تصبحـــــــــــــوا علي خير !!

[أبو مازن]

السلام عليكــم ورحمـة الله وبركاتــه ،،

بسم الله والحمد لله والصلاة والسلام علي رسول الله صلي الله عليه وآله وسلم

أما بعد :

تصـــــــبحوا علي خير

وانت من أهله يا خويا ؟

مش عارف ليه واحد بيصدني علي طول كده اول متكلم كلمة

متصبر عليا شوية

إن الله مع الصابرين

الحكاية وما فيها ان عملت الموضوع ده عشان نعمل 3 حاجات قبل ما ننام

ولو عملتهوهم


تصبحوا علي خير ان شاء الله

أنا عارف ان أكثركم بيعملوا الكلام اللي هقوله ده لكن كما اقول دائما

وذكر فإن الذكري تنفع المؤمنين

طيب قلت 3 حاجات هنعملهم :

كتير مننا بيشكو من كوابيس

تعب في النوم

حاجات بتحصل في النوم واحنا مش داريين

دي حلها في هذا الحديث :

، قال : دعني أعلمك كلمات ينفعك الله بها ، قلت ما هو ؟ قال : إذا أويت إلى فراشك ، فاقرأ آية الكرسي : { الله لا إله إلا هو الحي القيوم } . حتى تختم الآية ، فإنك لن يزال عليك من

الله حافظ ، ولا يقربنك شيطان حتى تصبح
"
الراوي: أبو هريرة - خلاصة الدرجة: [صحيح] - المحدث: البخاري - المصدر: الجامع الصحيح


تعرفوا مين اللي بيقول الكلام ده

دا ابليس عليه لعنة الله

تخيلوا

ودا في حديث طويل لسيدنا ابو هريرة

في الآخر النبي لما سمع منه هذا الكلام

فقال النبي لأبي هريرة أما إنه قد صدقك وهو كذوب ،

محبتش انقل الحديث كله لأنه طويل شوية لكنه مشهور وممكن تبحثوا عنه

ودي أول حاجة : طيب

تاني حاجة :الصبح بتلاقي نفسك مكسل كده وتحس ان اليوم كله بيعدي من غير متستفيد منه بأشياء كتيرة

فلتسمعوا هذا الحديث :

أن فاطمة أتت النبي صلى الله عليه وسلم تسأله خادما . وشكت العمل . فقال " ما ألفيتيه عندنا " قال " ألا أدلك على ما هو خير لك من خادم ؟ تسبحين ثلاثا وثلاثين . وتحمدين ثلاثا وثلاثين . وتكبرين أربعا وثلاثين . حين تأخذين مضجعك " .
الراوي: أبو هريرة - خلاصة الدرجة: صحيح - المحدث: مسلم - المصدر: المسند الصحيح

الإمام ابن تيمية رحمه الله كان يقول عن هذا الذكر :

وهذا ذكر مجرب

بجد والله شوفوا الفرق بين اليوم اللي هتقولوا فيه الذكر ده واليوم اللي هتسنوا تقولوه

سبحان الله :كلام الصادق المصدوق

آخر حاجة :

وده حديث بالله فالزموه حديث رقيق جدا وفضله عظيم جدا

ألا أعلمك كلمات تقولهن إذا أويت إلى فراشك فإن مت من ليلتك مت على الفطرة وإن أصبحت أصبحت وقد أصبت خيرا : اللهم أسلمت نفسي إليك ووجهت وجهي إليك وفوضت أمري إليك وألجأت ظهري إليك رغبة ورهبة إليك لا ملجأ ولا منجا منك إلا إليك آمنت بكتابك الذي أنزلت وبنبيك الذي أرسلت . فقال البراء : فقلت : ورسولك الذي أرسلت فطعن بيده في صدري ثم قال : وبنبيك الذي أرسلت
الراوي: البراء بن عازب - خلاصة الدرجة: صحيح - المحدث: ابن حجر العسقلاني
الحديث ده في البخاري اصلا لكني جبت الرواية دي
وفيها زيادة بسيطة

مش هعتبرها حاجة لأنك المفروض اصلا بتعملها

الرواية في اولها

:
إذا أتيت مضجعك ، فتوضأ وضوءك للصلاة ، ثم اضطجع على شقك الأيمن ثم قل : ....
الحديث
لو مت وانت نايم تموت علي الفطرة

وتنال فضل الموت علي التوحيد بفضل الله

وإن اصبحت اصبت خيرا

تبقي كل اعمالك خيرا وربنا يرزقك البركة فيها

[أكيمي]

جزاك الله خيرا
و أعاننا الله على القيام بها

[،، سيجان ،،]

السلام عليكم ورحمة الله ..^

جزاك الله خير الجزاء أخي ... وبارك فيك

اللهم جنبنا الرؤى المزعجة والاحلام والتي لاتتأخر عن زيارتنا كل يوم ..^

وفرت لنا الأحاديث الصحيحة .. رضي الله عنك وأرضاك ..

وان شاء الله نتمسك بسنة قدوتنا محمد صلى الله عليه وسلم ..^

[أبو مازن]

جزاكما الله خيرا علي مروركما الكريم

طيب واحد يقول ياااه

كل الحاجات دي هقولها يبني دا انا بحط دماغي علي المخدة كده

والاقيني رحت في عالم تاني خالص

زائد انا هقعد احفظ الدعاء الكبير ده ؟؟؟

بص يا اخي :

بالنسبة لأول حاجة : فانت ممكن تروح علي السرير بدري 10 دقايق

وتستعد للنوم بالأذكار دي

اما عن النقطة التانية

فالحقيقة مش عارف ليه بنقعد نحفظ في كتب انجليزي اد كده ونيجي علي تلات اسطر دعاء فيه فضل عظيم ونقول دا طويل ومش هعرف احفظه

وبعدين احنا في الأجازة

انت هتقعد تكرر فيه تلات اربع مرات كده هتلاقيه اتحفظ ان شاء الله

لكن داوم عليه اول 3 -4 ايام هتلاقيك تمام ان شاء الله

خلاص ياشباب

اركز علي التلات حاجات تاني

طبعا بخلاف : انك تتوضأ وتنام علي شقك الأيمن وتستعيذ بالله من الشيطان الرجيم عشان مينامش معاك :

1- آيـــــــــــــــــــة الكرسي

2- سبحان الله 33
الحمد لله 33
الله أكبر 34

3- دعاء"اللهم أسلمت نفسي إليك ووجهت وجهي إليك وفوضت أمري إليك وألجأت ظهري إليك رغبة ورهبة إليك لا ملجأ ولا منجا منك إلا إليك آمنت بكتابك الذي أنزلت وبنبيك الذي أرسلت"

وفي الآخر

تصبحوا علي خير

والسلام عليكم ورحمة الله

[راجية الفردوس]

جزاك الله خيرا ونفع بك و اثابك

[أبو مازن]

جزاك الله خيرا ونفع بك و اثابك

آمين وإياكم

وياليتنا لا ننسي تلك السنة الليلة وكل ليلة قبل النوم

ونذكر بها أحبابنا

والدال علي الخير كفاعله

[Demor]

أبو مازن

موضوع حلو والعنوان شدّني ...

جزاك الله خيراً

وان شاء الله ما ننسى نعملهم

ديمور