يوم الاربعاء :)

[IbRaHiM.N]

السلام عليكم
كيف حالكم؟؟
من زمان ماحطيت موضوع بالقسم وحبيت احط لكم موضوع كويس عن يوم الاربعاء الي هو امس
عاد يوم امس بالمدرسه حامل اقصد حافل لوووووول
المهم
عاد يوم الاربعاء الي هو امس كان وناسة حصتين احتياط وساعه تكملت دوري المدرسة وفزنا 6-3 وفرنسا فازوا بالليل يعني مقومات اليوم الناجح <<
ونبدأ اليوم مع اول حصه كانت كيميا عاد علينا حصة عملي والدرس الاحماض الكربوكسيليه << يعني شاطر حافظ الدرس
عاد بالتجربة لازم يطلع راسب لونه احمر عاد ماطلع الراسب لونه احمر طلع اخضر عاد انا ولي معاي بالطاوله قاعد نقول المدرس مايعرف يسوي التجربة والي معاي بالطاولة ماتوا من الضحك عاد اخر شي توهق المدرس ويعني حنا نرقع السالفه
الصف: استاذ الراسب طلع احمر << واهو الراسب اخضر
الاستاذ: يعني تجذب علي
عاد رد عليه واحد اسمه عمر ملقبينه عمر زعنفه << خوش لقب ولا له القاب عمر قلب الدجاجة استاذ الانجليزي يناديه
عمر: لا استاذ الظاهر فيهم عمى الوان لونه ازرق
الاستاذ: صج والله ، اسكت منتم كفوا الواحد يسوي لكم تجربة
عمر: ايه استاذ ماتعرف تسوي
الاستاذ: خلاص اسكتوا الحين اجيب محلول ثاني من المختبر الي تحت
عاد طلع الاستاذ والصف الي قام يتعبث والي يتحرش ببلال وانا كنت مع الي يتعبثون
عاد طلع شي البنات يخافون منه واذا طلع تصير حالة انذار عندهم وهذا الشئ هوووووو
(الصرصور ) لوووووووول عاد طلع صرصور طاير بالمختبر مادري من وين طلع عاد اول ماطلع مشاء الله قذائف الباتريوت اشتقلت عليه
الباتريوت=تكرمون(الجواتي) لوووول الكل حذف عليه وبعضهم خباثه يحذفون على بلال والمختبر صار عفسه وغبره وبعضهم تخبوا تحت الطاوله علشان ماتجيهم قذائف وانا على قولتهم شريف روما بالسالفه ساكت لاني توني ماصحصحت عدل يعني الاستيعاب 60%
والصدق امانه المهم جاء المدرس وشاف العفيسه وانجن وقام يصيح ويشتم والكل ساحب له عاد علمنا على تجربة تطلع غاز ماذكر شنو اسمه
بس اذا سويت التجربة يطلع غاز مو زين واهو غاز الضحك على كلام المدرس عاد مشاء الله الي بالصف علماء بالكيميا
عاد المدرس امن علينا وقال سوو انتم التجربة عاد انا وعمر ولد عمي والي معانا بالطاولة سوينا التجربة بطاولتنا
عاد غلطنا بالتجربة بسبب عمر قاعد يستعبط انا سديت خشمي وحلقي علشان ماشمه عاد هم ماسكروا خشومهم ولا حلوقهم
وشموا الغاز واول شي كانوا ساكتين وراها انصرعوا من الريحة طلع الغاز غلط واهو غاز الي ريحتة مثل ريحة البيض الفاسد عاد المدرس يقول
الاستاذ: اي اعرفكم لازم تخطون وتسون التجربة غلط
ابراهيم: اي استاذ الحمدلله سكت خسمي ولا كنت شامه
والمدرس طردنا من المختبر وخلص الحصة بعد
عاد جانا مدرس الالعاب ويقول لنا ان المباراة الدوري بعد شوي وانزلوا
عاد احنا استانسنا عاد بصفنا مشاركين بكرة السلة والقدم
وانا كنت بفريق القدم تعرفون يعني الارتكاز بالفريق
وكنا نباري فريق 12/ع/1 الي هو فريق الشطار
عاد مدرس الفيزيا قلت له تعال شوف شلون نمصخرهم وهم جابوا مدرس الرياضيات
عاد الفريق يتكون من 9 لاعبين
عاد فريقنا الكل يبي يهجم ومافي دفاع
عاد التشكيله كانت 6-1-1
يعني 6 هجوم و1 وسط والي هو انا و1 دفاع والاخير حارس بعد مالعبنا حجر ورق مقص
عاد لعبنا ودخل بلال معنا لان كنا ناقصين
عاد بدت المباراة ويهجمون علينا ويشوتون الكورة ويصده الحارس عاد يعني بلال صايد الموقف ويبعد الكوره ويعلق الحارسنا بالزاوية التسعين عاد بلال له ماضي اسود بالدوري وخلوني اذكر شنو صار السنه الي طافت في نص النهائي كنا خسرانين 1-0
عاد بهجمه مرتده علينا وانا واثنين من الدفاع اخ يايام اول الكل ملتزم بمكانه مو الحين بس انا
المهم قطعت الكورة واخر دقيقه بالمباراة واعطي بلال الكورة والقول فاضي يعني ياهو يالحارس وحارسهم قصير
والمشكله بلال كانوا معاه ثلاث من فريقنا ولما جاء يشوت الكورة تعرجب وطاح وخسرنا المباراة بس يومها شنو ضربنا بلال ضرب سنه بساعه
ونرد لمحور المباراة وبلال دخل علينا هدف ومدرس الرياضيات مسوي حرب نفسيه علينا ويقول
الاستاذ: هههه دول فايزين عليكم بكل حاقه بالدراسة والرياضه<<مصري مدرسنا
المهم يعني عصبنا ويدخلون الهدف الثاني والثالث يعني صرات النتيجه 3-0
وانتهى الشوط الاول على هذي النتيجه واكيد ضربنا بلال وغيرنا وباقي فريقنا وصلوا يعني فريق الاحلام وصل
وثبتنا الخطه وصارت 2-4-3
ومدرسنا الفيزيا مايحب الصف الثاني وعلى اساس اهو المدرب ويشجعنا ويقول اذا فزتوا اعطيكم خمس درجات
والخمس درجات تسوي شغل والله الكل تحمس وبدا الشوط الثاني والضغط لنا من البداية لان فريقنا كان كله بطات ولا واحد يركض
وباول خمس دقايق بالمباراة حصلنا على ركنيه ولعبها مشعل <<ملقب نفسه ادريانو << اهو بوادي وادريانو بوادي
المهم لعبها لولد عمي عمر الطويل وضربها براسه والحارس ابعدها وتجيني الكورة بر منطقة الجزاء وانا ماثنيتها بقذيفه الله لا يوريكم
واكيد بالتسعين وانا اول مادخلت القول رحت لمدرس الفيزيا واقول له
ابراهيم: استاذ الدرجات قربوا
عاد اول مادخلنا الهدف الفريق تحمس عاد فريق الشطار كله شطار ومصرين ولابسين نظارات يعني فريق اللهم لا شماته <<لووووول
عاد المباراة صارت لنا ودخلنا الاهداف وفزنا 6-3 عاد ورى ماخلصت المباراة رحنا نضحك على مدرس الرياضيات
ونقول له انه مستانس فيهم فريقهم يفوزون علينا والمدرس حقد علينا واهو صوته رايح بعد لوووول وتعليقات صفنا عجيبه الي يقول هذا توه بلغ لووووووووول حطمنا المدرس من التعليقات عاد تجي حصة الرياضيات والمدرس مستأذن يعني طلع برى المدرس وجانا مدرس احتياط عاد كنا جالسين بطاولتنا وصايرة حرب تنكيت على بعض عاد معنا واحد بسطرنا اسمه خالد هذا مشاء الله عليه حطات عجيبه واهو دوم يحط علينا ويمصخرنا عاد هذي المره نوينا على شر ونجيب واحد محترف والي هو ولد عمي عمر عاد جلسنا وعدلنا الطاولات
عاد بدا خالد الحط على عمر واحنا نبي نقضي على خالد
خالد: روح وانت خشمك تقول مغارة علي بابا
واحنا فشلنا خالد وسكتنا ونقول باييخه عاد عمر رد عليه
عمر: ياعمي روح انت ويا ويهك تقول فوزية الدريع<< تطلع على قناة الراي
واحنا متنا من الضحك وخالد مسترغب يقول هذولا شفيهم
خالد: صج انا فوزية الدريع ، شفيه الي يطلع سيم سيم مدام<< دعاية Mtc
وردينا : بايييخه ووع ياعمي طير وانت نكتك الخايسة
عمر: يعني مستانس ويا ويهك تقول ويه خدام جيرانا العورة
ههههههههههههههههههههههههه انا مت من الضحك عليه والصف لاحظنا وكلهم التموا يدورون سوالف
خالد: لا انت الحلو ياعمي روح وانت ويا راسك تقول كوره امريكيه
ونفس الشي ساكتين
عمر: ياعمي حواجبك تقول الحركة التوافقيه << درس بالفيزيا
واحنا متنا على حطات عمر البايخه بس لعانه بخالد علشان مايحط علينا
وصارت حطات بينهم تقريبا طول الحصه واحنا نضحك لعمر
عاد ورى ماخلصت الحصه عمر قال لخالد
عمر: تعال كل يوم نبي نضحك عليك
ابراهيم:هههههههههههههههه سمعته خالد كل يوم تعال
خالد: العن ابو الزمان الي قمتوا تحطون علي << ماعنده روح رياضيه
وتجي الفرصه عاد هذا الاسبوع تكمله للاسبوع الي طاف كانت الحرب العالمية بين المدرستنا ومدرسة المتوسطه<< ادري اغبياء
المشكله هم يتحرشون علينا من فوق بصفهم واحنا بالفرصه والتحديد بالساحه عاد معانا واحد اسمر بالصف وهذا خبل صغيره بحقه
ويحذف عليهم قوطي ببسي والكل تشيش وصارت الحرب قذايف من كل مكان وانا وكم واحد نسوي مؤثرات الصوت من اوووه وهذي الاصوات والساحة فاضيه عاد العالم تحذف عليهم وبعض بعدين صارت القذايف مركزه يعني كل شوي قذيفه ومع كل قذيفة تعليق
عاد لما واحد يحذفها عدل بصفهم ويروح يشتري ببسي ويشربه ويكمل بعد عاد واحد حذف قوطي الببسي عاد واحد منهم مطلع راسه من درشية الصف الا براسه جت القذيفه واحنا تصفيق وتصفير واهو يقول لا داعي لاداعي << صدق عمره
وعالم تحذف وطول النص ساعه وخلق الله تحذف عليهم وجاء مدير المتوسطه يغلط
وحذفوا عليه << والله مصرقعين
والله وناسه عاد بعضهم الي يدخنون بالفرصه كابس الزقارة وماسك القوطي ويحذف عليهم وانا شريف روما ماسويت شي
بس حطيت خوي القوطي واهو حذفه عاد واحد من صفنا اخوه كان من الي يغلطون بالمتوسطه
عاد انا قاعد اقول
ابراهيم: اخو المتمردين << شكو المتمردين
عاد الي بالفرصه طالعوا له ونظرات الحقد باينه عليهم
واهوا يقول
ناصر: انت هي اسكت مالي خلق انطق اليوم
ابراهيم: اخووه اخوووه ياجماعة الربع اخوه الي يغلط
عاد صفنا جو عليه ومسكوه بالزاوية ومكتفينه ويهددونه ويقولون اخوك انا اوريك ويضربون مزح
وباقي اليوم كان بايخ لاننا كتبنا عربي فوق الثمان صفحات ولا بعد يبي يكتب بس قلنا خلاص كافي تعبنا
وانتهى اليوم على سلام وكل شخص راح لبيت اهل سالم غانم خالد عمر والشباب كلهم<< احم احم

سلامووووز

[ka!to fan]

و عليكم السلام و الرحمة ^^

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ

خخخخخخخخخخخخخخخخخخخخخخخخخخخخخخخخخ

و الله مواقف خطيرة ^^ لا و أحسن شي الخمس درجات من مدرس الفيزياء ^^

برفع شكوى ضد مدرسكم يبخشش درجات <<-- نذله ^^

^^ هذا خالد فالح يتمصخر ! الحمدلله مافي في صفنا ناس كذا ^^ ترا أتحطم بسرعة ^^

لا بس عيال عمي محترفين ,, يبيلي أرسلهم لكم ^^ <<-- أدفع فلوس رحلة الذهاب و الإياب ^^

و مشكوور إبراهيم عالقصة ^^ الخطيرة ^^

و بانتظار جديدك المتميز دوومز ^^

[IbRaHiM.N]

و عليكم السلام و الرحمة ^^

خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ خخخخخ

خخخخخخخخخخخخخخخخخخخخخخخخخ خخخخخخخخ

و الله مواقف خطيرة ^^ لا و أحسن شي الخمس درجات من مدرس الفيزياء ^^

برفع شكوى ضد مدرسكم يبخشش درجات <<-- نذله ^^

^^ هذا خالد فالح يتمصخر ! الحمدلله مافي في صفنا ناس كذا ^^ ترا أتحطم بسرعة ^^

لا بس عيال عمي محترفين ,, يبيلي أرسلهم لكم ^^ <<-- أدفع فلوس رحلة الذهاب و الإياب ^^

و مشكوور إبراهيم عالقصة ^^ الخطيرة ^^

و بانتظار جديدك المتميز دوومز ^^

لووووووووول
ايه تبين تقطعين ارزاقنا ياعشوقة ماتوقعتها منج<< تحطم
لوووووووووووول

يسلموو على المرور

[kaka show time]

مبروك برهومة على ال5 درجات

و على فوزكم بالمباراة و كمان على فوز فرنسا

يااااااااااه رجعتني لأيام الدوري بالمدرسة أحلى أيام

و أحسن شئ سويتوه إنكم فزتوا على فريق الشطااااار لا و يلعبون بالنظارات

لو إني منك يا رونالدينهو (( أقصد يا برهومة ))

من البداية أشووووووت الكورة على النظارة

ويا حظكم بمدرس الرياضيات اللي استأذن عشان ما تتمصخرون عليه

و خالد الله يعينه عليكم

لا ولد عمك عمر تحفة عاد فوزية الدريع مررة وحدة

شكرا برهومة والله لا يحرمنا منك ولا من سوالفك

[IbRaHiM.N]

مبروك برهومة على ال5 درجات

و على فوزكم بالمباراة و كمان على فوز فرنسا

يااااااااااه رجعتني لأيام الدوري بالمدرسة أحلى أيام

و أحسن شئ سويتوه إنكم فزتوا على فريق الشطااااار لا و يلعبون بالنظارات

لو إني منك يا رونالدينهو (( أقصد يا برهومة ))

من البداية أشووووووت الكورة على النظارة

ويا حظكم بمدرس الرياضيات اللي استأذن عشان ما تتمصخرون عليه

و خالد الله يعينه عليكم

لا ولد عمك عمر تحفة عاد فوزية الدريع مررة وحدة

شكرا برهومة والله لا يحرمنا منك ولا من سوالفك

لوووووووووووووووووووووووووووووووووووول
والله كانت الفكرة في بالي بس تعرف كسروا خاطري ماتسوى علي انزل للادارة علشان نظارة

يسلموووعلى المرورخيوو

[Rinku]

لوووووول

من جد يوم حافل بالمواقف المضحكة :cool3:

صدق اللي قال يوم الاربعاء سعادة

تسلم أخوي على الموضوع ^^

Rinku

[@QUEEN_MOON@]

ههههههههههههههههههههههههههههههههههههههههههههه ه


ضحكتني اخوي ابراهيم وتعجبني قصصك الرائعة
بس حبيت اسال ليش يخلونكم جي بالمدرسة ما ينازعونكم ههههههههههههه
اختك كوين مون

[ايما]

وناسة أربعاء وهكذا مو عندنا يوم كئيب حلو بحصة الكيمياء المصائب التي صارت بس تحذفون جواتي هذي قوية لو احنا البنات شفنا زهيوي جان نحشنا (من عصفور أو نحلة ننحش بس صرصور أعتقد بأنه إذا قعدنا بالصف وما تحركنا انجاز)

ايما

[IbRaHiM.N]

لوووووول

من جد يوم حافل بالمواقف المضحكة :cool3:

صدق اللي قال يوم الاربعاء سعادة

تسلم أخوي على الموضوع ^^

Rinku

الله يسلمج
اهو طول الاسبوع حافل بس الاربعاء له نكهه مميزه<< شفيه ابو المميزه
لووووووول
يسلموو على المرور

[IbRaHiM.N]

ههههههههههههههههههههههههه ههههههههههههههههههههه


ضحكتني اخوي ابراهيم وتعجبني قصصك الرائعة
بس حبيت اسال ليش يخلونكم جي بالمدرسة ما ينازعونكم ههههههههههههه
اختك كوين مون

دومز الضحكه خيتوو كوين
بس الكلمة مافهمتها ؟؟
يسلموو على المرور

[IbRaHiM.N]

وناسة أربعاء وهكذا مو عندنا يوم كئيب حلو بحصة الكيمياء المصائب التي صارت بس تحذفون جواتي هذي قوية لو احنا البنات شفنا زهيوي جان نحشنا (من عصفور أو نحلة ننحش بس صرصور أعتقد بأنه إذا قعدنا بالصف وما تحركنا انجاز)

ايما

لوووووووووووووووووووووووو وووووووووول ايه والله عاد هذي صج الصرصور مشكله عندكم لو يجيكم ديناصور يمكن ماتخافون مثل خوف من الصرصور

يسلموو على المرور

[keko]

هههههههههههههههههههههههه....

خخخخخخخخخخخخخخخخخخخخخ

ككككككككككككككككككككككككككككككك...

يوم خطيييييييييييييييير والله...تلويت من الظحك...

حنا ايامنا كلها حش وطقاق وهواش ويا الاستاذات...

يعطيك العافيه اخوي...

تحياااااااااااااااااااااااااااااااتي...

[IbRaHiM.N]

هههههههههههههههههههههههه.. ..

خخخخخخخخخخخخخخخخخخخخخ

ككككككككككككككككككككككككك كككككك...

يوم خطيييييييييييييييير والله...تلويت من الظحك...

حنا ايامنا كلها حش وطقاق وهواش ويا الاستاذات...

يعطيك العافيه اخوي...

تحياااااااااااااااااااااا اااااااااتي...

لووووووووول
دومز الضحكه خيتوو
يسلموو على المرور

[KoKoRo KuDo]

السلام عليكم ورحمة الله وبركاته

ههههههههههههههههه

والله ما في أحد مسلينا في قلم الأعضاء غيرك

مشكوووووور أخوي

من جد يوم الأربعاء من أروع الأيام

يوووووه اليوم سبت متى يجي الربوع

سلام

[IbRaHiM.N]

السلام عليكم ورحمة الله وبركاته

ههههههههههههههههه

والله ما في أحد مسلينا في قلم الأعضاء غيرك

مشكوووووور أخوي

من جد يوم الأربعاء من أروع الأيام

يوووووه اليوم سبت متى يجي الربوع

سلام

وعليكم السلام
مشكوور اخوي ايه والله اليوم السبت
باقي اربع ايام على الربووع
يسلموو على المرور

[@QUEEN_MOON@]

دومز الضحكه خيتوو كوين
بس الكلمة مافهمتها ؟؟
يسلموو على المرور

معنى كلمة ينازعونكم

يعاقبونكم على افعالكم هههههههههههههههههههه

بس في القصة ذكرت الصرصور بصراحه لو كان صرصور جدام ما بتحرك وبجلس اصرخ يالين ما ينقذوني هههههههههههههههههه :hissyfit3:

[PASTEL*]

ههههههههههههههههههههههههه


ماشاءالله يوم حافل فعلا ..

جنكم انمي مو صج ..بس امبيه شكلة حدده وناسة يا حظكم ^^

والقصة افف تموت من الضحك..كالعادة

والله يوفقك ويوفقنا اجمعين

سلام ^^

[IbRaHiM.N]

معنى كلمة ينازعونكم

يعاقبونكم على افعالكم هههههههههههههههههههه

بس في القصة ذكرت الصرصور بصراحه لو كان صرصور جدام ما بتحرك وبجلس اصرخ يالين ما ينقذوني هههههههههههههههههه :hissyfit3:

لووووووووووول
تقصدين جذي

المدرس طلع يجيب محلول واحا بالصف لحالنا
يعني لهذي الدرجة الصرصور مجرم
لوووووول
يسلموو على التوضيح

[IbRaHiM.N]

ههههههههههههههههههههههههه


ماشاءالله يوم حافل فعلا ..

جنكم انمي مو صج ..بس امبيه شكلة حدده وناسة يا حظكم ^^

والقصة افف تموت من الضحك..كالعادة

والله يوفقك ويوفقنا اجمعين

سلام ^^

امين يا رب
لوووووول انمي
ايه انمي مغبر
لوووووووول
يسلموووو سنجوبة

[the hero]

ههههههههههههههههه ^_________________^



ما شاء الله تبارك الرحمن ع سوالفك


خطييييييييييييييييييييييي يييييييييرة




بس يا خوي 6-1-1 ولا لوكسمبورغو ع أيام المربع الذهبي اكييد تتذكره مو جذي


بس تفشل استاذ الرياضيات ^___^ مسكييين ههههههه




وهل خالد اذيتوه عدل خخخخخخ



مشكووووووووووووووووور برهومي على الموضوع الخطييررر

مع السلامة :cool21: