][Miss Me][..آخر أعمالي..][

[.ll.Miss Me.ll.]

السلام عليكم ورحمة الله وبركاته
شحالكم ياأعضاء منتدى مسومس
ان شاء الله تكونون بأفضل حال..

:clap:
طبعاً ألف مبروك بمناسبة إنتهاء الإمتحانات عند أغلبكم
وبالتوفيق للي بعدهم عندهم إمتحانات


بعضكم يعرف أني في آخر موضوع لي طلبت رايكم في اني اغير اسمي "خوواتي" إلى Miss Me
وتبون الصراحه كنت مقرره من قبل اني اغيره لكن حبيت أعرف رايكم وتفاجأت انه الأكثر قالوا لاتغيرينه
ومثل ماانتوا شايفين الإسم تغير
وإلي مافيه يحول انجليزي وهو يكتب..مب مشكله يقولي خوواتي:wink2:


الموضوع اليوم هو عبارة عن صور اخذتها من فترة وحبيت آخذ رايكم فيها
واستفيد من أهل الخبره في مجال التصوير وآرائهم وانتقاداتهم
لاني أحب التصوير لكن ماأعرف فيه شي وودي اتعلمه :blush:


بتلاحظون أنه اغلب الصور للسحب..وهذا لحبي له
مابطول عليكم أكثر وأخليكم مع الصور







الصورة الياية فقعت عيني وانا أصورها بسبب الشمس
قمت اشوف الدنيا سودة بعد ماصورتها










في الصورة الياية إلي عالطرف الشمس..لكنها مب واضحه لأنه خلفية المنتدى باللون الأبيض



بسكم من السحاب وننتقل لشي ثاني





الشاطر بيعرف لشجرة شو؟؟





الصورة الياية والأخيرة..هي لرفيقي في السراء والضراء..خصوصاً في الإمتحانات هو أكثر واحد يآزرني في معاناتي..ودايمن يركب السيارة وياي..أحبه وايد ومايهون علي..وكمل عشر سنوات وهو عندي ( الله يسلمه قولوا ماشاء الله)
:evil:



انتهت جولتي التصويريه..وطبعاً الصور تعدلت ألوانها بالفوتوشوب لانها مأخوذه من كاميرت موبايل Motorola V3i

منتظرة آرائكم وتعليقاتكم على الصور..ولاتنسون النصايح من إلي عنده خبره في هالمجال

على فكرة نسيت شي:nosweat:
هاليومين منتدى التصميم والجرافيكس منور بمواضيع أعضاءه
يعطيكم العافية..وان شاء الله دوم



والسلام عليكم ورحمة الله وبركاته


.ll. Miss Me.ll.