يا عيال...ترى الإمتحانات على الأبواب..

[.ll.Miss Me.ll.]

شحالكم ياجماعه..عساكم إلا بخير؟؟!

من خلال سنوات دراستي إلي ماأخذه ثلاثة أربع عمري(أخاف أموت وانا بعدني ماخلصت..يالله حسن الخاتمه:nosweat: )..اكتشفت شي يدل على قرب الإمتحانات كل سنه ..

إذا زااد معدل النوم...معناته انه الإمتحانات على الأبواب...
إذا زاد معدل الوجبات الرئيسة في اليوم من 3 إلى 5 والوجبات الفرعية إلى عشرطعش..معناته الإمتحانات على الأبواب..
إذا شفت الطالب (الولد) طالع من غرفتة والمأذن توه يقول "الله وأكبر"..معناته انه الإمتحانات على الأبواب..
ولا ويوم تسأله ياولد وين رايح..الإذان بعده ماخلص
يقولك والله رايح ألحق على الصف الأول >>> لاعبنها صح خخخخ
وإذا انتشر المرض..وازدحمت العيادات والمستشفيات..معناته الإمتحانات على الأبواب..
إذا انقطعت الكهربا بإستمرار..معناته الإمتحانات على الأبواب..
ويوم يتلاقى طالب الجامعه مع طالب المدرسه>> تستوي حرب داحس والغبراء
طالب الجامعة: شو تسوي روح ادرس
طالب المدرسة: ياأخي أخذ بريك..عندك مانع..اشمعنا انا ادرس..روح انت بعد ادرس..ما عليك امتحان؟
طالب الجامعة: والله عاد أنا في الجامعة وإمتحانات شهر 6 والمواد سهله (مايعرف المساقات وصعوبتها إلا إلي يدرسها)
طالب المدرسة: انزين أحين بسير..اوف متى بخلص المدرسة
....
ماقول غير حظ إلي يشتغل وعقبالنا
....
عااد كله كوم وإلا عندهم طالب ثانوية عامة كوم ثاني..خصوصاً من النظام القديم (يمتحن الكتاب كامل)
تعلن حالة الطواري والتأهب القصوى ومنع التجول في البيت
وتهريب الكبار وأسر الأطفال ووضع كاتم الصوت


وفي النهاية الراحة النفسية بعد إستلام النتايج ولكل مجتهد نصيب..في الناجح وفي الراسب وفي الناجح بدرجة وفي المتوسط..
وبالنسبة لنتايج الثانوية العامة..يستوي عرس لين مايحصل الطالب النتيجة
وإلي عنده واسطة يحصل النسبة قبل بليلة (تزرب الواسطه شو بتزل)
والله أيام اشتقت لها لكن ماأريد أعيدها..وصلتني النتيجة بمسج وأنا توني واعية من الرقاد >> شفتوا العز خخخخ الحمدالله والله كان نعمه المسج إلي ياني

امممم اكيد اتقولون هذا مب مكان الموضوع..لكن أقولكم إلا هذا مكانه ونص..ويايبتلكم شوية تصاميم
بس صبرو شوي وحبيت آخذ رايكم في شي
مثل مب انتوا عارفين..اسمي في التصميم Miss Me وفي المنتدى خوواتي
فكرت اني أغير اسمي من خوواتي إلا Miss Me لاني تعبت الصراحه من كثر ماأوضح وكثر الأسماء
فا شورايكم؟؟ اغير خوواتي إلا Miss Me وإلا لا؟؟!


وجاء الوقت للتصاميم

أولاً تصاميم بسيطة فيها ادعية بتنفعكم












ثانياً..تصاميم من نوع آخر

التصميم الأول
" طلب العلا "

عدد الليرز
"17"

الصور
1 + 3 خامات
هنا


الوقت
"ساعة تقريباً"





التصميم الثاني
"وقل ربي زدني علما"

عدد الليرز
"14"

الصور
"1"
هنا

الوقت
"ساعتين"





التصميم الثالث
"مر التعلم ولا ذل الجهل"


عدد الليرز
"26"

الصور
"1"
هنا

الوقت
"امس بديت فيه واليوم انهيتت"

التصميم بدون إيطار واتعمدت في ذالك




في النهاية هذا آخر أعمال لي..وان شاء الله برجع للتصميم بعد الإمتحانات
منتظره آرائكم وتعليقاتكم

وشدو حيلكم في الإمتحانات..كلها فتره وبتعدي..وتذكرو
"لكل مجتهد نصيب"
وبالتوفيق للجميع

>>> خلاص تعبت

تقبلوا حبي و احترامي لكم
والسلام عليكم ورحمة الله وبركاته