اللي أكره فيه أمي وأهلي !!