!! ايه البتاع دة !!

[lolleta]

من زمان أوي وأنا بفكر في الموضوع دة ... نفسي الاقي حل وجواب مقنع
رغم إنها حاجة مألوفة جدا عند الناس ... بس لازالت غامضة
قلت لنفسي اناقش الموضوع دة معاكو ... عسى ولعل ربنا يكرم ونوصل لحل

كلمة من اربع حروف ... بس ممكن تعبر عن عدد لا نهائي من الأشياء المختلفة
حاجة تحير الحقيقة 3 ... بس واقع

عنوان الموضوع يمكن يوحي لكم بالفكرة ...( إيه البتاع دة )
يا ترى أول ما قراتو الموضوع ... إيه أول حاجة فكرتوا فيها؟
العنوان مبهم اكيد لان في كلمة غريبة ... كلنا عارفينها طبعا بس مبهمة
(بتاع)

رغم ان ال التعريف داخلة عليها .. تبقى نكرة.. استحالة نفهم المقصود منها لو لم
تكن هناك بعض الاشارات
طيب السؤال هنا ... ايه اللي جعل للكلمة دي اهمية واستخدام متداول
ايه الحكمة من استخدامها بكثرة في الوقت الراهن؟؟؟

والله انا لما بتكلم مع غير المصريين واستخدمها قصدا
علشان حد يعلق عليها او يسالني عن معناها
بالعكس تماما ... بلاقي تجاوب واندماج عااااااااادي جدا... كأن لها اصل في اللغة

والعجيب .. انكم ممكن تستخدموها كإسم ...
مثال .. ممكن تديني لو سمحت البتاع دة ؟
وممكن نستخدمها كضمير ملكية ...
مثال .. القلم دة بتاعي

والخوف ان تستخدم كفعل في المستقبل .. اظن هتكون صعبة جدا
تعالو نتخيل مثال كدة ...( انت هتبتع امتى لاميركا )
تفرض ان في الاصل ..( انت هتسافر امتى لاميركا )
والله ممكن تحصل ,, مش غريبة على الجيل دة

اتخيل معايا لو انت واقف في الشارع او قاعد مستني حد.. وفجاة سمعت اتنين
وراك بيتكلمو .. انت مديهم ضهرك ... شوف الحوار دة وقولي اذا فهمت حاجة

الاول : ايه يا عم البتاع اللي انت شايلو دة
التاني : ههههه عجبك
الاول : دة روعة بصراحة .. من فين جبتو
التاني : من البتاع اللي في اخر الشارع
الاول : طيب تعالى معايا اجيب زيو
التاني : استنى ....... معاك البتاع بتاعتك
الاول : اه .. انا دايما شايلها في المحفظة
التاني : اه اصل مش هيدخلونا الا بيها

طبعا لا انت عارف ايه اللي شايلو .. ولا جابو منين .. ولا عارف ايه البتاعة اللي
صاحبه بيشلها في المحفظة.. يعني تقريبا فاهم 20 % من الحوار

ان واحد فيهم اشترى حاجة جديدة وصاحبه اعجب بيها وعايز يشتري زيها.. بس
لكن اكيد اللي بيتكلمو مع بعض فاهمين بعض اكتر .. بسبب الاشارات

والله حاجة تجن .. مش كفايه بنحرف اللغة العربية ونكسِر اللي عايزين نكسِره
ونفتح اللي الضمةمش لايقة عليه !!!
كمااااااااان .. بنضيف للغة كلمات غريبة ملهاش اصل ولا ملامح
وكأن الكلمات العربية خلصت ومش لاقين كلام نتكلموا
وياريتها جت على كلمة ( بتاع ) .. لاااا .. دة كان اقرب مثال
لكن في مئات والاف الكلمات الدخيلة على اللغة .. لحد ما شوهوها

وبلا فخر .. اعتر ف ان اللهجة المصرية تحتوي على كم كبير
من تلك الكلمات .... بس هنعمل ايه

واحزن اكتر على حال اللغة في المغرب والجزائر ...
بتعب جدا في استيعابهم

لا ... اللغة العصرية دلوقتي هي لغة ( العربيزي)
يعني نص عربي ونص انجليزي .... والله حرام اللي بنعملو في اللغة العربية
.. يعني لو حد عايز يتمنظر .. يتكلم كلو انجليزي او فرنساوي او الماني او او
لكن ميجيش على حساب اللغة العربية

وياريت لما تكون وسط عرب .. افتخر ان انت عربي .. واتكلم بعلو الصوت
و في اماكن تانية بالمقابل تقدر تستعرض فيها ثقافتك الجامدة

[center]

ارجع للسوال اللي سالتو في البدايه

طيب السؤال هنا ... ايه اللي جعل للكلمة دي اهمية واستخدام متداول
ايه الحكمة من استخدامها بكثرة في الوقت الراهن؟؟؟

واعمم في النهاية .. على كل الكلمات السخيفة اللي بنستخدمها
في حياتنا اليومية ... مش بس بتاع
الجواب


ان احنا حسينا فجاة ان اللغة العربية اصبحت ضعيفة وقديمة
وملهاش مكان الزمن دة

والحقيقة طبعا مش كدة .. اللغة العربية اجمل لغة
والباقية والمحفوظة الى قيام الساعة بين صفحات القران الكريم
واحنا .. احنا .. بلهجاتنا المتعددة والمتلخبطة
اديناها الوضع دة

انا متضايقة جدا ان اصبح في عدة لهجات وكلها بتنتسب للغة العربية
لو كلنا كنا بنتكلم لغة عربية فصحى ..
اكيد كنا هنبقى اكتر ترابط واكتر وحدة .. مش كدة

لكن نحاول برضو قد ما نقدر .. ان احنا نفتخر بلغتنا الجميلة
ويكون كلامنا .... مش هقول فصيح .... لكن يكون مفهوم على الاقل
وبلاش من ( بتاع واخواتها )

اسفة اني استخدمت المصرية .. لكن لمناسبة المقام
مع اني والله مقصدتش بكلامي المصريين بس ....
انما معظم الناس دلوقتي تتبرا منهم العربية
فلو انت / انتِ منهم ... راجعو نفسكو .... قصدي كلامكو

اسفة ايضا للاطالة .... ويارب ما تكونو مليتو

[/CENTER]

[AL-Samurai]

بحبك يامصر, البيت بيتك

مشكورة اختي ودائما نفضل استخدام لغتنا الام فهي الكامله + الأصلح + الاكثر تعبيرا لما تريدين قوله.

لغتنا العامه مكسره ومترهمه, هذا الواقع

تحيتي

[molan1]

وعليكم السلام خيتو^_^ الموضوع مرة غرييب هههههه لكن حلو
اوكى نبدأ بالتعليق0

عنوان الموضوع يمكن يوحي لكم بالفكرة ...( إيه البتاع دة )
يا ترى أول ما قراتو الموضوع ... إيه أول حاجة فكرتوا فيها؟

اممممم استغربت من الموضوع بس قلت يمكن بتتكلمي فيه عن حاجة من الحاجات هههههههه

العنوان مبهم اكيد لان في كلمة غريبة ... كلنا عارفينها طبعا بس مبهمة
(بتاع)

والله انا لما بتكلم مع غير المصريين واستخدمها قصدا
علشان حد يعلق عليها او يسالني عن معناها
بالعكس تماما ... بلاقي تجاوب واندماج عااااااااادي جدا... كأن لها اصل في اللغة

هي اصبحت معروفة ومفهومة تقريبا هي استخدمت بدل كلمة(شئ) باللغة العربية وبرضو
بتعبر عن عدد لا نهائ من الحاجات 0

(متعلقيش على كلمة برضولانها بدل كلمة ايضا خخخخخخخخ)

والعجيب .. انكم ممكن تستخدموها كإسم ...
مثال .. ممكن تديني لو سمحت البتاع دة ؟
وممكن نستخدمها كضمير ملكية ...
مثال .. القلم دة بتاعي

والخوف ان تستخدم كفعل في المستقبل .. اظن هتكون صعبة جدا
تعالو نتخيل مثال كدة ...( انت هتبتع امتى لاميركا )
تفرض ان في الاصل ..( انت هتسافر امتى لاميركا )
والله ممكن تحصل ,, مش غريبة على الجيل دة

ههههههههههه موت من الضحك (هتبتع امتى لأمريكا )

لكن استحالة تستخدم كفعل يعبرعن كل الأفعال والا هتبقى الجملة كلها بتاع

(مثلا: انت بتعت البتاع اللى انا بتعتهولك؟)
(الأصل: انت أخدت الشئ اللى انا جبتهولك؟)

ستكون نهاية الكلام وابدأ لغة الاشارات ههههههههههه

اتخيل معايا لو انت واقف في الشارع او قاعد مستني حد.. وفجاة سمعت اتنين
وراك بيتكلمو .. انت مديهم ضهرك ... شوف الحوار دة وقولي اذا فهمت حاجة

الاول : ايه يا عم البتاع اللي انت شايلو دة
التاني : ههههه عجبك
الاول : دة روعة بصراحة .. من فين جبتو
التاني : من البتاع اللي في اخر الشارع
الاول : طيب تعالى معايا اجيب زيو
التاني : استنى ....... معاك البتاعة بتاعتك
الاول : اه .. انا دايما شايلها في المحفظة
التاني : اه اصل مش هيدخلونا الا بيها

طبعا لا انت عارف ايه اللي شايلو .. ولا جابو منين .. ولا عارف ايه البتاعة اللي
صاحبه بيشلها في المحفظة.. يعني تقريبا فاهم 20 % من الحوار

ان واحد فيهم اشترى حاجة جديدة وصاحبه اعجب بيها وعايز يشتري زيها.. بس
لكن اكيد اللي بيتكلمو مع بعض فاهمين بعض اكتر .. بسبب الاشارات

ههههههههههههههه مت ضحك على الحوار اوكى اترجملك :
1- ايه ياعم اللابتوب الى انت شايلوه ده؟
2-ههههه ده عجبك
1- ده روعة بصراحة ..من فين جيتو؟
2- من المحل اللى في آخر الشارع
1- طيب تعال معايا اجيب زيه
2- استنى معاك البطاقة بتاعتك(ممكن نسيب بتاعتك او نحط بدالها )معاك بطاقتك
.
.
.... الخ هههههههه حلو الترجة ترجمت على مزاجى كل واحد يترجم حسب اللى هو عايزة ههههههه

والله حاجة تجن .. مش كفايه بنحرف اللغة العربية ونكسِر اللي عايزين نكسِره
ونفتح اللي الضمةمش لايقة عليه !!!
كمااااااااان .. بنضيف للغة كلمات غريبة ملهاش اصل ولا ملامح
وكأن الكلمات العربية خلصت ومش لاقين كلام نتكلموا
وياريتها جت على كلمة ( بتاع ) .. لاااا .. دة كان اقرب مثال
لكن في مئات والاف الكلمات الدخيلة على اللغة .. لحد ما شوهوها

وبلا فخر .. اعتر ف ان اللهجة المصرية تحتوي على كم كبير
من تلك الكلمات .... بس هنعمل ايه

واحزن اكتر على حال اللغة في المغرب والجزائر ...
بتعب جدا في استيعابهم

حاليا تعتبر كل اللهجات العامية للعرب كلمات دخيله على اللغة العربية ..

لا ... اللغة العصرية دلوقتي هي لغة ( العربيزي)
يعني نص عربي ونص انجليزي .... والله حرام اللي بنعملو في اللغة العربية
.. يعني لو حد عايز يتمنظر .. يتكلم كلو انجليزي او فرنساوي او الماني او او
لكن ميجيش على حساب اللغة العربية

وفي على فكرة (العرفنسى)نص عربي نص فرنسي
وقريبا هيكون فيه (العرمانى) نص عربي نص المانى هههههههههه

ارجع للسوال اللي سالتو في البدايه

الجواب


ان احنا حسينا فجاة ان اللغة العربية اصبحت ضعيفة وقديمة
وملهاش مكان الزمن دة

والحقيقة طبعا مش كدة .. اللغة العربية اجمل لغة
والباقية والمحفوظة الى قيام الساعة بين صفحات القران الكريم
واحنا .. احنا .. بلهجاتنا المتعددة والمتلخبطة
اديناها الوضع دة


انا بصراحة بسأل نفسي السؤال ده من زمان بس مختلف عن سؤالك شوية هههههه
(مين بالضبط اللى الف اللهجات العامية ؟ مو كلنا في الاول كنا نتكلم عربية فصيحة)

اسفة اني استخدمت المصرية .. لكن لمناسبة المقام
مع اني والله مقصدتش بكلامي المصريين بس ....
انما معظم الناس دلوقتي تتبرا منهم العربية
فلو انت / انتِ منهم ... راجعو نفسكو .... قصدي كلامكو

اسفة ايضا للاطالة .... ويارب ما تكونو مليتو

بصراحة احس انو صعب شوي لانو كل كلامنا تقريبا محرف وتعودنا عليه فالتغيير هيكون صعب
ولكن لنحاول0

بالنهاية بقولك تسلم ايدك يا عسل عالبتاع الرووووعة دههههههههههه

[lolleta]

هي اصبحت معروفة ومفهومة تقريبا هي استخدمت بدل كلمة(شئ) باللغة العربية وبرضو

بتعبر عن عدد لا نهائ من الحاجات 0

(متعلقيش على كلمة برضولانها بدل كلمة ايضا خخخخخخخخ)

برضو .... ليها موضوع مستقل بذاته ... ههههه

لكن استحالة تستخدم كفعل يعبرعن كل الأفعال والا هتبقى الجملة كلها بتاع

(مثلا: انت بتعت البتاع اللى انا بتعتهولك؟)
(الأصل: انت أخدت الشئ اللى انا جبتهولك؟)

مثال جااااامد ... شوفي .. انتي يا اما مصرية
او امك مصرية ... او كل صحباتك مصريات
لان اللهجة متاصلة ما شاء الله

ههههههههههههههه مت ضحك على الحوار اوكى اترجملك :

1- ايه ياعم اللابتوب الى انت شايلوه ده؟
2-ههههه ده عجبك
1- ده روعة بصراحة ..من فين جيتو؟
2- من المحل اللى في آخر الشارع
1- طيب تعال معايا اجيب زيه
2- استنى معاك البطاقة بتاعتك(ممكن نسيب بتاعتك او نحط بدالها )معاك بطاقتك
.
.... الخ هههههههه حلو الترجة ترجمت على زاجى كل واحد يترجم حسب اللى هو عايزة ههههههه

لا تعليق

في على فكرة (العرفنسى)نص عربي نص فرنسي

وقريبا هيكون فيه (العرمانى) نص عربي نص المانى هههههههههه

والله ما نستبعد حاجة على الزمن دة .. حاجة تضحك بس تؤلم

بالنهاية بقولك تسلم ايدك يا عسل عالبتاع الرووووعة دههههههههههه

بتاع تاااااااااااااااني ... ههههه .. هسكت بس علشان تدعمي الموضوع

اشكرك بصراحة على المرور اللطيف
في امان الله

[Dek2on]

ارجع للسوال اللي سالتو في البدايه

واعمم في النهاية .. على كل الكلمات السخيفة اللي بنستخدمها
في حياتنا اليومية ... مش بس بتاع
الجواب


ان احنا حسينا فجاة ان اللغة العربية اصبحت ضعيفة وقديمة
وملهاش مكان الزمن دة

والحقيقة طبعا مش كدة .. اللغة العربية اجمل لغة
والباقية والمحفوظة الى قيام الساعة بين صفحات القران الكريم
واحنا .. احنا .. بلهجاتنا المتعددة والمتلخبطة
اديناها الوضع دة

انا متضايقة جدا ان اصبح في عدة لهجات وكلها بتنتسب للغة العربية
لو كلنا كنا بنتكلم لغة عربية فصحى ..
اكيد كنا هنبقى اكتر ترابط واكتر وحدة .. مش كدة

لكن نحاول برضو قد ما نقدر .. ان احنا نفتخر بلغتنا الجميلة
ويكون كلامنا .... مش هقول فصيح .... لكن يكون مفهوم على الاقل
وبلاش من ( بتاع واخواتها )

اسفة اني استخدمت المصرية .. لكن لمناسبة المقام
مع اني والله مقصدتش بكلامي المصريين بس ....
انما معظم الناس دلوقتي تتبرا منهم العربية
فلو انت / انتِ منهم ... راجعو نفسكو .... قصدي كلامكو

اسفة ايضا للاطالة .... ويارب ما تكونو مليتو

اصبح البشر يضحكون عندما تتكلم معهم باللغة الفصحى ...

ثانيا :- حلوة هاي اللغة العربيزي نص عربي نص انجليزي

اول مرة بسمع هيك كلمة

وهناك الكثير يتكلمون نص عربي نص انجليزي

{ أنا منهم }

وفي سردك للموضوع سأبتعد عن اللغة العربيزي

وأقترب الى اللغة العامية العربية ...

موضوع ليس ممل بتاتا فقد استمتعت في القراءة

بأنتظار الجديد دوما

[kaito kodo]

وعليكم السلام روحمه الله وبركاته
أستغربت كثيرا من العنوان ولم أتوقع أن اراه فى حياتى فى مسومس
ولكن أعجبنى الموضوع كثيرا وفكرته عن تغيير اللغه العربيه الى عده لغات
خصوصا فى مصر اصبحت اللغات بين الشباب غريبه جدا ومبتكره لدرجه انى
غصب عنى اصبحت اتكلم مثلهم ولا اعرف كيف حدث هذا ....
المهم اشكرك على الموضوع الجميل واتمنى ان تعود اللغه كما كانت
وشكرا لكى ....

[Hajime-san]

السلام على مبدعتنا "lolleta"
ارى ان هذا الموضوع مميز بالفعل
كما لا انكر انني لم استوعب كثيرا و لكن الحمد لله انني فهمت المقصود
الحفاظ على اللغة ...امر رائع بتوليك هذه الجوانب و دراستها و الحث على الاصلاح...واااو
كل ما لدي قوله هو وفقك الله و حفظك لتنهي مابدأته
فائق تحياتي و احترامي

[RaNeEeM]

إيه ده؟
دائما أسمعها وأفهم المعنى أما التفسير الحقيقي لاأعرف ماهو!
ربما يعتمد على الإشارات!
ع كلِ شكرا للبتاع ده

[Kushina Sama]

ـههههههههههههههـ موضوع قمة الروعة و الفكاهة ||بـ النسبه لي||

لو تكلمنا بـ اللغة العربية الفصحه بتريقوا علينا و يسوا فلم امريكي و هندي و تكروني ..

مثلا شوفوا الفرق

||ايتها الفتاة تعالي الى هنا||

بـ اللغة العامية ..

||يا بنت امشي هنا !!||

و حقا موضوع رآئع جدا بأنتظار مواضيعك ..^^..

[lolleta]

- lolo katy - dek2on - kaito kodo - hajmi sun - Raneem
شكرا على المرور اللطيف .... اتوقعت ان الموضوع غريب ومحدش هيفهم
قصدي ولا هيردو ... بس الظاهر العكس

hajimi san
ليس المبدع فقط من يصنع الابداع
ولكن كل من رأى انه مبدع
اعلم انه كان من الصعب استيعاب لهجتي المصرية بالنسبة لك خصيصا
ولكنك فعلا مبدع وذكي .. لانك فهمت قصدي وفكرتي الاساسية
اشكرك جزيل الشكر

والشكر موصول لكل من بعث يتلك الكلمة العذبة ( شكرا)
AL-Samurai, black fox, , molan1, Nihon, رسيل2009

وايضا لكل من قرا الموضوع وابتسم ولكن لم يسعفه الوقت للرد
او الشكر .....
اشعر باريحية اكثر وانا اتكلم الفصحى... لا حرمنا الله عذوبتها على السنتنا

[HuNtErXH]

أنا أعتقد أن هذه اللغة المخربطة الجديدة أو بالأحرى كلمة (بتاع) جات بسبب التمثيليات والمسلسلات المصرية علاوة على ذلك (الاندماج) .. لكن لا مانع أن الشخص يتكلم بلغات الآخرين معهم فقط (كل شخص بلغته ) ... وأما عن اللغة العربية ( الفصحى ).. فإن الناس قد أهمتها ...
وشكرا .. على الموضوع ... بصراحة يوم قرأت عنوان الموضوع في البداية استغربت جدا .. والآن عرفت المقصور .. فلقد كان عنوانه موفق جدا علاوة على الأسلوب الرائع ..

[Do Ri Me]

و عليكم السلام و رحمة الله تعالى و بركاته
لك أهلين و سهلين بالعسولة
إزيك يا بت انتي ؟؟؟

بتاع هههههههههه ده هاااايلة اوي اوي اوي
طب اصدمك ... دي بقت حاجة دارجة هنا اوي اوي اوي و هناك من مثيلاتها الكثير
بس بالاحظ شي مهم عند استعمال هاللفظ ( مانها كلمة بنوب )
انو البتاع لازم يكون ظاهر عند الاتنين اللي بتكلموا عن البتاتيع ( جمع بتاع ههههه )يعني التنين شايفينو

اممممم الموضوع لزيز بجد
و عنوانه جذبني
و سامحينا استعملت العااامي اوي اوي اوي منشان رونشة الموضوع
سي يا ^^

[kyto kid]

وعليكم السلام ورحمة الله وبركاته 0

موضوع جميل صراحة ههههههه وعجبني الشرح التفصيلي للبتاع وتوضيح مختلف معانيه

عادي وبيحص موقف من تصنيف بتاع :قبل كده واحد صاحبي بيوقلي:اوعي تكون نسيت البتاع ؟^____^ طبعا المفروض ابقي عبقري واستنتج ماهو البتاع الذي يقصده وعندما لم افهم ما الشي المحدد الذي يوصف بالبتاع كررها مرة اخري كأني غبي وقال البتاع ياكايتو ..طبعا كان بيعاملني علي اساس ان انا تاجر مخدرات ودي كلمة السر للبضاعة ^_^

بس عندك حق في نقطة انحطاط اللغة هي منحطة طبيعي ^_^ فلاداعي لأستخدام البتاع ^_^ ..اعتقد ان كلمة البتاع تدخل موسوعة جينس او اللهجة المصرية عموما موسوعة جينس للكلمات التأليفية بس لهجة مسلية شوية اللهجة المصري ^__^

اسفة ايضا للاطالة .... ويارب ما تكونو مليتو

نو بروبليييييييييييييييييييي يييييييييم

في امان الله

[Hajime-san]

hajimi san
ليس المبدع فقط من يصنع الابداع
ولكن كل من رأى انه مبدع
اعلم انه كان من الصعب استيعاب لهجتي المصرية بالنسبة لك خصيصا
ولكنك فعلا مبدع وذكي .. لانك فهمت قصدي وفكرتي الاساسية
اشكرك جزيل الشكر

العفو اختي ...و اشكرك و احييك بدوري على ردك الجميل

اشعر باريحية اكثر وانا اتكلم الفصحى... لا حرمنا الله عذوبتها على السنتنا

الحمد الله انها تريحك..تصدقين لو قلت لك انه من كثرة استعمالي للعربية هنا اصبحت انسى لغتي ... امر عجيب ههه
و لكن جيد..و كما تفضلت في موضوعك بانها لغة القرآن الكريم .
thanks again ...see u

[lolleta]

و عليكم السلام و رحمة الله تعالى و بركاته
لك أهلين و سهلين بالعسولة
إزيك يا بت انتي ؟؟؟

اهلا .... ميييييين .. دروميفا
وانا اققول الدنيا مالها منعنشه ليه
اهلين فيكي انتي يا قمر ... انا تمام بعد شوفتك

اممممم الموضوع لزيز بجد
و عنوانه جذبني
و سامحينا استعملت العااامي اوي اوي اوي منشان رونشة الموضوع

انت اللي لزيز يا عم .. واخر رونشة
تسلمي على المرور

موضوع جميل صراحة ههههههه وعجبني الشرح التفصيلي للبتاع وتوضيح مختلف معانيه

عادي وبيحص موقف من تصنيف بتاع :قبل كده واحد صاحبي بيوقلي:اوعي تكون نسيت البتاع ؟^____^ طبعا المفروض ابقي عبقري واستنتج ماهو البتاع الذي يقصده وعندما لم افهم ما الشي المحدد الذي يوصف بالبتاع كررها مرة اخري كأني غبي وقال البتاع ياكايتو ..طبعا كان بيعاملني علي اساس ان انا تاجر مخدرات ودي كلمة السر للبضاعة ^_^

مين هنا تاني ... لا لا مش معقول .. كايتو الروش
والله انا من ومان انا كنت حاسة ان انت مصري
ودلوقتي باسلوب كلامك اكدلي حدسي
بس يا ريت بقى تحط الدولة مصر علشان الواحد يحس بالانتماء
بالنسبة للموقف الجامد دة ... بيحصل كتيييييييير
بس بيبقى اصعب لو في التلفون
دة انا ياما شفت .... هو انا كتبت الموضوع من شوية

بس عندك حق في نقطة انحطاط اللغة هي منحطة طبيعي ^_^ فلاداعي لأستخدام البتاع ^_^ ..اعتقد ان كلمة البتاع تدخل موسوعة جينس او اللهجة المصرية عموما موسوعة جينس للكلمات التأليفية بس لهجة مسلية شوية اللهجة المصري ^__^

لهجة مسلية وبس... دة انا والله سعات بقعد اضحك على الكلام اللي بنقولو
فما بالك بالغرباء
بيقولك .. اللغة العربية راحت مصر دلعتها وراحت المغرب كسرتها
وراحت الجزائر موتتها.. عايز ايه اكتر من كدة

على كل .. اشكرك جدا على الحضور المميز كاالعادة

[dr-anime]

... بسم الله الرحمن الرحيم ...
... السلام عليكم ورحمة الله وبركاته ..
.. هـهـهـهـهـهـهـهـهـهـهـهـه ـهـهـهـهـ ...
.. إستمتعت حقا بالموضوع القميل قدا ..
.. في الحقيقه ليس اللغه المصريه الوحيده التي فيها هذه الكلمات الفسكيلوجيه ..
.. هـهـهـهـ عندنا في السعوديه كلمات .. عجبٌ عجاب ..
.. أسمعها وأقول من وين جايه هذي .. مالها دخل عربي ولا إنجليزي ولا إستكولندي حتى XDD ..
.. ومثال لهذه الكلمات >> لا تستغربوا << ...
.. كلمة ( مهايط ) : معناها : الشخص اللي مسوي قوي وأي واحد يشويه يصفقه XDD ...
.. والكثير الكثر لكن هذه مره أنا مستغرب منها ^^...
.. شكرا على الموضوع ..

[ღQuiet Ladyღ]

واااااااو كلااام جميل جدا جدا

وانا من رايي انا نضم كلمة بتاع لقاموس اللغه العربيه

فكره نيره ههههه

يسلمووو ياعسل موضوع مميز عن جد

تقبلي مروري بكل ود

$رووبين$

[kyto kid]

مين هنا تاني ... لا لا مش معقول .. كايتو الروش
والله انا من ومان انا كنت حاسة ان انت مصري
ودلوقتي باسلوب كلامك اكدلي حدسي
بس يا ريت بقى تحط الدولة مصر علشان الواحد يحس بالانتماء
بالنسبة للموقف الجامد دة ... بيحصل كتيييييييير
بس بيبقى اصعب لو في التلفون
دة انا ياما شفت .... هو انا كتبت الموضوع من شوية

هههههه دايما بتفضح لما اتكلم في اي موضوع بلغة عربية .والدولة انا سبتها مجهولة ليس كرها في مصر ولكن علي سبيل المرح ^__^ مثلا انا دايما اغير الدولة بس ليس لدولة شهيرة ولكن دول اسماءها غريبة والأن انا فيتنام ^^

لهجة مسلية وبس... دة انا والله سعات بقعد اضحك على الكلام اللي بنقولو
فما بالك بالغرباء
بيقولك .. اللغة العربية راحت مصر دلعتها وراحت المغرب كسرتها
وراحت الجزائر موتتها.. عايز ايه اكتر من كدة

على كل .. اشكرك جدا على الحضور المميز كاالعادة

هههههه عجبتني اخر مقولة مصر دلعتها والمغرب كسرتها والجزائر موتتها بس كويس ان مصر دلعتها
بس الشعب المصري شعب اصيل لو لاحظتي لأن هو اكتر شعب تم احتلاله من دول اجنبية مختلفة بالذات انجلترا 70 سنة صح ؟^_^ ومع ذلك انتي تمشي في الشارع عمرك ما تلاقي واحد مثلا يقول hi Lolleta how are you ?xd

[Nana San]

وعليـــكمـ السلامـ ورحمــة الله وبركاتهـ ,,

أزيك يا لوليتا ؟! .. إن شاء الله تمــاآمـ ..
<- كنا بنشتريها زمــان من عند الدادا " أم محمد " .. ياآآه كانت أيام .. ربنا يمسيها بالخيــر
كانت تلفهــا في بتــاع << لهجتنا وليست لغتنـــا ..

أخيراً موضوع نُحس فيه بالإنتمــاء , وعدم الرغبــة في تقمص اللهجــات الخليجية ..
اممم ولو إن طبقاً لكلامكـ إن إحنا مفروض نتكلــم فُصحى .. لكان من الأفضــل لو كان المــوضوع " فُصحى " ..
قبل ما نبدأ في أي رغي .. حبيت الـ مـوضوع جداً ..

كانت في عبارات إستهزائية مثل " نفتح اللي الضمة مش لايقة عليه !! " ..
<- الآنسة من عُشاق الأدب الساخــر ..

نيجي لكــلمة " بتاع " ..
في عندنا ملايين الكلمـــات زيهــا .. [خصوصاً] إحنا الإسكندرانيــة ..
لو تشوفي كم الكلام الي عندنا ؟! .. في منه لأصل إنجليزي .. إحنا حرفناه , وعملنــا لهجتنا الخاصة ..

محدش بينسب دا للعربي أبداً , لأنه وبالفُصحى " لا يبتُ له بصلة " ..
دي إسمها مُجرد لهجة !! ..
كلنا بنتكلم بيها , بس لما نفتح موضوع أو كدا , بنستخدم الفُصحى ..

لكن قوليلي , هتروحي تكلمي , ست عجوزة قاعدة في الشارع بتبيع طماطم وخضار لا بيها ولا عليها
وتقوليلها " السلام عليكِ ورحمة الله وبركاته ,هل أجد عندكِ حاجتي ؟! أريد .. إلخ "
قصدي أنه مش هينفع تواصل مع الناس .. ومعاكِ برضوا أنها لغة القرآن .. بس لا الوضع ولا الإمكانيات تسمح بيها

إستخدام آخر لكلمة " بتاع " ..
كنت أنا وصديقاتي في بعض الأحيان التي لا يحضر فيها العقــل .. كنا بنادي بعض
" يا بتاعة !! " ..

أكيد بحب أتكلم فُصحى ودا الشيء الي بحبه هنا , لكنا بحبها كتابياً
لأني ببساطة لو اتكلمت بيها في وسط الناس يبقى بدأ برنامج " اضحكوا ع المُهرجه " ..
للأسف المفروض أنو أحنا نتعايش مع الوضع ..

أما عن السبب أني قلتلك أنك تتكلمي فصحى في الموضوع رغم أن المادة كانت أقرب للمصري
هو أن في ناس مش هتفهم حاجة من لهجتــك ..
شكراً ع الموضوع الكـــول .. والله لا يحرمنــا منكـ ..

<<< بالمناسبة أنا ساعات لما برد على تصاميم [وهذا نادر]
أقول تصميم نايس , أو كيوت , أو .. <<- عربيزي ..

في أمـــــان الله

[lolleta]

أزيك يا لوليتا ؟! .. إن شاء الله تمــاآمـ ..
<- كنا بنشتريها زمــان من عند الدادا " أم محمد " .. ياآآه كانت أيام .. ربنا يمسيها بالخيــر
كانت تلفهــا في بتــاع << لهجتنا وليست لغتنـــا ..

اهلا نانا .. منورة والله
هي ايه بالزبط بقى اللي كانت الدادة بتلفها ... مش توضحي كلامك .. ههه
مثال حلو يدعم الموضوع

أخيراً موضوع نُحس فيه بالإنتمــاء , وعدم الرغبــة في تقمص اللهجــات الخليجية ..
اممم ولو إن طبقاً لكلامكـ إن إحنا مفروض نتكلــم فُصحى .. لكان من الأفضــل لو كان المــوضوع " فُصحى " ..
قبل ما نبدأ في أي رغي .. حبيت الـ مـوضوع جداً

منا كتبتو بالمصري علشان الانتماء دة
كنت عايزة اجمع اكبر عدد من المصريين .. بس ملقتش غيرك انتي وكايتو

نيجي لكــلمة " بتاع "

..
في عندنا ملايين الكلمـــات زيهــا .. [خصوصاً] إحنا الإسكندرانيــة ..
لو تشوفي كم الكلام الي عندنا ؟! .. في منه لأصل إنجليزي .. إحنا حرفناه , وعملنــا لهجتنا الخاصة ..

الاسكندرانية .. ههه ههه عايزة ايه اكتر من ان المفرد حطينالوا واو الجمع
انا هنروحوا انتى ... لا تعليق

لكن قوليلي , هتروحي تكلمي , ست عجوزة قاعدة في الشارع بتبيع طماطم وخضار لا بيها ولا عليها
وتقوليلها " السلام عليكِ ورحمة الله وبركاته ,هل أجد عندكِ حاجتي ؟! أريد .. إلخ "
قصدي أنه مش هينفع تواصل مع الناس .. ومعاكِ برضوا أنها لغة القرآن .. بس لا الوضع ولا الإمكانيات تسمح بيها

مهوا الحال دة اللي صعبان عليا
منقدرش نستخدم العربية الا على الورق .. وفي مناسبات مخصصة

إستخدام آخر لكلمة " بتاع "

..
كنت أنا وصديقاتي في بعض الأحيان التي لا يحضر فيها العقــل .. كنا بنادي بعض
" يا بتاعة !!

ههههههه ... مش بقوولك بتاع دي بقى ليها شعبية جامدة جدا
في اي وقت ولاي حاجة ممكن تستخدميها

أما عن السبب أني قلتلك أنك تتكلمي فصحى في الموضوع رغم أن المادة كانت أقرب للمصري
هو أن في ناس مش هتفهم حاجة من لهجتــك ..

اها فعلا الموضوع اول ما حطيتو مكنش في ردود .. الناس مش مستوعبة من اللهجة

شكراً ع الموضوع الكـــول .. والله لا يحرمنــا منكـ ..

انت اللي كووووول والله .. شكرا يا عسل على الحضورالمميز

بالمناسبة أنا ساعات لما برد على تصاميم [وهذا نادر]
أقول تصميم نايس , أو كيوت , أو .. <<- عربيزي ..

جاري الفهم .. XD