امممممممممممممم الموضوع جميل وكويس ان اول زيارة ليا للقسم هنا اشوف فيه الموضوع ده .

في وضع عايز اسال فيه. فقدان الامل.... مش بمعنى يأس انما قصدي ان الواحد مابقاش يحلم او يتمنى. راضي بقضاء ربنا وقدره طبعًا ... لله ما أخذ ولله ما اعطى.

انا مش عايز اعقد الموضوع عشان كده نفترض مثلاً ان واحد خطب واحدة عشان يتجوزها ولقى فيها كل الصفات المناسبة وحبها جدًا واتعلق بيها جدًا بس اصابها مرض وبعد صراع طويل ( سنتين ) ودعاء وامل وتمني شاء ربنا ان أجلها ينقضي.

فا الواحد ده رضي بقضاء ربنا بس مابقاش يبص لبكرة او يتمنى حاجة وبقى عايش كده راضي باللي شايفه في يومه انما مابيعملش لبكره ولا عنده احلام او طموحات