هارونا ساكورا
كيفك اختي..ان شاء الله بخير^^
اول واحدة مو مصرية تجرب حظها^^...ضحكتني ردودك خصوصاً لما طلعت النتيجة تحت الخمسة
واهلاً بيكي دايماً في كل مواضيعي
تيمارا
كيفك يا اختي..ردودك تموت ضحك..وهاد يدل ان فيكي عرق مصري^^...امال جبتي خفة الدم منين
بس السعودي غلب عليكي..مرة تانية ان شاء الله^^
عفواً يا اختي وميرسي على مرورك نورتي الموضوع^^
eslam2006
اهلاً بيك في موضوعي مرة تانية...واضح انك مبتستخدمش القراية غير في الترفيه^^..انا شوية كده وشوية كده
وعلى فكرة انا بقرا رجل المستحيل وماوراء الطبيعة دي في التوب عندي..اما ملف المستقبل مقريتش منه غير كام رواية
نصيحة مني تقرا ما وراء الطبيعة وياريت فانتازيا كمان هتعجبك..وحتى سافاري مش بطالة وكلهم من شركة واحدة ومؤلف واحد^^..
انت لو بتابع كونان ممكن تقرا القصة اللي انا كاتباها ومثبتة في منتدى كونان..هتلاحظ تأثري بأسلوب نبيل فاروق واحمد خالد توفيق..اللي انت مبتقرالهوش..
واخويا على فكرة في هندسة عين شمس ..لو معاك يبقى اكيد يعرفك مفيهاش سؤال
شكراً على ردك الظريف
والسلام خير ختام
2ad
ازيك عاملة ايه..باين عليكي زيي لسا مشفتيش ايام الثانوية..بس ان شاء الله تعدي وتكون ايام سعيدة^^
رودك عجبتني ليكي اسلوب ظريف اوي في الكتابة
ميرسي على مرورك ..الموضوع نور
سلام