وانا والله في امس الحاجه الى استشارة الاشخاص الذين سبق لهم تجربة التخصص المناسب لهم
اممم في الحقيق انا ارغب باقسم الانجليزي علما باني جيده وبارعه في حفظ وفهم الكلمات لكن هنالك مشكله تعيق تقدمي الا وهي اسبلين (الاملاء) يا يزيد حرف يا ينقص حرف وحاسه اني ما راح التوفق فيه
لانه تنقصني هذي الميزه


مرحبا أختي ... أنا أدرس في قسم اللغة الإنجليزية فحبيت أقدم لج استشارتي >>>

إذا كنتي من النوع اللي يحفظ فهذا شي طيب وتحتاجة دراسة أي لغة بإلإضافة لمهارات ثانية

وبالنسبة للأخطاء الإملائية .... شوفي إختي مافي حد طلع من بطن أمه يعرف كل شي .... المسألة يبالها وقت ومثابرة .

فأنا مثلاً كنت أيام الثانوية أخطائي الإملائية لا تعد ولاتحصى فاللغة الإنجليزية حتى معلمة اللغة قالتلي "إنتي عندج أفكار حلوة فالكتابة بس حاولي ما تغلطين وايد فالإملاء " مش مرة ومرتين أكثر من مرة قالتلي .

بس الحمدالله كان أسلوبها مايحطم بالعكس يشجع " يزاها الله خير "

ومن دخلت الجامعة ومع الوقت ودراسة أكثر من 12 كلمة يومياً الحمدالله خفن الأخطاء بس مب المستوى المطلوب للتخصص .

بفضل من الله ومن ثم نصائح أساتذتي إني أقرأ قصص أو جرائد باللغة الإنجليزية_ لأنها تثبت إللي حفظتيه من الكلمات وبعد تتعلمين من خلالها كلمات أكثر _ الحمدالله اتحسن مستواي واااااااااااايد وخاصة الأخطاء الإملائية قامت تخف وتخف وتخف .

وبعد عليج بالكتابة تراها مفيييييييييدة واااااااااايد .

وأهم شي الإستمرار والمواضبة على كل هالأشياء مثل ما قلتلج إنه يباله وقت

وإن شاء الله تتوفقين سواء في هذا التخصص أو غيره

سامحيني على الإطالة ... إن شاء الله أكون أفدتج بشي

ودمتم